កីឡា - ទេសចរណ៍ កីឡា

27/09/2022 - 09:45

កីឡាផុងដៀង “ទទួលបានចំណាត់ថ្នាក់លេខ ១”

មហាសន្និបាតកីឡាអប់រំកាយក្រុងកឹងធើ លើកទី IX ឆ្នាំ ២០២២ បានបញ្ចប់ដោយជោគជ័យ លទ្ធផលលេខ ១ ទូទាំងក្រុមបានមកលើអង្គភាពស្រុកផុងដៀង។

វគ្គប្រកួតផ្តាច់ព្រ័ត្រវិញ្ញាសាវាយកូនឃ្លីលើតុ ខ្លឹមសារមិត្តរួមក្រុមនារី រវាងប៊ិញធ្វី (អាវលឿង)
និងនិញកេវ។

មហាសន្និបាតកីឡាអប់រំកាយឆ្នាំនេះ មានចំនួន១១ ក្រុមចូលរួមមកពីខណ្ឌ ស្រុកចំនួន ៩ និងអង្គភាពផ្នែកអប់រំ ផ្នែកនគរបាលក្រុងកឹងធើ។ អត្តពលិកប្រកួត ១៧ វិញ្ញាសា រួមមាន៖ អុកចត្រង្គ វាយកូនឃ្លីលើតុ ប៊ីយ៉ាផ្នែកបុរស (ប្រកួតនៅខណ្ឌនិញកេវ) ក្បាច់គុនបុរាណ (ប្រកួតនៅស្រុកកើ-ដ) រុញអង្រែ ទាញព្រ័ត្រ (ប្រកួតនៅថើយឡាយ) ប្រណាំងកង់ បាល់ទះបុរស ហែលទឹក វាយសី (ប្រកួតនៅប៊ិញធ្វី) បាល់ទាត់បុរស (ប្រកួតនៅថោកណូក) តេក្វាន់ដូនិងវ៉វីណាម (ប្រកួតនៅផុងដៀង) អត្តពលកម្មបាល់បោះបុរស ប្រណាំងទូក (ប្រកួតនៅមជ្ឈមណ្ឌលកីឡាអប់រំកាយ) ការ៉ាតេ (ប្រកួតនៅខណ្ឌកៃរុាំង)។ បញ្ចប់ការប្រកួត លទ្ធផលរង្វាន់លេខមួយបានទៅលើអង្គភាពស្រុកផុងដៀង ដោយទទួលបាន៖ មេដាយមាស ៥៨ គ្រឿង មេដាយប្រាក់ ៣៣ គ្រឿង និងមេដាយសំរិទ្ធ ១៥ គ្រឿង រង្វាន់លេខ ២ បានទៅលើអង្គភាពប៊ិញធ្វី ដោយទទួលបាន៖ មេដាយមាស ៤៨គ្រឿង មេដាយប្រាក់ ៣៤ គ្រឿង និងមេដាយសំរិទ្ធ ៣៥ គ្រឿង រង្វាន់លេខ ៣ បានមកលើអង្គភាពនិញកេវ ដោយទទួលបាន៖ មេដាយមាស ៣៣ គ្រឿង មេដាយប្រាក់ ៣៨ គ្រឿង និងមេដាយសំរិទ្ធ ២៦ គ្រឿង…។

ដំណាក់កាលដំបូងនៃមហាសន្និបាតកីឡា ផុងដៀងមានចំណាត់ថ្នាក់នៅពាក់កណ្តាលបាតតារាង លុះដល់បើកការប្រកួតវិញ្ញាសាវ៉វីណាម។ មិនខុសពីការរំពឹងទុករបស់អ្នកជំនាញ ស្រុកផុងដៀងឈ្នះរង្វាន់លេខ ១ ទូទាំងក្រុមលើវិញ្ញាសាវ៉វីណាម ដោយទទួលបានមេដាយមាស ២៧ គ្រឿង មេដាយប្រាក់ ៥ គ្រឿង និងរង្វាន់លេខ ២ បានទៅលើអង្គភាពស្រុកកើ -ដ ដោយទទួលបានមេដាយមាស ៥ គ្រឿង មេដាយប្រាក់ ២២ គ្រឿង មេដាយសំរិទ្ធ ៧ គ្រឿង រង្វាន់លេខ ៣ ធ្លាក់មកលើអង្គភាពខណ្ឌប៊ិញធ្វី ដោយទទួលបានមេដាយមាស ៣ គ្រឿង មេដាយប្រាក់ ៧ គ្រឿង មេដាយសំរិទ្ធ ៥គ្រឿង។ ក្រៅពីវិញ្ញាសាកីឡាវ៉វីណាម ស្រុកផុងដៀងនៅមានប្រៀបខ្លាំងខាងកីឡាហែលទឹក ដោយនាំមកមេដាយមាស ៧ គ្រឿងជូនស្រុក។ អាចនិយាយបានថា ដោយសារវិញ្ញាសាកីឡាមាន ប្រៀបខ្លាំងទាំងពីរនេះ បានជួយឱ្យអង្គភាពផុងដៀង យកឈ្នះលើអង្គភាពនិញកេវនិងប៊ិញធ្វី ដើម្បីឈ្នះរង្វាន់លេខ ១ ទូទាំងក្រុម។

នៅក្នុងមហាសន្និបាតកីឡាអប់រំកាយលើកនេះ ខណ្ឌទាំង ២ នៃមជ្ឈមណ្ឌក្រុង គឺខណ្ឌនិញកេវនិងប៊ិញធ្វី នៅតែរក្សាបាន “ភាពខ្លាំង” សម្រាប់វិញ្ញាសាកីឡាចំនួន ២ ដែលប្រកួតក្នុងផ្ទះ នោះគឺកីឡាវាយកូនឃ្លីលើតុនិងកីឡាវាយសី ពេលអង្គភាពទាំង ២ ផ្លាស់ប្តូរគ្នានាំមុខឈ្នះរង្វាន់លេខ ១ ទូទាំងក្រុម។ នៅពេលអង្គភាពនិញកេវ ឈ្នះរង្វាន់លេខ ១ លើវិញ្ញាសាកីឡាវាយសីខ្លឹមសារមិត្តរួមក្រុមបុរស ប៊ិញធ្វីក៏ឈ្នះរង្វាន់លេខ ១ ខ្លឹមសារមិត្តរួមក្រុមនារីផងដែរ។ មិនស្មានកីឡាវាយសី គឺអង្គភាពស្រុកវិញថាញ់ ឈ្នះរង្វាន់លេខ ៣ ទូទាំងក្រុម។ អត្តពលិក ង្វៀងធីញឺអី ក្រុមវិញថាញ់ ទទួលបានមេដាយប្រាក់ ២ គ្រឿង (ឯកត្តជននារី គូបុរសនារី) ឱ្យដឹង៖ “តាំងពីទីលានវាយសីនៅអនុវិទ្យាល័យថាញមី ត្រូវបានវិនិយោគក្រាលកម្រាលតាមបទដ្ឋានត្រឹមត្រូវ បានជួយឱ្យយើងខ្ញុំហាត់សមបានល្អជាង ដូច្នេះ នៅពេលទៅប្រកួតទើបឈ្នះរង្វាន់”៕

ហាថាញ-មុនី

ចែករំលែកអត្ថបទ

ពាក្យគន្លឹះ