មហាសាមគ្គីជនជាតិ ភូមិស្រុកផ្លាស់ថ្មី

12/04/2022 - 10:21

សមិទ្ធផល​ថ្ងៃ​នេះ​

ប៉ុន្មាន​ឆ្នាំ​ជិត​ៗ​នេះ​ មុខ​មា​ត់ជន​បទ​ ពិសេស​គឺតំ​បន់​ជន​រួម​ជាតិ​ខ្មែរ​នៅ​ខេត្ត​ត្រា​វិញ​ មាន​ភាព​ប្ដូរ​ផ្លាស់​ជាវិជ្ជ​មាន​។​ ឃុំ​តភ្ជាប់​ឃុំ​ដោយ​ផ្លូវ​រថ​យន្ត ភូមិ​តភ្ជាប់​ភូមិ​ ដោយ​ផ្លូវ​បេ​តុង​ ផ្លូវ​ដាន​។​ល។​ ផ្តើម​ពី​នោះ​ ជីវ​ភាព​របស់​ជន​រួម​ជាតិ​កាន់​តែបាន​លើក​កម្ពស់​ពី​មួយ​ថ្ងៃ​ទៅ​មួយ​ថ្ងៃ​។​ នោះ​គឺជា​សមិទ្ធផល​ដែល​ខេត្ត​ត្រា​វិញ​អនុវត្ត​បាន​ល្អ​នូវ​គោល​នយោ​បាយ​ជន​ជាតិ​ ពិសេស​គឺអនុវត្ត​គោល​ការណ៍​អភិវឌ្ឍន៍​លើ​គ្រប់​វិស័យ​នៅ​តំ​បន់​ជន​រួម​ជាតិ​ខ្មែរ​។​

   ជ្រុង​មួយ​នៃ​ជន​បទ​ដែល​មាន​ជន​រួម​ជាតិ​ខ្មែរ​រស់​នៅ​កុះ​ករ​នៅ​ស្រុក​ចូវ​ថាញ់
ខេត្តត្រាវិញ។ រូប៖ ម៉ាល័យ

ខ្ញុំ​មាន​មិត្ត​ម្នាក់​កាល​នៅ​រៀន​មហា​វិទ្យា​ល័យ​ សព្វ​ថ្ងៃ​កំ​ពុង​បំ​ពេញ​ការ​ងារ​នៅ​ខេត្ត​ត្រា​វិញ​ នោះ​គឺមិត្ត​គៀង​រត្ន។​ មិត្ត​ខ្ញុំ​ឧស្សាហ៍​ហៅ​ខ្ញុំ​៖ “មក​ត្រា​វិញ​លេង​ម្តង​ទៅ​! ឥឡូ​វផ្លូវ​ថ្នល់​ងាយ​ស្រួល​មក​ណាស់​! រថយន្ត​មក​ដល់​ផ្ទះ​ខ្ញុំ​តែម្តង​ ។​ល។​”។​ ខ្ញុំ​នៅ​ចាំ​កាល​ឆ្នាំ​ ១៩៩៧ ជាឆ្នាំ​ចុង​ក្រោយ​នៃ​សម័យ​រៀន​មហា​វិទ្យា​ល័យ​ យើង​ខ្ញុំ​មាន​ឱកាស​ទៅ​លេង​ផ្ទះ​មិត្ត​គៀង​រត្ន នៅ​ឃុំ​តឹប​សើុង ស្រុក​ថ្កូវ​។​ កាល​នោះ​ យើង​ខ្ញុំ​មាន​ភាព​ភ្ញាក់​ផ្អើល​យ៉ាង​ខ្លាំង​ចំ​ពោះ​ស្ថាន​ភាព​លំ​បាក​លំ​បិន បំ​ផុត​គឺការ​ធ្វើ​ដំ​ណើរ​ទៅ​មក​ (កាល​នោះ​ ផ្លូវ​ចូល​ផ្ទះ​មាន​តែ​ផ្លូវ​ដី​) នៅ​ឯស្រុក​កំ​ណើត​ មិត្ត​ខ្ញុំ​កំ​ពុង​រស់​នៅ​។​ ពេល​រៀន​ចប់​ហើយ​ក៏​បាត់​សូន្យ​ឈឹងមួយ​រយៈ​ លុះ​ដល់​ឆ្នាំ​ ២០១៩ ដោយ​ចៃដន្យ​ខ្ញុំ​បាន​ជួប​គៀង​រត្ន នៅ​ក្រុង​កឹង​ធើ។​ ទើប​ខ្ញុំ​បាន​ដឹង​ថា​ មិត្ត​ខ្ញុំ​-ក្រោយ​ពី​រៀន​ចប់​ ក៏​បាន​ទៅ​ធ្វើ​ការ​នៅ​ក្រុង​ហូជី​មិញ​ ហើយ​មួយ​រយៈ​ក្រោយ​ក៏​សម្រេច​ចិត្ត​វិលមក​ស្រុក​វិញ​ រួច​ធ្វើ​ការ​នៅ​ធនាគារ​កសិកម្ម​ និង​អភិវឌ្ឍន៍​ជន​បទ​ស្រុក​ថ្កូវ​។​ “... ដោយ​បាន​រដ្ឋ​យក​ចិត្ត​ទុក​ដាក់​អន្ទង​អគ្គិសនី​ កសាង​ផ្លូវ​។​ល។​ ម្ល៉ោះ​ហើយ​ស្រុក​កំ​ណើត​ខ្ញុំ​អភិវឌ្ឍ​រៀង​រាល់​ថ្ងៃ​។​ ងាយ​ស្រួល​ក្នុង​ការ​ធ្វើ​ដំ​ណើរទៅ​មក​ ងាយ​ស្រួល​លក់​ដូរ​។​ល។​ ម្ល៉ោះ​ហើយ​ខ្ញុំ​សម្រេច​ចិត្ត​វិល​មក​ស្រុក​កំ​ណើត​។​ ឥឡូ​វជីវ​ភាព​គ្រួ​សារ​ខ្ញុំ​ ក៏​ដូច​ជា​មាមីង​ខ្មែរ​ដទៃ​ទៀត​បាន​ធូរ​ធារ​ជាង​មុន​ច្រើន​ណាស់​” មិត្ត​គៀង​រត្ន បាន​ឱ្យ​ដឹង​ដូច្នេះ​។​

