សន្តិសុខ - ការពារប្រទេស ការពារប្រទេស

14/06/2022 - 09:40

រួមចំណែករក្សាលំនឹងសន្តិសុខដល់ភូមិស្រុក

គណៈកម្មការអាចារ្យវត្តនៅតាមវត្តខ្មែរនានាលើភូមិសាស្រ្តខេត្តបាកលីវ បានរួមជាមួយរដ្ឋអំណាច និងកម្លាំងនគរបាល រក្សាលំនឹងសន្តិសុខ ដើម្បីភូមិស្រុកអភិវឌ្ឍ។

នគរបាលក្រុងបាកលីវ ខេត្តបាកលីវ ជូនអំណោយដល់មាមីងពុទ្ធបរិស័ទចំណុះជើងវត្តត្រាខា សង្កាត់៩ ក្រុងបាកលីវ ក្នុងឱកាសបុណ្យចូលឆ្នាំថ្មី ២០២២។

លោកចូវផាក ប្រធានគណៈកម្មការវត្តយ៉ារ៉ាយថ្មី បានមាមីងពុទ្ធបរិស័ទនៅអនុសង្កាត់ ៤ សង្កាត់ ១ ទីរួមខេត្តយ៉ារ៉ាយ ពិនិត្យជម្រើសជាអ្នកមានប្រជាប្រិយច្រើនឆ្នាំបន្តបន្ទាប់។ លោកចូវផាក ឱ្យដឹង៖ គោលនយោបាយជនជាតិរបស់បក្ស រដ្ឋយើងរយៈពេលកន្លង តែងនាំមកភាពលំនឹងខាងនយោបាយ សណ្ដាប់ធ្នាប់ សុវត្ថិភាពសង្គម ភូមិស្រុក មានភាពសុខសាន្ត។ ខ្លួនខ្ញុំផ្ទាល់តែងចេញកម្លាំងផ្សព្វផ្សាយ ចលនាពុទ្ធបរិស័ទកសាងគ្រួសារវប្បធម៌នៅរាល់ឱកាសបុណ្យទាន។ ក្រៅពីព្រះសង្ឃទេសនាពន្យល់ពីធម៌អាថ៌ លោកចូវផាក នៅទាំងចលនាពុទ្ធបរិស័ទក្នុងចំណុះជើងវត្ត ថែរក្សានិងពង្រីកអត្តសញ្ញាណវប្បធម៌ ប្រវេណី ផ្សារភ្ជាប់ជាមួយនឹង “កសាងផ្នត់រស់នៅស៊ីវិល័យក្នុងពិធីអាពាហ៍ពិពាហ៍ បុណ្យសព និងបុណ្យទានផ្សេងៗ”។ ពិសេស គាត់បានផ្សព្វផ្សាយ ចលនាពុទ្ធបរិស័ទលុបបំបាត់នូវទម្លាប់ឱនថយ អបិយជំនឿជាដើម។

សម្ដីវោហារក៏ដូចជាការផ្សព្វផ្សាយយ៉ាងប៉ិនប្រសប់របស់លោកយ័ញសាង ប្រធានគណៈកម្មការវត្តក្បាលក្រពើ ឃុំឡុកនិញ ស្រុកហុងយ៉ឹង បានរួមចំណែកមិនតិចក្នុងការពង្រឹង និងពង្រីកក្ដីជំនឿរបស់ជនរួមជាតិទៅលើបក្ស រដ្ឋ។ ជំរុញលើកទឹកចិត្តមាមីងខិតខំប្រកបការងារ រកស៊ី ពង្រីកសេដ្ឋកិច្ចគ្រួសារ សាមគ្គីរួមគ្នា រក្សាសន្ដិសុខសណ្ដាប់ធ្នាប់ភូមិស្រុក។

ក្នុងឱកាសចុះសាកសួរសុខទុក្ខសមាគមព្រះសង្ឃសាមគ្គីស្នេហាជាតិខេត្តបាកលីវ នាឱកាសបុណ្យចូលឆ្នាំថ្មី ២០២២ ឧត្តមសេនីយ៍ត្រី ឡេតឹងតើយ សមាជិកមជ្ឈិមបក្ស សមាជិកគណៈកម្មាធិការអចិន្រ្តៃយ៍នៃរដ្ឋសភា ប្រធានគណៈកម្មាធិការការពារប្រទេស-សន្ដិសុខ បានវាយតម្លៃខ្ពស់តួនាទីរបស់សមាគមព្រះសង្ឃសាមគ្គីស្នេហាជាតិខេត្តបាកលីវ និងចំពោះព្រះឧបជ្ឈាយ៍ ហ៊ឺវហិន ដែលជាប្រធានសមាគម។ ឧត្តមសេនីយ៍ត្រី បានគូសបញ្ជាក់ សមាគមព្រះសង្ឃសាមគ្គីស្នេហាជាតិខេត្ត បានរួមចំណែកយ៉ាងសំខាន់ក្នុងការរក្សាលំនឹងសន្ដិសុខនយោបាយនៅតំបន់ជនរួមជាតិខ្មែរ។ ទូទាំងខេត្ត សព្វថ្ងៃមានមន្រ្តីសង្ឃរាប់រយព្រះអង្គ ក្នុងនោះមានព្រះឧបជ្ឈាយ៍ ហ៊ឺវហិន បាននិងកំពុងតែរួមកម្លាំងជាមួយនឹងរដ្ឋអំណាចភូមិភាគអនុវត្តល្អការងារ ផ្សព្វផ្សាយចលនាពុទ្ធបរិស័ទខ្មែរចូលរួមចលនាទូទាំងប្រជាជនការពារសន្ដិសុខមាតុភូមិ រួមចំណែកជាមួយនឹងរដ្ឋអំណាចភូមិភាគកសាងភូមិស្រុកស្រស់ស្អាត សម្បូរសប្បាយ និងសុខសាន្ត៕

យោងតាមកាសែតបាកលីវ - ថាច់់ធី

ចែករំលែកអត្ថបទ

ពាក្យគន្លឹះ