វប្បធម៌-សិល្បៈ វប្បធម៌

07/02/2022 - 14:21

ខែមួយទៅវត្ត

ការទៅវត្តដើមឆ្នាំ ដើម្បីសុំលាភសំណាងនិងបួងសួងសុំសេចក្តីសុខ គឺជាលក្ខណៈវប្បធម៌ដ៏ល្អប្រពៃណី។ សព្វថ្ងៃមានភ្ញៀវទេសចរជាច្រើនបានគួបផ្សំការទៅវត្តនិងការដើរកម្សាន្តក្នុងឱកាសបុណ្យចូលឆ្នាំថ្មីញុឹមយឹងទៀតផង។ វត្តបាយឌិញ នៅខេត្តនិញប៊ិញ គឺជាជម្រើសចម្បងសម្រាប់ការគួបផ្សំនេះ។

ថែវតម្កល់បដិមាព្រះអរហន្ត។

ប្រាសាទ ១៣ ជាន់ជាកន្លែងតម្កល់ព្រះសារីរិកធាតុ ដែលបាននិមន្តមកពីប្រទេសឥណ្ឌា។

ខាងក្នុងព្រះវិហារ។

បរិវេណធំទូលាយនៃវត្តបាយឌិញ។

ផ្លូវធ្វើដំណើរមួយ “រំលេចពណ៌បៃតង” ក្នុងវត្តបាយឌិញ។

និញប៊ិញមានគោលដៅទេសចរណ៍ដ៏ទាក់ទាញជាច្រើនសម្រាប់ភ្ញៀវទេសចរ។ គ្រាន់តែបណ្ដុំរមណីយដ្ឋានត្រាងអាងមួយប៉ុណ្ណោះ អាចនឹងធ្វើឱ្យភ្ញៀវទេសចរភាន់ភាំងស្មារតីទៅហើយ។ អាស្រ័យហេតុនោះ ភ្ញៀវទេសចរខ្លះបានជ្រើសរើសទៅធ្វើសក្ការបូជានៅវត្តបាយឌិញស្ថិតនៅបណ្ដុំរមណីយដ្ឋាន ត្រាងអាង ហើយត្រូវរំលងគោលដៅទេសចរណ៍ ដ៏ទាក់ទាញជាច្រើន ទៀត។

វត្តបាយឌិញ គឺជាបណ្ដុំសំណង់ស្ថាបត្យកម្មដ៏ស្កឹមស្កៃមួយ មានបរិវេណធំទូលាយ ត្រូវបានកសាងលើផ្ទៃដីជាង ១.០០០ ហិកតា។ នេះជាវត្តបុរាណ ហើយត្រូវបានជួសជុល សាងសង់ឡើងវិញកាលពីឆ្នាំ ២០០៣។ ថ្វីត្បិតដូច្នោះក្តី វត្តនេះនៅតែរក្សាបានលក្ខណៈដើមទាំងស្រុង។ ដូច្នេះវត្តបាយឌិញថ្មីជាកន្លែងដែលភ្ញៀវទេសចរតែងតែជ្រើសធ្វើដំណើរឆ្ពោះទៅរក ពីព្រោះមានភាពស្កឹមស្កៃ ធំទូលាយអស្ចារ្យ និងមានសំណង់សម្រេចឯតទគ្គកម្មជាច្រើន។

ឆ្នាំ ២០១៤ បណ្ដុំរមណីយដ្ឋានត្រាងអាង ត្រូវបានគណៈកម្មាធិការបេតិកភ័ណ្ឌពិភពលោកទទួលស្គាល់ជាបេតិកភ័ណ្ឌចម្រុះពិភពលោកដំបូងនៅវៀតណាមអំពីវប្បធម៌និងធម្មជាតិ។ វត្តបាយឌិញ ក៏បង្កើតបានឯតទគ្គកម្មដោយឡែកជាច្រើនផងដែរ។ នោះគឺជួងមានទម្ងន់ ៣៦ តោន ជា”ជួងធំបំផុតនៅវៀតណាម”។ នៅក្នុងវិហារមានព្រះពុទ្ធបដិមាសាងពីស្ពាន់ ស្រូបទឹកមាសកម្ពស់ ១០ ម៉ែត្រ ទម្ងន់ ១០០ តោន ធំបំផុតនៅអាស៊ី។ អមសងខាងព្រះវិហារ ក៏មានរូបបដិមាព្រះមហាអានន្ទនិងព្រះមហាកស្សប សាងពីស្ពាន់ ស្រូបទឹកមាសផងដែរ។ តាមបណ្ដោយថែវប្រវែង ១.៧០០ ម៉ែត្រ មានតាំងបដិមាព្រះអរហន្តចំនួន ៥០០ អង្គដែលសាងពីថ្លើមថ្ម កម្ពស់មធ្យម ២,៥ ម៉ែត្រ ទម្ងន់ពី ២-៤ តោន។ បដិមាព្រះអរហន្តទាំង ៥០០ អង្គ សាងឡើងមានលក្ខណៈកាយវិការផ្សេងៗសម្តែងនូវរូបារម្មណ៍នៃជីវិត។ ពិសេសនៅថែវតម្កល់បដិមាព្រះអរហន្តរបស់វត្តបាយឌិញ ក៏ជាថែវតម្កល់បដិមាព្រះអរហន្តធំបំផុតនៅអាស៊ីផង ដែរ។

ក្រៅពីទីកន្លែងដែលពោលខាងលើ វត្តបាយឌិញនៅមានសំណង់ជាច្រើនសម្រេចឯតទគ្គកម្មពិភពលោក និងនៅអាស៊ី ព្រមទាំងមានទេសភាពដ៏ស្រស់ស្អាតអាស្រ័យធម្មជាតិអំណោយផល និងស្នាដៃដ៏អស្ចារ្យរបស់មនុស្សសាងឡើង។ អាស្រ័យហេតុនោះ ក្រៅពីអត្ថន័យខាងជំនឿ វត្តបាយឌិញនៅទាំងជាកន្លែងស្រូបយកខ្យល់អាកាសដ៏បរិសុទ្ធសម្រាប់ភ្ញៀវទេសចរទាំងចតុទ្ទិសទៀតផង៕

ហាថាញ-លីសៀ

ចែករំលែកអត្ថបទ

ពាក្យគន្លឹះ