គោលនយោបាយ -ការរស់នៅ គោលនយោបាយ

11/10/2021 - 08:57

ផ្សព្វផ្សាយច្បាប់ដល់ជនរួមជាតិភាគតិច

ក្នុងអំឡុង ៥ ឆ្នាំកន្លង ក្រុងកឹងធើបានផ្សព្វផ្សាយ អនុវត្តសេចក្តីសម្រេចលេខ ១១៦៣ របស់នាយករដ្ឋមន្ត្រីនៃរដ្ឋាភិបាល ដោយរូបភាពជាច្រើននិងមានខ្លឹមសារសម្បូរបែប។ ឆ្លងតាមរយៈនោះ បានរួមចំណែកលើកកម្ពស់ការយល់ដឹង និងស្មារតីគោរពច្បាប់ក្នុងជនរួមជាតិភាគតិចនៅលើភូមិសាស្រ្តក្រុង។

គណៈជនជាតិក្រុង សហការជាមួយនឹងគណៈកម្មការសុវត្ថិភាពចរាចរណ៍ក្រុងកឹងធើ រៀបចំផ្សព្វផ្សាយច្បាប់ស្តីពីសណ្តាប់ធ្នាប់ សុវត្ថិភាពចរាចរណ៍ដល់អ្នកមានប្រជាប្រិយក្នុងជនរួមជាតិភាគតិចនៅលើភូមិសាស្រ្តក្រុង កាលពីដើមឆ្នាំ ២០២១។ រូប៖ ដុងតឹម

កាលពីថ្ងៃទី ៨ ខែសីហា ឆ្នាំ២០១៧ នាយករដ្ឋមន្ត្រីនៃរដ្ឋាភិបាល បានចុះហត្ថលេខាប្រកាសឱ្យប្រើសេចក្តីសម្រេចលេខ ១១៦៣/QĐ-TTg ផ្តល់សច្ចានុមតិលើគម្រោង “ជំរុញការងារផ្សព្វផ្សាយអប់រំច្បាប់ និងឃោសនា ចលនាជនរួមជាតិនៅតំបន់ជនជាតិភាគតិចនិងតំបន់ភ្នំ ដំណាក់កាល ២០១៧ -២០២១” (ហៅកាត់ថា សេចក្តីសម្រេចលេខ ១១៦៣)។ ក្នុងអំឡុង ៥ ឆ្នាំកន្លង អនុវត្តសេចក្តីសម្រេចលេខ ១១៦៣ គណៈជនជាតិក្រុងកឹងធើ បានរៀបចំផ្សព្វផ្សាយនូវគោលការណ៍ គោលនយោបាយរបស់បក្ស ច្បាប់របស់រដ្ឋដល់ជនរួមជាតិភាគតិច និងសម្រេចបានលទ្ធផលលេចធ្លោជាច្រើន។

