សន្តិសុខ - ការពារប្រទេស ការពារប្រទេស

18/04/2022 - 14:52

កង K៩៣ ទទួលមេដាយយុទ្ធជ័យថ្នាក់លេខ ៣

នៅស្រុកតិញបៀង បញ្ជាការយោធាខេត្តអាងយ៉ាង បានរៀបចំយ៉ាងមហោឡារិក ពិធីទទួលមេដាយយុទ្ធជ័យថ្នាក់លេខ ៣ របស់ប្រធានរដ្ឋប្រទានដល់សមូហភាពកង K៩៣ និងបុគ្គល ២ រូប ដែលសម្រេចបានស្នាដៃឆ្នើមក្នុងការអនុវត្តភារកិច្ច។

ឧត្តមសេនីយ៍ត្រី ហូមិញភឿង អនុប្រធានស្នងការនយោបាយយោធភូមិភាគ ៩ ប្រទានមេដាយយុទ្ធជ័យថ្នាក់លេខ ៣ ដល់កង K៩៣។

កង K៩៣ (បញ្ជាការយោធាខេត្តអាងយ៉ាង) បានបង្កើតឡើងកាលពីថ្ងៃ ២៣/១១/២០០០ មានភារកិច្ចស្វែងរកប្រមូល និងធ្វើមាតុភូមិនិវត្តន៍អដ្ឋិធាតុយុទ្ធជនពលីនៃកងទ័ពស្ម័គ្រចិត្តនិងអ្នកជំនាញការវៀតណាម ពលីជីវិតនៅប្រទេសកម្ពុជានិងក្នុងប្រទេស។ អស់រយៈពេល ២២ ឆ្នាំអនុវត្តភារកិច្ចកម្មាភិបាល យុទ្ធជនកង K៩៣ តែងបញ្ជ្រាបស៊ីជម្រៅភារកិច្ច លើកកម្ពស់ស្មារតីទទួលខុសត្រូវ ជម្នះគ្រប់ឧបសគ្គ។ ម្ចាស់ការស្វះស្វែងរកធ្វើការទំនាក់ទំនង វិនិច្ឆ័យរាល់ប្រភពព័ត៌មានអំពីយុទ្ធជនពលី ផ្នូរយុទ្ធជនពលី។ ចលនាកងកម្លាំង មធ្យោបាយជាច្រើនចូលរួមស្ទង់មើល ស្វែងរកអដ្ឋិធាតុលើភូមិសាស្រ្តជាច្រើន ទីតាំងផ្សេងៗគ្នា។ កងទ័ពស៊ូទ្រាំនូវការលំបាក ភាពតឹងតែងនៃអាកាសធាតុ លក្ខណៈនៃការប្រជុំជីវភាពបានជះឥទ្ធិពលដល់លទ្ធផលនៃការអនុវត្តភារកិច្ច និងសុខភាពរបស់កម្មាភិបាល យុទ្ធជន។ ជម្នះនូវការលំបាក កង K៩៣ បានស្វែងរកប្រមូលនិងទទួលអដ្ឋិធាតុយុទ្ធជនពលីជាង ៣.២០០ អដ្ឋិធាតុ។ អដ្ឋិធាតុយុទ្ធជនពលីទាំងអស់នេះ ត្រូវបានធ្វើពិធីបញ្ចុះនៅតាមទីបញ្ចុះសពយុទ្ធជនពលី ឬក៏ប្រគល់ជូនគ្រួសារដោយត្រឹមត្រូវ សមរម្យបំផុត ដើម្បីសម្ដែងនូវការគោរពដឹងគុណចំពោះវីរយុទ្ធជនពលី បង្កនូវភាពសាយភាយ ផ្សព្វផ្សាយយ៉ាងទូលំទូលាយដល់គ្រប់ថ្នាក់ គ្រប់ផ្នែក កងកម្លាំងប្រដាប់អាវុធ និងប្រជាជនគ្រប់ជាន់ថ្នាក់ បំផុតគឺស្រទាប់យុវជន។

នៅក្នុងឱកាសនៃពិធីនេះ ទទួលការផ្ដល់សិទ្ធិរបស់ប្រធានរដ្ឋ ឧត្តមសេនីយ៍ត្រី ហូមិញភឿង បានប្រទានមេដាយយុទ្ធជ័យថ្នាក់លេខ ៣ ដល់កង K៩៣ និងបុគ្គល ២ រូប រួមមាន៖ វរសេនីយ៍ឯក ផាមក្វាងត្រុង អតីតប្រធានកង K៩៣ និងអនុសេនីយ៍ឯក ហ្វិញវ៉ាន់កិត ប្រធានកងសើុបការណ៍នៃកង K៩៣ ដែលសម្រេចស្នាដៃឆ្នើមក្នុងការអនុវត្តភារកិច្ចស្វែងរក ប្រមូលនិងកំណត់ឈ្មោះច្បាស់លាស់អដ្ឋិធាតុយុទ្ធជនពលីដំណាក់កាល ២០១៣-២០២០៕

ប្រភពៈ www.angiang.dcs.vn-ពេជ្រសឿន

ចែករំលែកអត្ថបទ

ពាក្យគន្លឹះ