ត្រា​វិញ​ជាខេត្ត​មាន​ជន​រួម​ជាតិ​ខ្មែរ​រស់​នៅ​កុះ​ករ​បំ​ផុត​ក្នុង​ទូទាំង​ប្រ​ទេ​ស​ ដោយ​មាន​ចំ​នួន​ប្រ​ជា​ជន​ជិត​ ៣២%។​ ហេតុ​នោះ​ ការ​អភិវឌ្ឍ​លើក​កម្ពស់​ជីវ​ភាព​តំ​បន់​ជន​រួម​ជាតិ​ខ្មែរ​ តែង​បាន​ទូទាំង​ប្រ​ព័ន្ធ​នយោ​បាយ​ខេត្ត​យក​ចិត្ត​ទុក​ដាក់​។​  ក្នុង​នោះ​ មាន​គោល​ការណ៍​ជាច្រើន​បាន​ចាត់​ទុក​ថា​ ជា​ការ​កំ​ណត់​នយោ​បាយ​ ដើម្បី​អភិវឌ្ឍន៍​គ្រប់​ជ្រុង​ជ្រោយ​នៅ​តំ​បន់​ជន​រួម​ជាតិ​ខ្មែរ​។​ តួយ៉ាង​ដូច​៖ បន្ទាប់​ពី​បង្កើត​ខេត្ត​ឡើង​វិញ​ភ្លាម​ គណៈ​ប្រតិ​បត្តិ​ការ​នៃ​គណៈ​កម្មា​ធិការ​បក្ស​ខេត្ត​ បាន​ប្រ​កាស​ឱ្យ​ប្រើ​សេចក្តី​សម្រេច​ចិត្ត​លេខ​ ០១ -NQ/TU ចុះ​ថ្ងៃ​ទី ១៣ ខែ​តុលា​ ឆ្នាំ​ ១៩៩២ ស្តីពី​ការ​ងារ​នៅ​តំ​បន់​ជន​រួម​ជាតិ​ខ្មែរ​; សេចក្តី​សម្រេច​ចិត្ត​លេខ​ ០៦-NQ/TU ចុះ​ថ្ងៃ​ទី ១០ ខែ​តុលា​ ឆ្នាំ​ ២០០៣ ស្តីពី​ការ​អភិវឌ្ឍ​គ្រប់​ជ្រុង​ជ្រោយ​នៅ​តំ​បន់​ជន​រួម​ជាតិ​ខ្មែរ​; សេចក្តី​សម្រេច​ចិត្ត​លេខ​ ០៣-NQ/TU ចុះ​ថ្ងៃ​ទី ០៩ ខែ​កញ្ញា​ ឆ្នាំ​ ២០១១ ស្តីពី​ការ​អភិវឌ្ឍ​គ្រប់​ជ្រុង​ជ្រោយ​នៅ​តំ​បន់​ជន​រួម​ជាតិ​ខ្មែរ​ ដំ​ណាក់​កាល​ ២០១១-២០២៥; សេចក្តី​ សន្និ​ដ្ឋាន​លេខ​ ០១-LK/TU  ចុះ​ថ្ងៃ​ទី ១៦ ខែ​មិថុនា​ ឆ្នាំ​ ២០១៦ ស្តីពី​បន្ត​ការ​អនុវត្ត​សេចក្តី​សម្រេច​ចិត្ត​លេខ​ ០៣-NQ/TU។​ល។​ លោក​ ថាច់​មុនី​ អនុប្រ​ធាន​គណៈ​ជន​ជាតិ​ខេត្ត​ត្រា​វិញ​ ឱ្យ​ដឹង​៖ បញ្ជ្រាប​នូវ​ខ្លឹម​សារ​នៃ​សេចក្តី​សម្រេច​ចិត្ត​ សេច​ក្តី​សន្និ​ដ្ឋាន​ផែន​ការ​របស់​គណៈ​ប្រតិ​បត្តិ​ការ​នៃ​គណៈ​កម្មា​ធិការ​បក្ស​ខេត្ត​ ក៏​ដូច​ជា​បទ​បញ្ជា​ កម្ម​វិធី​ ផែន​ការ​ធ្វើ​ឱ្យ​ជាក់​ស្តែង​របស់​គណៈ​កម្មា​ធិការ​ប្រ​ជា​ជន​ខេត្ត​ត្រា​វិញ​ គ្រប់​ថ្នាក់​ គ្រប់​ផ្នែក​ក្នុង​ខេត្ត​ បាន​សកម្ម​ផ្សព្វ​ផ្សាយ​អនុវត្ត​ មាន​ប្រ​សិទ្ធ​ភាព​នូវ​គោល​នយោ​បាយ​ កម្ម​វិធី​ គម្រោង​ក្នុង​តំ​បន់​ជន​រួម​ជាតិ​ខ្មែរ​ បង្ក​បាន​ភាព​វិវឌ្ឍ​ជាវិជ្ជ​មាន​គ្រប់​ជ្រុង​ជ្រោយ​លើ​គ្រប់​វិស័យ​។​ល។​ រាប់​រយ​សំ​ណង់​ គម្រោង​កសាង​ស្ពាន​ ផ្លូវ​គមនា​គមន៍​ជន​បទ​នៅ​លើ​ភូមិ​សាស្រ្ត​ខេត្ត​ ត្រូវ​បាន​កសាង​ជាមួយ​នឹង​ថវិកា​រាប់​ពាន់​ពាន់​លាន​ដុង​។​ មាន​ប្រ​ជា​ជន​រាប់​សិប​ពាន់​គ្រួ​សារ​ ក្នុង​នោះ​មាន​ជន​រួម​ជាតិ​ខ្មែរ​ បាន​ប្រើ​ប្រាស់​អគ្គិ​សនី​ជាប្រ​ចាំ​ សុវត្ថិភាព​ ។​ល។​ អត្រា​គ្រួ​សារ​ជន​រួម​ជាតិ​ខ្មែរ​ក្រី​ក្រ ដំ​ណាក់​កាល​ ២០១៦ - ២០២០ ថយ​ចុះ​នៅ​តែ ១៩,៩១% (ថយ​ចុះ​ស្មើ​នឹង​ ១៦.៨៩៣ គ្រួ​សារ​) ថយ​ចុះ​មធ្យម​ភាគ​ជិត​ ៤%/ឆ្នាំ​។​ល។​ លទ្ធ​ផល​នេះ​ លោក​គឹម​ង៉ុក​ថាយ អនុលេខា​គណៈ​កម្មា​ធិការ​បក្ស​ខេត្ត​ត្រា​វិញ​៖ សេដ្ឋ​កិច្ច​-សង្គម​តំ​បន់​មាន​ជន​រួម​ជាតិ​ខ្មែរ​រស់​នៅ​កុះ​ករ​ក្នុង​ខេត្ត​បាន​លំ​នឹង​ និង​អភិវឌ្ឍន៍។​ គោល​ការណ៍​របស់​បក្ស​ គោ​លនយោ​បាយ​ ច្បាប់​របស់​រដ្ឋ​ បាន​ប្រ​កាស​ឱ្យ​ប្រើ​សម​ស្រប​ជាមួយ​នឹង​ស្ថាន​ភាព​ជាក់​ស្តែង​ ពិសេស​គឺគោល​នយោ​បាយ​ជន​ជាតិ​ គោល​នយោ​បាយ​សុខុមាល​ភាព​សង្គម​ បង្ក​បរិយា​កាស​សប្បាយ​រីក​រាយ​ក្នុង​ជន​រួម​ជាតិ​។​

