គោលនយោបាយ -ការរស់នៅ គោលនយោបាយ

29/06/2021 - 09:06

លោកត្រឹងវៀតទ្រឿង ប្រធានគណៈកម្មាធិការប្រជាជនក្រុងកឹងធើ៖

កត់សម្គាល់ការអភិវឌ្ឍកងជួរកម្មាភិបាល បុគ្គលិក អ្នករដ្ឋការជនជាតិភាគតិចគឺជាភារកិច្ចសំខាន់ក្នុងការកសាងផែនមហាសាមគ្គីជនជាតិ

លោកត្រឹងវៀតទ្រឿង ប្រធានគណៈកម្មាធិការប្រជាជនក្រុងកឹងធើ។

កាលពីថ្ងៃ ១៤ ខែមីនា ឆ្នាំ ២០១៦ នាយករដ្ឋមន្រ្តីនៃរដ្ឋាភិបាល បានចេញសេចក្ដីសម្រេចលេខ ៤០២/QĐ-TTg ផ្ដល់សច្ចាប័នគម្រោងអភិវឌ្ឍកងជួរកម្មាភិបាល បុគ្គលិក អ្នករដ្ឋការជាជនជាតិភាគតិចក្នុងសម័យថ្មី (គម្រោង)។ ដោះដូរជាមួយអ្នកយកព័ត៌មានកាសែតកឹងធើភាសាខ្មែរ អំពីការផ្សព្វផ្សាយសេចក្ដីសម្រេចនេះលើភូមិសាស្រ្តក្រុងកឹងធើ លោកត្រឹងវៀតទ្រឿង ប្រធានគណៈកម្មាធិការប្រជាជនក្រុងកឹងធើ ឱ្យដឹង៖

- អនុវត្តឯកសារចង្អុលការរបស់រដ្ឋាភិបាល នាយករដ្ឋមន្រ្តីនៃរដ្ឋាភិបាល គណៈកម្មាធិការប្រជាជនក្រុងកឹងធើ បានចេញផែនការលេខ ១៦៨/KH-UBND ចុះថ្ងៃ ១៧ ខែវិច្ឆិកា ឆ្នាំ ២០១៧ អនុវត្តគម្រោង។ ផែនការលេខ ១១៨/KH-UBND ចុះថ្ងៃ ៩ ខែកក្កដា ឆ្នាំ ២០១៩ អនុវត្តគម្រោង “បំពាក់បំប៉នចំណេះដឹងជនជាតិដល់កម្មាភិបាល បុគ្គលិក អ្នករដ្ឋការ ដំណាក់កាល ២០២០ -២០២៥” លើភូមិសាស្រ្តក្រុងកឹងធើ។ ឆ្លងតាមរយៈនោះ ក្រុងបានអនុវត្តប្រកបដោយប្រសិទ្ធភាពនូវរបបគោលនយោបាយអាទិភាព ចំពោះកម្មាភិបាល បុគ្គលិក អ្នករដ្ឋការជាជនជាតិភាគតិចក្នុងការជ្រើសរើសចូលបម្រើការងារ បណ្ដុះបណ្ដាលបំពាក់បំប៉ន រៀបចំគម្រោង តែងតាំងនិងរបបគោលនយោបាយផ្សេងៗ ទៀត។

*តើការងារបណ្ដុះបណ្ដាលបំពាក់បំប៉ន លើកកម្ពស់ចំណេះដឹងដល់កម្មាភិបាល បុគ្កលិក អ្នករដ្ឋការជាជនជាតិភាគតិចសម្រេចបានលទ្ធផលដូចម្ដេច ជម្រាបប្រសាសន៍លោក?

- គិតមកដល់ខែធ្នូ ឆ្នាំ ២០២០ ក្រុងកឹងធើ មានកម្មាភិបាល បុគ្គលិក ចាប់ពីថ្នាក់ស្រុកឡើងចំនួន ១.៧៦០ នាក់; កម្មាភិបាល អ្នករដ្ឋការថ្នាក់ឃុំចំនួន ១.៧៧៦ នាក់ និងបុគ្គលិកចំនួន ២២.០៤០ នាក់។ ក្នុងនោះ មានកម្មាភិបាល បុគ្គលិក អ្នករដ្ឋការជាជនជាតិភាគតិចចំនួន ៥៩២ នាក់ ស្រូបអត្រា ២,៣១% នៃចំនួនកម្មាភិបាល បុគ្គលិក អ្នករដ្ឋការទូទាំងក្រុង។ ក្នុងចំណោមកម្មាភិបាល បុគ្គលិក អ្នករដ្ឋការជាជនជាតិភាគតិចទាំង ៥៩២ នាក់ គឺមានកម្មាភិបាល បុគ្គលិក អ្នករដ្ឋការជាជនជាតិភាគតិចកាន់តំណែងថ្នាក់ដឹកនាំ គ្រប់គ្រងលើភូមិសាស្រ្តក្រុងកឹងធើចំនួន ៩៧ នាក់ (ស្រូបអត្រា ១៦,៣៩%) ។

