ព្រឹត្តិការណ៍ - នយោបាយ ព្រឹត្តិការណ៍

28/03/2022 - 14:08

តំបន់វាលរាបទន្លេគឺវឡុង៖

មានស្រុកក្រីក្រ ១ និងឃុំលំបាកខ្លាំង ៣៣ នៅតំបន់ឆ្នេរសមុទ្រនិងកោះសមុទ្រ

ឧបនាយករដ្ឋមន្រ្តីប្រចាំការនៃរដ្ឋាភិបាល ផាមប៊ិញមិញ បានចុះហត្ថលេខាលើសេចក្តីសម្រេចលេខ ៣៥៣/QĐ-TTg ផ្តល់សច្ចានុមតិលើបញ្ជីឈ្មោះស្រុកចំនួន ៧៤ ចំណុះខេត្តចំនួន ២៦ និងឃុំលំបាកខ្លាំងចំនួន ៥៤ នៅតំបន់ឆ្នេរសមុទ្រនិងកោះសមុទ្រចំណុះខេត្តចំនួន ១២ ដំ ណាក់កាល ២០២១-២០២៥។

ស្រុកទ្រីតូង ខេត្តអាងយ៉ាង ទើបបានផ្តល់សច្ចានុមតិជាស្រុកក្រីក្រមួយក្នុងចំណោមស្រុកទាំង ៧៤ យោងតាមសេចក្តីសម្រេចចិត្តលេខ ៣៥៣/QĐ-TTg។

តាមរយៈនោះ ក្នុងបញ្ជីស្រុកក្រីក្រដំណាក់កាល ២០២១-២០២៥ នៅតំបន់វាលរាបទន្លេគឺវឡុង មានតែស្រុកទ្រីតូង ខេត្តអាងយ៉ាងមួយប៉ុណ្ណោះ។ ក្នុងចំណោម ៥៤ ឃុំលំបាកខ្លាំង តំបន់ឆ្នេរសមុទ្រនិងកោះសមុទ្រ នៅតំបន់វាលរាបទន្លេគឺវឡុង គឺមាន ៣៣ ឃុំ។ រួមមាន ខេត្តឡុងអាងមាន ១ ឃុំ ខេត្តបេនត្រែមាន ២១ ឃុំ ខេត្តគៀងយ៉ាងមាន ៣ ឃុំ ខេត្តសុកត្រាំងមាន ២ ឃុំ និងខេត្តកាម៉ាវមាន ៦ ឃុំ។

ឧបនាយករដ្ឋមន្រ្តីប្រចាំការនៃរដ្ឋាភិបាល ផាមប៊ិញមិញ សំណូមពរ យោងតាមសំណើរបស់គណៈកម្មាធិការប្រជាជនខេត្ត ក្រុងចំណុះមជ្ឈិម ក្រសួងការងារ-យុទ្ធជនពិការនិងសង្គមកិច្ច បូកសរុប ពិនិត្យ វាយតម្លៃ និងរាយការណ៍ជូននាយករដ្ឋមន្រ្តីនៃរដ្ឋាភិបាល ពិនិត្យផ្ទៀងផ្ទាត់កែសម្រួល បំពេញបន្ថែម បញ្ជីឈ្មោះឃុំលំបាកខ្លាំង តំបន់ឆ្នេរសមុទ្រនិងកោះ សមុទ្រ៕

ថាញឡុង-មុនី

ចែករំលែកអត្ថបទ

ពាក្យគន្លឹះ