 ទោះ​ជាលទ្ធ​ផល​គួរ​ជាទីរីក​រាយ​ក៏​ពិត​មែន​ ប៉ុន្តែ​ការ​អភិវឌ្ឍ​តំ​បន់​ជន​រួម​ជាតិ​ខ្មែរ​នៅ​ខេត្ត​ត្រា​វិញ​ នៅ​តែមាន​ការ​ខ្វះ​ខាត​ជា​ដាច់​ខាត​។​ ព្រោះ​ហេតុ​នោះ​ ថ្ងៃ​ទី ៨ ខែ​តុលា​ ឆ្នាំ​ ២០២១ គណៈ​កម្មា​ធិការ​បក្ស​ខេត្ត​ត្រា​វិញ​ បាន​ប្រ​កាស​ឱ្យ​ប្រើ​សេចក្តី​សម្រេច​ចិត្ត​លេខ​ ០៦-NQ/TU ស្តីពី​បន្ត​ការ​អភិវឌ្ឍ​គ្រប់​ជ្រុង​ជ្រោយ​នៅ​តំ​បន់​ជន​រួម​ជាតិ​ខ្មែរ​ ដំ​ណាក់​កាល​ ២០២១-២០២៥ កំ​ណត់​ទិស​ដល់​ឆ្នាំ​ ២០៣០។​ សេចក្តី​សម្រេច​ចិត្ត​ដើម្បី​បន្ត​អនុវត្ត​ល្អ​នូវ​គោល​នយោ​បាយ​ ធានា​សម​ភាព​ជន​ជាតិ​ សាមគ្គី​ភាព​ ការ​គោ​រព ជួយ​គ្នា​ទៅ​វិញ​ទៅ​មក​ក្នុង​ការ​អភិវឌ្ឍ​។​

