គោលនយោបាយ -ការរស់នៅ គោលនយោបាយ

09/06/2026 - 09:34

ជីវភាពរស់នៅមានភាពល្អប្រសើរអាស្រ័យកម្មវិធី

ដោយការផ្សព្វផ្សាយបានទាន់ពេល និងមានប្រសិទ្ធភាពនូវគម្រោងនានានៃកម្មវិធីទិសដៅជាតិអភិវឌ្ឍន៍សេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាលទី១ ឆ្នាំ២០២១ - ២០២៥ (ហៅកាត់ថា កម្មវិធី) គឺជីវភាពរស់នៅរបស់គ្រួសារជនរួមជាតិខ្មែរជាច្រើននៅទីក្រុងកឹងធើបានកែលម្អ ទិដ្ឋភាពជនបទមានការផ្លាស់ថ្មីយ៉ាងច្បាស់។

ប្រភពទុនពីកម្មវិធី បានជួយគ្រួសារបងស្រី យ័ញធីសាធី (ខាងស្តាំ) សង្កាត់សុកត្រាំង
មានជីវភាពលំនឹងជាងមុន។

ដោយការចូលរួមយ៉ាងប្តូរផ្តាច់ ច្នៃប្រតិដ្ឋ និងឈ្លាសវៃពីគ្រប់ថ្នាក់ គ្រប់ផ្នែក ការផ្សព្វផ្សាយអនុវត្តកម្មវិធីនានានៅលើភូមិឋានទីក្រុង បានពង្រីកប្រសិទ្ធភាព ផ្សារភ្ជាប់នឹងការផ្សព្វផ្សាយព័ត៌មាន បានជួយកែលម្អនិងលើកកម្ពស់ជីវភាពរបស់ប្រជាជន ជំរុញការអភិវឌ្ឍសេដ្ឋកិច្ច-សង្គម។ ភស្តុតាងនៃលទ្ធផលខាងលើ គឺគ្រួសារដែលទទួលផលពីគោលនយោបាយ មានជីវភាពលំនឹងជាបណ្តើរៗ។ ជាក់ស្តែងដូច៖ គ្រួសារបងស្រី យ័ញធីសាធី នៅសង្កាត់សុកត្រាំង ក្នុងឆ្នាំ២០២៤ បានរដ្ឋអំណាចពិនិត្យនិងជំនួយថវិកាចំនួន ១០ លានដុងពីប្រភពទុនឧបត្ថម្ភផ្លាស់ប្តូរមុខរបរ បងស្រី វិនិយោគមធ្យោបាយសម្រាប់ទិញអេតចាយ។ បងស្រីធី ចែករំលែក៖ “ពេលមានមធ្យោបាយ ពីរនាក់ប្តីប្រពន្ធទិញអេតចាយ រាល់ថ្ងៃក៏រកបានប្រាក់ប្រហែល ២០០.០០០ ដុងដែរ ថ្ងៃណាទិញបានច្រើនគឺចំណេញបាន ៣០០.០០០ ដុង។ អរគុណបក្ស រដ្ឋ និងរដ្ឋអំណាចខ្លាំងណាស់ ដែលបានឧបត្ថម្ភមុខរបរចិញ្ចឹមជីវិត ដើម្បីឱ្យគ្រួសារខ្ញុំមានប្រាក់ចេញចូលខ្លះសម្រាប់គិតគូរជីវភាព ”។

ចំណែកបងស្រីលីធីធ្វី នៅឃុំមីទូ ចែករំលែក៖ “ជីវភាពមានការលំបាក គ្មានដីផលិត ប្តីមានជំងឺ សរសៃប្រសាទ ដូច្នេះរាល់ការចំណាយគឺរូបខ្ញុំម្នាក់ឯងជាអ្នករ៉ាប់រង។ កូនៗក៏មានគ្រួសាររៀងៗខ្លួន និងទៅធ្វើការឆ្ងាយ យូរៗក៏ផ្ញើប្រាក់បន្តិចបន្តួចមក ជួយចិញ្ចឹមចៅ។ ដោយឃើញពីស្ថានភាពរបស់ខ្ញុំ ឆ្នាំ២០២៣ រដ្ឋអំណាចភូមិភាគបានពិនិត្យឧបត្ថម្ភថវិកា ១០ លានដុង ខ្ញុំក៏ទិញតុ កៅអី និងធុងលក់ទឹកអំពៅដើម្បីចិញ្ចឹមជីវិត។ ចាប់តាំងពីមានធុងទឹកអំពៅមក បានជួយឱ្យគ្រួសារខ្ញុំមានប្រាក់ចំណូលបន្ថែមសម្រាប់គិតគូរជីវភាព”។

លោកឡឹមហ្វាងម៉ូវ នាយកមន្ទីរជនជាតិនិងសាសនាទីក្រុងកឹងធើ មានប្រសាសន៍៖ រយៈពេលកន្លង មន្ទីរបានដឹកនាំ សហការជាមួយផ្នែកសមត្ថកិច្ចដែលពាក់ព័ន្ធ ចាត់តាំងអនុវត្តកម្មវិធីទិសដៅជាតិ អភិវឌ្ឍន៍សេដ្ឋកិច្ច-សង្គម នៅតំបន់ជនជាតិភាគតិច និងតំបន់ភ្នំ ដំណាក់កាលទី១ ឆ្នាំ២០២១-២០២៥ ជាមួយប្រភពទុនសរុប ១.៥២០.០២៦ លានដុង ក្នុងនោះ ថវិកាមជ្ឈិមគឺ ១.២៧០.៦៣៣ លានដុង; ថវិកាភូមិភាគគឺ ១៥៩.៣៨១ លានដុង...។

ក្រោយរយៈពេលនៃការផ្សព្វផ្សាយនូវគម្រោងនិងកម្មវិធី ទិដ្ឋភាពជនបទស្រស់បំព្រង កម្រិតជីវភាពរបស់ប្រជាជនមានការផ្លាស់ប្ដូរជាវិជ្ជមាន។ អត្រាគ្រួសារក្រីក្របានកាត់បន្ថយ គិតត្រឹមចុង ឆ្នាំ ២០២៥ លើភូមិឋានទីក្រុងនៅគ្រួសារក្រីក្រ ៥.៥៨២ គ្រួសារ ស្រូបអត្រា ០,៥៩% ថយចុះ ២.១៦៣ គ្រួសារ បើធៀបនឹងឆ្នាំ២០២៤...។ ស្ថានភាពសន្តិសុខនយោបាយ សណ្តាប់ធ្នាប់ សុវត្ថិភាពសង្គមនៅលើភូមិឋានទីក្រុងបានរក្សាខ្ជាប់៕

ថាញវ៉ាង - មេងលី

ចែករំលែកអត្ថបទ

ពាក្យគន្លឹះ