គោលនយោបាយ -ការរស់នៅ គោលនយោបាយ

07/11/2022 - 11:08

កម្មវិធី គោលនយោបាយជាច្រើន ជួយលើកស្ទួយជីវភាពជនរួមជាតិខ្មែរ

គ្រប់ស្ថាប័ន គណៈ ផ្នែករបស់ខេត្តបាកលីវ តែងផ្តោតការយកចិត្តទុកដាក់ អាទិភាពអនុវត្តពេញលេញ ទាន់ពេលនូវគោលការណ៍របស់បក្ស គោលនយោបាយរបស់រដ្ឋសម្រាប់ជនរួមជាតិខ្មែរ។ ទន្ទឹមនឹងនោះ គឺការខិតខំប្រឹងប្រែងឈានឡើងពីសំណាក់ប្រជាជន បាននិងកំពុងរួមចំណែកធ្វើឱ្យមុខមាត់ភូមិស្រុកមានការរីកចម្រើនពីមួយថ្ងៃទៅមួយថ្ងៃ។

មាមីងខ្មែរនៅឃុំនានានៃជាយក្រុងបាកលីវ មានជីវភាពលំនឹង អាស្រ័យ
អនុវត្តទម្រង់ដាំដំណាំរួមផ្សំ។

លោកផាងថាញយ្វី អនុប្រធានគណៈកម្មាធិការប្រជាជនខេត្តបាកលីវ ឱ្យដឹង៖ ការងារជនជាតិ គឺជាកិច្ចការមួយដ៏សំខាន់ក្នុងការពង្រឹងនិងកសាងផែនមហាសាមគ្គីទូទាំងជនជាតិ។ រយៈពេលកន្លង គណៈកម្មាធិការបក្សនិងរដ្ឋអំណាចគ្រប់លំដាប់ថ្នាក់របស់ខេត្ត បានផ្តុំកម្លាំងអនុវត្តល្អនូវគោលការណ៍របស់បក្ស គោលនយោបាយរបស់រដ្ឋចំពោះជនរួមជាតិខ្មែរ។ ភូមិភាគតែងអាទិភាពវិនិយោគកសាងហេដ្ឋារចនាសម្ព័ន្ធ នៅតំបន់ដែលមានជនរួមជាតិខ្មែររស់នៅកុះករ ផ្សព្វផ្សាយអនុវត្តកម្មវិធីគោលនយោបាយជាច្រើន ដើម្បីជួយលើកស្ទួយជីវភាពជនរួមជាតិខ្មែរ ដូចជួយគាំពារគ្រួសារក្រីក្រ គ្រួសារប្រកៀកបន្ទាត់ក្រ បង្កើតទម្រង់រកទទួលទាន ឧបត្ថម្ភសង់ផ្ទះមេត្តាធម៌ ផ្ទះមហាសាមគ្គី ជំនួយការសិក្សា ថែទាំសុខភាព បណ្តុះបណ្តាលវិជ្ជាជីវៈ ឧទ្ទេសនាមការងារធ្វើ ឧបត្ថម្ភដីសង់លំនៅឋាន ឱ្យបុលទុនដោយការប្រាក់អាទិភាព ដើម្បីអភិវឌ្ឍផលិតកម្ម។ល។

សាលារៀនជាច្រើននៅបាកលីវ ត្រូវបានកសាងមានភាពសមរម្យ។

ក្នុងរយៈពេល ២ ឆ្នាំ ឆ្នាំ ២០២០ និងឆ្នាំ ២០២១ ខេត្តបណ្តុះបណ្តាលវិជ្ជាជីវៈដល់ពលករខ្មែរជាង ៣.០០០ នាក់ និងដោះស្រាយការងារធ្វើជូនពលករជាង ២.០០០ នាក់។ ជារៀងរាល់ឆ្នាំ ខេត្តផ្តល់ជូនប័ណ្ណធានារ៉ាប់រងសុខាភិបាល ជាង ១៩០.០០០ ប័ណ្ណដល់ជនជាតិភាគតិច ដើម្បីជួយមាមីងមានលក្ខណសម្បត្តិថែទាំសុខភាព លើកកម្ពស់គុណភាពជីវភាព។ល។ ចាប់តាំងពីឆ្នាំ ២០១៦ ដល់ឆ្នាំ ២០២១ ធ្យមភាគជារៀងរាល់ឆ្នាំ ខេត្តមានគ្រួសារជនជាតិខ្មែរជិត ៣.០០០ គ្រួសារ បានទទួលស្គាល់ចាកផុតពីភាពក្រីក្រ។ រហូតដល់ខែធ្នូ ឆ្នាំ ២០២១ អត្រាគ្រួសារក្រីក្រចុះនៅក្រោម ៥% នៃចំនួនគ្រួសារខ្មែរក្នុងខេត្ត។ ក្រៅពីនោះ ខេត្តក៏បានបញ្ជូនកូនចៅមាមីងខ្មែររាប់ពាន់នាក់ទៅបណ្តុះបណ្តាល តាមរបបជម្រើសតាំង បន្ទាប់មកក៏រៀបចំការងារធ្វើជូននិស្សិតពេលបញ្ចប់ការសិក្សា រួមចំណែកលើកកម្ពស់កម្រិតប្រជាបញ្ញា បង្កើតប្រភពធនធានមនុស្សប្រកបដោយគុណភាព ជំរុញមាំការអភិវឌ្ឍប្រភពធនធានមនុស្សក្នុងជនរួមជាតិខ្មែរលើភូមិសាស្ត្រ។

ស្ថិតក្នុងក្របខណ្ឌគ្រួសារក្រីក្រ បងឡឹមជីតឹម នៅអនុសង្កាត់ ៤ សង្កាត់ហោផុង ទីរួមខេត្តយ៉ារ៉ាយ បានភូមិភាគឧទ្ទេសនាមបុលទុលពីធនាគារគោលនយោបាយសង្គមសម្រាប់ទៅធ្វើការនៅបរទេស។ បន្ទាប់ពីបញ្ចប់កិច្ចសន្យាការងារ បងតឹមវិលមកប្រទេសជាមួយនឹងប្រាក់សន្សែសន្សំបានមួយចំនួនជួយគ្រួសារចាកផុតពីភាពក្រីក្រ។ ដោយមានបំណងឈានឡើងធូរធារ បងតឹមក៏បានបុលទុនពីធនាគារគោលនយោបាយសង្គម ៥០ លានដុង ដើម្បីពង្រីកសេដ្ឋកិច្ចគ្រួសារ៕

យោង៖ TTXVN-មុនី

ចែករំលែកអត្ថបទ

ពាក្យគន្លឹះ