***

មុន​បុណ្យ​ចូល​ឆ្នាំ​ថ្មី​ប្រ​ពៃណី​របស់​ជន​រួម​ជាតិ​ខ្មែរ​ ឆ្នាំ​ ២០២២ ខ្ញុំ​មាន​ឱកាស​មក​កាន់​ផ្ទះ​មិត្ត​គៀង​រត្ន។​ ខ្ញុំ​នៅ​ចាំ​បាន​ពេល​និយាយ​ពី​រឿង​នេះ​ មិត្ត​ខ្ញុំ​ “និយាយ​មិន​ចេះ​ចប់​” ជាមួយ​នឹង​ខ្ញុំ​អំ​ពី​ភាព​ផ្លាស់​ថ្មី​យ៉ាង​រហ័ស​របស់​ស្រុក​កំ​ណើត​។​ ផ្ទះ​សម្បែង​ សាលា​រៀន​ ដំ​ណាក់​សុខា​ភិបាល​ ។​ល។​ នៅ​តំ​បន់​ជន​រួម​ជាតិ​ខ្មែរ​បាន​កសាង​សមរម្យ​។​ ផ្លូវ​គមនា​គមន៍​ចូល​កាន់​ភូមិ​ស្រុក​បាន​ក្រាល​បេ​តុង​រួច​រាល់​ និង​ភ្លឺ​ស្រឡះ​ បៃតង​ ជ្រះ​ស្អាត​។​ ឃើញ​ច្បាស់​នូវ​ប្រ​ការ​នេះ​ ខ្ញុំ​ជឿជាក់​ថា​ សមិទ្ធ​ផល​ដែល​ខេត្ត​ត្រា​វិញ​បាន​កសាង​ច្រើន​ឆ្នាំ​កន្លង​សម្រាប់​តំ​បន់​ជន​រួម​ជាតិ​ខ្មែរ​ ពិត​ជានឹង​រីក​សាយ​ភាយ និង​មាន​ភាព​ជោគ​ជ័យ​ច្រើន​ថែម​ទៀត​ពី​មួយ​ថ្ងៃ​ទៅ​មួយ​ថ្ងៃ​៕​

                                     ហា​ត្រេវ-វិមាន​  

ចែករំលែកអត្ថបទ