ដើម្បីសម្រេចបានលទ្ធផលខាងលើ រៀងរាល់ឆ្នាំ គណៈកម្មាធិការប្រជាជនក្រុងកឹងធើ បានដាក់ចេញផែនការបណ្ដុះបណ្ដាល បំពាក់បំប៉នកម្មាភិបាល បុគ្គលិក អ្នករដ្ឋការគ្រប់លំដាប់ថ្នាក់ ក្នុងនោះ ក្រុងបានគួបផ្សំអនុវត្តការងារបណ្ដុះបណ្ដាល បំពាក់បំប៉ន និងអាទិភាពដល់កម្មាភិបាល បុគ្គលិក អ្នករដ្ឋការជាជនជាតិភាគតិច។ ព្រមជាមួយនោះ រួមចំណែកបង្កើនចំណេះដឹងវិជ្ជាជីវៈ សមត្ថភាពការងារដល់កម្មាភិបាល បុគ្គលិក អ្នករដ្ឋការជាជនជាតិភាគតិច រៀងរាល់ឆ្នាំ គណៈកម្មាធិការប្រជាជនក្រុង បានចង្អុលការដល់គ្រប់មន្ទីរ គណៈ ផ្នែកពាក់ព័ន្ធអនុវត្តផែនការបំពាក់បំប៉នចំណេះដឹងជនជាតិ។ ធ្វើការហ្វឹកហាត់ផ្សព្វផ្សាយពីចំណេះដឹងជនជាតិដល់កម្មាភិបាល បុគ្គលិក អ្នករដ្ឋការលើភូមិសាស្រ្តក្រុងកឹងធើ។ ក្រៅពីនោះ គ្រប់ស្ថាប័ន អង្គភាពបានអនុវត្តល្អលក្ខន្ដិកៈសហការក្នុងការបណ្ដុះបណ្ដាលជម្រើសសិស្ស ដើម្បីញុាំងឱ្យមានការឯកភាពខ្ពស់រវាងស្ថាប័នមានសមត្ថកិច្ចជម្រើសសិស្ស នឹងស្ថាប័ន អង្គភាពមានភារកិច្ចបណ្ដុះបណ្ដាល។ ស្ថាប័ន អង្គភាពមានភារកិច្ចពិនិត្យពិច័យ ជ្រើសរើសបុគ្គលិក យោងតាមមុខតំណែងការងារបន្ទាប់ពីនិស្សិតបញ្ចប់ការសិក្សា។

*ជម្រាបប្រសាសន៍លោក តើក្រុងមានវិធានការសំណើអ្វី ដើម្បីបង្កើនប្រសិទ្ធភាពការងារបណ្ដុះបណ្ដាល បំពាក់បំប៉ន បង្កើនសមត្ថភាពដល់កម្មាភិបាល បុគ្គលិក អ្នករដ្ឋការជាជនជាតិភាគតិចក្នុងរយៈពេលខាងមុខ ?

-ក្រុងនឹងផ្សារភ្ជាប់ការងារជ្រើសរើសបុគ្គលិក ជាមួយនឹងការប្រើប្រាស់កម្មាភិបាល បុគ្គលិក អ្នករដ្ឋការជាជនជាតិភាគតិចប្រកបដោយប្រសិទ្ធភាព ពិសេសចំពោះថ្នាក់ដឹកនាំគ្រប់គ្រង។ ធានារាល់តម្រូវការអំពីរចនាសម្ព័ន្ធធ្វើជាមូលដ្ឋានសម្រាប់ការងារបណ្ដុះបណ្ដាល បំពាក់បំប៉នតាមទស្សនៈ “ដើម្បីការងារជ្រើសរើសមនុស្សបណ្ដុះបណ្ដាល មិនមែនដើម្បីមនុស្សហើយជ្រើសរើសខ្លឹមសារបណ្ដុះបណ្ដាលនោះទេ”។

ក្រុងបានសំណូមពរដល់ផ្នែកជាប់ពាក់ព័ន្ធកែតម្រូវអត្រាកម្មាភិបាល បុគ្គលិក អ្នករដ្ឋការជាជនជាតិភាគតិចចូលរួមក្នុងស្ថាប័ន អង្គភាពឱ្យសមស្របនឹងលក្ខណៈស្ថានភាពរបស់ភូមិភាគ អង្គភាព។ ទន្ទឹមនឹងនោះ ក្រុងតែងយកចិត្តទុកដាក់អាទិភាពដល់ការងារបណ្ដុះបណ្ដាល បំពាក់បំប៉ន ជ្រើសរើសបុគ្គលិក ប្រើការរៀបចំគម្រោង តែងតាំងចំពោះកម្មាភិបាល បុគ្គលិក អ្នករដ្ឋការជាជនជាតិភាគតិចក្នុងក្របខណ្ឌច្បាប់៕

* សូមអរគុណលោក!

ថាញឡុង - ថាច់ធី 

ចែករំលែកអត្ថបទ

ពាក្យគន្លឹះ