សុខភាព - អប់រំ អប់រំ

27/06/2022 - 16:35

ខ្វះសួនកម្សាន្តក្នុងរដូវវិស្សមកាល

មិនត្រឹមតែសិស្សនៅមជ្ឈមណ្ឌល ក្រុងខ្វះសួនកម្សាន្តប៉ុណ្ណោះទេ សិស្សនៅតាមឃុំ ជាយក្រុងនិងឆ្ងាយពីមជ្ឈមណ្ឌលក្រុងកឹងធើ ក៏ត្រូវការកន្លែងសម្រាប់លេងកម្សាន្ត លត់ដំសុខភាពក្នុងរដូវវិស្សមកាលផងដែរ។

សិស្សត្រូវការសួនកម្សាន្តក្នុងរដូវវិស្សមកាល។

បងស្រីហូធីលី នៅផុងដៀង កំពុងស្វែងរកគ្រូបង្រៀនវិញ្ញាសាកីឡាវាយសីដល់កូនប្រុសរៀនថ្នាក់ទី ៣ ។ បងស្រីលី ឱ្យដឹង៖ “ពេលឮដំណឹងថា នៅផុងដៀងមានទីលានវាយសីក្នុងផ្ទះ មានកម្រាលស្មៅសិប្បនិមិត្ត ខ្ញុំបានទៅរកសូមឱ្យកូនចូលរៀន។ បានចុះឈ្មោះច្រើនខែហើយ ប៉ុន្តែមិនឃើញអ្នកណាហៅចូលរៀនសោះ។ ពេលទៅដល់កន្លែងស្វែងយល់ ទើបខ្ញុំដឹងថា ម្ចាស់ទីលានរកអ្នកសហការបង្ហាត់មិនបាន។ រដូវវិស្សមកាលដល់ហើយ ប៉ុន្តែនៅផុងដៀងគ្មានទីលានលេងកម្សាន្តណាសោះ ខ្ញុំបារម្ភកូននៅផ្ទះលេងទូរស័ព្ទដូចកាលពីរដូវវិស្សមកាលមុន នឹងធ្វើឱ្យភ្នែកកើនកម្រិតមីញ៉ូប។ ហើយវាមិនចេញក្រៅទំនាក់ទំនង ខ្លាចវាមានភាពញញើតញញើមជាដើម”។

ជាក់ស្តែងជាច្រើនឆ្នាំមកនេះ ក្រៅពីរៀបចំបង្រៀនកួក្នុងរដូវវិស្សមកាល លោកគ្រូអ្នកគ្រូ នៅទាំងចូលរួមសកម្មភាពមុខជំនាញ រៀនវិជ្ជាជីវៈ។ល។ ហេតុនោះ សកម្មភាពសម្រាប់រដូវវិស្សមកាលដល់សិស្ស បំផុតគឺសិស្សបឋមសិក្សាហាក់ដូចជាគ្មានសោះ។ ឯសិស្សពីកម្រិតអនុវិទ្យាល័យឡើងទៅបានចូលរួមសកម្មភាពនៅភូមិភាគ ប៉ុន្តែសកម្មភាពមិនញឹកញាប់នោះទេ។ លោកហ្វិញវ៉ាន់វ៉ាត់ ប្រធានការិយាល័យអប់រំនិងបណ្តុះបណ្តាលស្រុកកើ-ដ ឱ្យដឹង៖ “អាស្រ័យទីធ្លាសាលាមិនគ្រប់លក្ខណៈដើម្បីរៀបចំសកម្មភាពកីឡាលើកកម្ពស់បើប្រៀបនឹងកម្មវិធីសិក្សា ម្ល៉ោះហើយលំបាកដើម្បីរៀបចំលត់ដំកាយសម្បទា បង្កើតទីលានកម្សាន្តដល់សិស្សណាស់។ ពិសេស មិនមែនគ្រូបង្រៀនអប់រំកាយណា ក៏មានបំណិនកីឡាដើម្បីហ្វឹកហ្វឺនដល់ប្អូនៗនោះដែរ”។

កាលពីមុន ក្នុងរដូវវិស្សមកាលម្តងៗ សិស្សអាចបបួលគ្នីគ្នាលេងល្បែងប្រជាប្រិយកម្សាន្តសប្បាយ សព្វថ្ងៃនេះ ប្អូនៗមានទូរស័ព្ទដៃ បែរជាប្រមូលគ្នាជាក្រុមដើម្បីលេងហ្គេមទៅវិញ។ បច្ចុប្បន្ន ហាក់ដូចនៅគ្រប់ភូមិទាំងអស់ សុទ្ធសឹងតែអាចតភ្ជាប់បណ្តាញអីុនធឺណិត ម្ល៉ោះហើយការលេងហ្គេម ការចូលរួមសកម្មភាពលើប្រព័ន្ធមានភាពងាយស្រួលណាស់។ បងស្រីយឿងធីហៀង នៅភូមិដុងថាំង ឃុំដុងថាំង ស្រុកកើ-ដ ឱ្យដឹង៖ “ខ្ញុំមានកូនតែម្នាក់គត់ ហេតុនោះស្រឡាញ់ថ្នាក់ថ្នមណាស់ មិនឱ្យធ្វើស្រែចម្ការទេ ខ្លាចនឿយហត់។ ឥឡូវនេះរៀនដល់កម្រិតវិទ្យាល័យហើយ ប៉ុន្តែមិនចេះជួយធ្វើការងារអ្វីសោះ ដឹងតែពីលេងហ្គេម។ ដល់រដូវវិស្សមកាលម្តងៗ ប្តីប្រពន្ធខ្ញុំបារម្ភណាស់ ពីព្រោះឃើញកូនលេងតែហ្គេមខ្លាចធ្លាក់ខ្លួនញៀនញ៉ាម ប៉ុន្តែនៅទីនេះគ្មានអ្វីឱ្យកូនលេងកម្សាន្តក្រៅពីហ្គេមដែរ”៕

ហាថាញ-វិមាន

ចែករំលែកអត្ថបទ

ពាក្យគន្លឹះ