គោលនយោបាយ -ការរស់នៅ គោលនយោបាយ

16/08/2021 - 08:00

លែងប្រើវិញ្ញាបនបត្រភាសាបរទេស ព័ត៌មានវិទ្យាជាផ្លូវការចំពោះអ្នករដ្ឋការផ្នែករដ្ឋបាល

ចាប់ពីថ្ងៃទី ១ ខែសីហា សារាចរលេខ ០២/២០២១ របស់ក្រសួងមហាផ្ទៃ បានកំណត់លេខកូដ បទដ្ឋានជំនាញវិជ្ជាជីវៈនិងរៀបចំប្រាក់បៀវត្សចំពោះអ្នករដ្ឋការផ្នែករដ្ឋបាល និងអ្នករដ្ឋការផ្នែកបណ្ណាសារចាប់ផ្ដើមមានសុពលភាព។ ចំណុចដែលគួរកត់សម្គាល់នៃសារាចរ គឺលុបចោលបទដ្ឋានជំនាញវិជ្ជាជីវៈអំពីវិញ្ញាបនបត្រភាសាបរទេសនិងព័ត៌មានវិទ្យាចំពោះអ្នករដ្ឋការផ្នែករដ្ឋបាល និងអ្នករដ្ឋការផ្នែកបណ្ណាសារ។

យោងតាមសារាចរនេះ ចំពោះអ្នកឯកទេសជាន់ខ្ពស់អំពីបទដ្ឋានកម្រិតវិជ្ជាបណ្តុះបណ្តាល បំពាក់បំប៉ន ត្រូវការតែបរិញ្ញាបត្រនៃផ្នែកមុខវិជ្ជាសមស្របឡើងទៅ សញ្ញាបត្រជាន់ខ្ពស់ផ្នែកទ្រឹស្តីនយោបាយឬសញ្ញាបត្រជាន់ខ្ពស់ផ្នែកទ្រឹស្តីនយោបាយ-រដ្ឋបាល ឬលិខិតបញ្ជាក់កម្រិតវិជ្ជាទ្រឹស្តីនយោបាយប្រហាក់ប្រហែល ទ្រឹស្តីនយោបាយជាន់ខ្ពស់ វិញ្ញាបនបត្របំប៉នចំណេះដឹងគ្រប់គ្រងរដ្ឋបាលតាមបទដ្ឋានអ្នកឯកទេសជាន់ខ្ពស់។

ចំពោះអ្នកឯកទេសជំនាញការបទដ្ឋាន អំពីកម្រិតវិជ្ជាបណ្តុះបណ្តាលបំប៉ន គឺមានបរិញ្ញាបត្រនៃផ្នែកមុខវិជ្ជាសមស្របឡើងទៅ ឬក៏ផ្នែកមុខវិជ្ជាសិក្សាសមស្របនឹងវិស័យការងារ វិញ្ញាបនបត្របំប៉នចំណេះដឹងគ្រប់គ្រងរដ្ឋបាលតាមបទដ្ឋានអ្នកឯកទេសជំនាញការ។

ចំពោះអ្នកឯកទេស គឺតម្រូវការតែបរិញ្ញាបត្រឡើងទៅនៃផ្នែកមុខវិជ្ជាសិក្សាសមស្រប នឹងវិស័យការងារ មានវិញ្ញាបនបត្របំប៉នចំណេះដឹងគ្រប់គ្រងរដ្ឋបាលតាមបទដ្ឋានអ្នកឯកទេស។ ដូច្នេះ សម្រាប់អ្នករដ្ឋការផ្នែករដ្ឋបាលនិងអ្នករដ្ឋការផ្នែកបណ្ណាសារ គឺលែងត្រូវការមានវិញ្ញាបនបត្រភាសារបរទេសនិងព័ត៌មានវិទ្យាទៀត។

មុននេះ ក្រសួងមហាផ្ទៃបានរបាយការណ៍ជូននាយករដ្ឋមន្រ្តីនៃរដ្ឋាភិបាល ស្នើលុបចោលបទប្បញ្ញត្តិចាប់បង្ខំមានវិញ្ញាបនបត្រភាសាបរទេស ព័ត៌មានវិទ្យាក្នុងការជ្រើសរើសនិងតែងតាំង ដំឡើងឋានៈអ្នករដ្ឋការ ដំឡើងថ្នាក់បុគ្គលិក។

ក្រសួងមហាផ្ទៃស្នើលុបចោលបទប្បញ្ញត្តិ ចាប់បង្ខំមានវិញ្ញាបនបត្រភាសាបរទេស ខាងអ្នករដ្ឋការចំនួន ៧៤ ថ្នាក់ និងមុខតំណែងវិជ្ជាជីវៈបុគ្គលិកចំនួន ១៥៥ លុបចោលបទប្បញ្ញត្តិ ត្រូវមានវិញ្ញាបនបត្រព័ត៌មានវិទ្យាខាងអ្នករដ្ឋការចំនួន ៧៤ ថ្នាក់ និងមុខតំណែងវិជ្ជាជីវៈ បុគ្គលិកចំនួន ១៤២; កាត់បន្ថយវិញ្ញាបនបត្របំប៉នតាមបទដ្ឋានចំពោះអ្នករដ្ឋការចំនួន ១៧ និងវិញ្ញាបនបត្របំប៉នតាមបទដ្ឋានចំពោះមុខតំណែងវិជ្ជាជីវៈបុគ្គលិកចំនួន ៨៧៕

ប្រភព៖ កាសែតពលករ-មុនី

ចែករំលែកអត្ថបទ

ពាក្យគន្លឹះ