ព្រឹត្តិការណ៍ - នយោបាយ ព្រឹត្តិការណ៍

24/10/2022 - 15:49

លុបបំបាត់ភាពអត់ឃ្លាន កាត់បន្ថយភាពក្រីក្រ តែងបានបក្ស និងរដ្ឋយើងយកចិត្តទុកដាក់ជាពិសេស

ក្រុងកឹងធើ៖ បំផុសខែចំណុចកំពូល “ដើម្បីអ្នកក្រ”

នៅវិមានវប្បធម៌និងការងារមិត្តភាពវៀតណាម-សូវៀត ទីក្រុងហាណូយ គណៈកម្មាធិការមជ្ឈិមរណសិរ្សមាតុភូមិវៀតណាម សហការជាមួយរដ្ឋាភិបាល ទើបរៀបចំកម្មវិធីទូរទស្សន៍ និងវិទ្យុផ្សាយផ្ទាល់ “ទូទាំងប្រទេសរួមដៃគ្នាដើម្បីអ្នកក្រ”។ ឆ្នាំ ២០២២ កម្មវិធីនេះគឺជាសកម្មភាពជាក់ស្តែងសំដៅគាំទ្រចលនាប្រឡងប្រណាំង “ដើម្បីអ្នកក្រ-គ្មានអ្នកណាត្រូវទុកចោលនៅពីក្រោយឡើយ” អាស្រ័យនាយករដ្ឋមន្ត្រីបំផុសឡើង និងបំផុសខែចំណុចកំពូល “ដើម្បីអ្នកក្រ” ឆ្នាំ ២០២២ (១៧/១០/២០២២-១៨/១១/២០២២)។

នាយករដ្ឋមន្ត្រី ស្នើនិងអំពាវនាវដល់ក្រសួង ផ្នែក ស្ថាប័ន និងភូមិភាគបន្តអនុវត្តព្រមៗគ្នាប្រកបដោយប្រសិទ្ធភាពបណ្តាគោលការណ៍ គោលនយោបាយស្តីពីកាត់បន្ថយភាពក្រីក្រ-រូបថត VGP/ញ៉ឹកបាក់ ។

អញ្ជើញចូលរួមសុន្ទរកថាក្នុងកម្មវិធី នាយករដ្ឋមន្ត្រី ផាមមិញជិញ បានអះអាងថា កម្មវិធី “ទូទាំងប្រទេស រួមដៃគ្នាដើម្បីអ្នកក្រ” គាំទ្រទិវាអន្តរជាតិលុបបំបាត់ភាពក្រីក្រ និងទិវាដើម្បីអ្នកក្រវៀតណាម គឺជាព្រឹត្តិការណ៍ដ៏មានអត្ថន័យនៅក្នុងសង្គម និងមនុស្សធម៌យ៉ាងជ្រាលជ្រៅ ។ ឆ្លងតាមរយៈនោះ បានពាំនាំសារនៃក្តីមេត្តា ការចែករំលែក ការជំនឿ ការយោគយល់ និងការតាំងចិត្តអនុវត្តសកម្មភាព ដើម្បី “គ្មានអ្នកណាត្រូវទុកចោលនៅពីក្រោយឡើយ” ក្នុងដំណើរកសាងប្រទេសវៀតណាមសន្តិភាព-វិបុលភាព-ភាពកក់ក្តៅ-សុភមង្គល។

នាយករដ្ឋមន្ត្រី ផាមមិញជិញ បានស្នើដោយស្មោះស្ម័គ្រ និងអំពាវនាវឱ្យក្រសួង ផ្នែក ស្ថាប័ន និងភូមិភាគបន្តអនុវត្តព្រមៗគ្នា ប្រកបដោយប្រសិទ្ធភាពបណ្តាគោលការណ៍ គោលនយោបាយស្តីពីកាត់បន្ថយភាពក្រីក្រ ជាពិសេសគឺ ៣ កម្មវិធីទិសដៅជាតិ; ដោះស្រាយទាន់ពេលបញ្ហាជាប់ជំពាក់ដែលកើតឡើង។ លើកកំពស់ចំណេះដឹង បំណិនផលិតកម្ម បង្កើតការងាររកស៊ីបន្ថែមដល់អ្នកក្រ។ នាយករដ្ឋមន្ត្រី ផាមមិញជិញ បានសង្កត់ធ្ងន់ថា បណ្តាអង្គការ បុគ្គល អាជីវកម្មក្នុងនិងក្រៅប្រទេស បន្តរួមដំណើរជាមួយគ្នា រួមដៃគ្នា មានសកម្មភាពជាក់ស្តែង រួមចំណែកជាងទៀតសម្រាប់ការកាត់បន្ថយភាពក្រីក្រ និងធានាសុខុមាលភាពសង្គមរបស់ប្រទេសជាតិយើង។ អ្នកក្រ និងអ្នកប្រកៀកបន្ទាត់ក្រ ត្រូវលើកកម្ពស់ជាងទៀតនូវឆន្ទៈខិតខំប្រឹងប្រែងដោយខ្លួនឯង និងស្រេកឃ្លានឈានឡើង ចាកផុតពីភាពក្រីក្រប្រកបដោយចីរភាព។

* គណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុងកឹងធើ និងគណៈចលនាមូលនិធិ “ដើម្បីអ្នកក្រ” ក្រុងទើបនឹងរៀបចំពិធីបំផុសខែចំណុចកំពូល “ដើម្បីអ្នកក្រ” ឆ្នាំ ២០២២ (ចាប់ពីថ្ងៃទី ១៧ ខែតុលាដល់ថ្ងៃ ទី ១៨ ខែវិច្ឆិកា ឆ្នាំ ២០២២)។

ថ្នាក់ដឹកនាំក្រុងកឹងធើ ចូលរួមវិភាគទានសម្រាប់មូលនិធិ “ដើម្បីអ្នកក្រ” ឆ្នាំ ២០២២។
រូបថត៖ ង៉ុកក្វៀង

ថ្នាក់ដឹកនាំក្រុងកឹងធើ ថតរូបអនុស្សាវរីយ៍ជាមួយស្ថាប័ន និងអាជីវកម្មដែលចូលរួមវិភាគទានសម្រាប់មូលនិធិ “ដើម្បីអ្នកក្រ” នៅក្នុងពិធីបំផុសចលនា។ រូបថត៖ ង៉ុកក្វៀង

បច្ចុប្បន្ន ក្រុងកឹងធើនៅមានគ្រួសារក្រីក្រ ចំនួន ២.៩០១ គ្រួសារប្រកៀកបន្ទាត់ក្រជិត ៩.១៤៣ គ្រួសារ និងគ្រួសារក្រីក្រជាច្រើនទៀត ដែលកំពុងត្រូវការយកចិត្តទុកដាក់ ឧបត្ថម្ភគាំទ្រពីសហគមន៍ ដើម្បីកែលម្អជីវភាព ឈានឡើងចាកផុតពីភាពក្រីក្រប្រកបដោយចីរភាព។ គណៈប្រចាំការនៃគណៈកម្មាធិការរណសិរ្សមាតុភូមិវៀតណាមក្រុងកឹងធើ -គណៈចលនាមូលនិធិ “ដើម្បីអ្នកក្រ” ក្រុងកឹងធើ អំពាវនាវដល់ស្ថាប័ន អាជីវកម្ម អង្គការ បុគ្គល និងសប្បុរសជន បន្តជួយឧបត្ថម្ភតាមរយៈមូលនិធិ “ដើម្បីអ្នកក្រ” គ្រប់កម្រិត និងគ្រប់កម្មវិធីសុខុមាលភាពសង្គមរបស់ក្រុង រួមចំណែកជាមួយគណៈកម្មាធិការបក្ស និងរដ្ឋអំណាចគ្រប់លំដាប់ថ្នាក់ អនុវត្តឱ្យបានល្អប្រសើរនូវសុខុមាលភាពសង្គម និងកាត់បន្ថយភាពក្រីក្រប្រកបដោយចីរភាព។ នេះគឺជាព្រឹត្តិការណ៍ដែលមានអត្ថន័យខាងនយោបាយសង្គម និងមនុស្សធម៌ យ៉ាងជ្រាលជ្រៅ សំដៅពង្រីកប្រវេណីសាមគ្គី ស្មារតីជួយគ្នាទៅវិញទៅមករបស់សហគមន៍ យកចិត្តទុកដាក់គិតគូរ ជួយអ្នកក្រឈានឡើង ចាកផុតពីភាពក្រីក្រដោយចីរភាព។ ឆ្ពោះទៅកាន់កម្មវិធី “ទូទាំងប្រទេស រួមដៃគ្នាដើម្បីអ្នកក្រ” ឆ្នាំ ២០២២។

រាល់ការចូលរួមវិភាគទានមូលនិធិ “ដើម្បីអ្នកក្រ” សូមផ្ញើមកកាន់៖ គណៈកម្មាធិការរណសិរ្សមាតុភូមិវៀតណាមក្រុងកឹងធើ (លេខ ២៩០ ផ្លូវ ៣០ មេសា សង្កាត់ស្វឹងខាញ់ ខណ្ឌនិញកេវ ក្រុងកឹងធើ)។ ឬផ្ទេរទៅគណនី៖ គណៈចលនាមូលនិធិ “ដើម្បីអ្នកក្រ” នៃគណៈកម្មាធិការរណសិរ្សមាតុភូមិវៀតណាមទីក្រុង លេខគណនី៖ ៣៧៦១.០.៩0៤៥៣០៣.៩១០៤៦ នៅរតនាគាររដ្ឋកឹងធើ ៕

 ទីភ្នាក់ងារសារពត៌មានវៀតណាម-ង៉ុកក្វៀង

ចែករំលែកអត្ថបទ

ពាក្យគន្លឹះ