ឆ្លងតាមរយៈនោះ គណៈជនជាតិក្រុងបានរៀបចំ៖ ហ្វឹកហ្វឺនការងារជនជាតិជូនកម្មាភិបាល អ្នករដ្ឋការ បុគ្គលិកចំនួន ៨២០ លើកនាក់ ដែលបំពេញការងារនៅតាមមន្ទីរ ផ្នែកមួយចំនួនរបស់ក្រុង និងនៅថ្នាក់ស្រុក ឃុំ សង្កាត់ ទីប្រជុំជន; ហ្វឹកហ្វឺនការងារជនជាតិដល់សមាជិកគណៈកម្មាធិការប្រជាជនថ្នាក់ឃុំ ២៥៥ លើកនាក់។ គណៈជនជាតិក្រុង បានសហការជាមួយនឹងវិទ្យាស្ថានជនជាតិ (គណៈកម្មាធិការជនជាតិ) រៀបចំ៖ បំពាក់បំប៉នចំណេះដឹងអំពីការងារជនជាតិដល់កម្មាភិបាល អ្នករដ្ឋការ ជាជនជាតិភាគតិច; សិក្ខាសាលា “ផ្ដល់យោបល់លើឯកសារបំពាក់បំប៉នចំណេះដឹងជនជាតិចំពោះកម្មាភិបាល អ្នករដ្ឋការ បុគ្គលិក ដែលជាមុខសញ្ញា ៣ និងមុខសញ្ញា ៤ ដំណាក់កាល ២០១៨- ២០២៥”; រៀបចំបំពាក់បំប៉នចំណេះដឹងជនជាតិដល់មុខសញ្ញា ៣ (ជាថ្នាក់ដឹកនាំ គ្រប់គ្រង) និងមុខសញ្ញា ៤ (មិនមែនជាថ្នាក់ដឹកនាំ គ្រប់គ្រង)។ល។ ទន្ទឹមនឹងនោះ គណៈជនជាតិក៏ចាត់តាំងផ្សព្វផ្សាយ អប់រំច្បាប់ និងឃោសនា ចលនាឆ្លងតាមរយៈមធ្យោបាយ ព័ត៌មានមហាជន។ល។ ពិសេស គណៈជនជាតិក្រុង បានរៀបរៀងបោះពុម្ពផ្សាយព្រឹត្តិបត្រព័ត៌មានការងារជនជាតិចំនួន ២០.៨០០ ក្បាល; ឯកសារសួរឆ្លើយជាឧភយភាសាវៀត -ខ្មែរ និងវៀត-ចិន ១៥.២០០ ក្បាល ផ្សព្វផ្សាយអំពីច្បាប់បង្ការប្រឆាំងអំពើពុករលួយឆ្នាំ ២០១៨; ច្បាប់ស្តីពីការទទួលព័ត៌មាន; ឧត្តមគតិហូជីមិញ។ល។ រៀបរៀងកូនសៀវភៅផ្សព្វផ្សាយអំពីគោលការណ៍ គោលនយោបាយរបស់បក្ស ច្បាប់របស់រដ្ឋស្តីពីគោលនយោបាយជនជាតិចំនួន ២.៤០០ ក្បាល។ល។ ឯកសារទាំងនេះ បានផ្ញើដល់ស្ថាប័នមជ្ឈិមមួយចំនួន និងមន្ទីរ គណៈ ផ្នែកក្រុង ការិយាល័យជនជាតិ ការិយាល័យក្រុមប្រឹក្សាប្រជាជន-គណៈកម្មាធិការប្រជាជន គណៈ ផ្នែក អង្គការមហាជន ខណ្ឌ ស្រុកនានា; គណៈកម្មាធិការប្រជាជនឃុំ សង្កាត់ ទីប្រជុំជន និងអ្នកមានប្រជាប្រិយក្នុងជនរួមជាតិភាគតិច។

លោកឡេទ្រុងកៀង ប្រធានគណៈជនជាតិក្រុងកឹងធើ កត់សម្គាល់៖ ឆ្លងតាមរយៈការផ្សព្វផ្សាយ អនុវត្តសេចក្តីសម្រេចលេខ ១១៦៣ ការយល់ដឹងរបស់គណៈកម្មាធិការបក្ស អង្គការបក្សគ្រប់លំដាប់ថ្នាក់ អំពីតួនាទី ចំណុចសំខាន់នៃការផ្សព្វផ្សាយ អប់រំច្បាប់ និងឃោសនា ចលនាបានកើនឡើងមួយកម្រិត។ល។ កម្រិតវិជ្ជា ការយល់ដឹង និងស្មារតីគោរពច្បាប់របស់កម្មាភិបាល ប្រជាជននៅតាមស្ថាប័ន អង្គការ និងភូមិភាគ ពិសេសគឺក្នុងជនរួមជាតិបានកើនឡើង; អំពើបំពានច្បាប់បានថយចុះជាសន្សឹមៗ រួមចំណែករក្សាលំនឹងសន្តិសុខនយោបាយ សណ្តាប់ធ្នាប់ សុវត្ថិភាពសង្គមក្នុងតំបន់ជនរួមជាតិភាគតិច និងទូទាំងក្រុង៕

ថាញឡុង-វិមាន

ចែករំលែកអត្ថបទ

ពាក្យគន្លឹះ