ព្រឹត្តិការណ៍ - នយោបាយ ព្រឹត្តិការណ៍

14/06/2021 - 15:49

បង្ហាញមុខមូលនិធិវ៉ាក់សាំងបង្ការប្រឆាំងជំងឺ COVID-១៩

វៀតណាមនឹងមានវ៉ាក់សាំង COVID-១៩ ជិត ១២៥ លានដូស ក្នុងឆ្នាំ ២០២១

(baodantoc.com.vn)-កាលពីរាត្រី ថ្ងៃទី ៥ ខែមិថុនា នៅរោងមហោស្រពធំ (ហាណូយ) បានប្រព្រឹត្តឡើងនូវពិធីបង្ហាញមុខមូលនិធិវ៉ាក់សាំងបង្ការប្រឆាំងជំងឺ COVID-១៩។

នាយករដ្ឋមន្ត្រីនៃរដ្ឋាភិបាល ផាមមិញជិញ ជូនលិខិតទទួលស្គាល់ និងបាច់ផ្កាថ្លែងអំណរគុណចំពោះព្រះឧបជ្ឈាយ៍ថិតថាញ់ញ៉េវ អនុប្រធានប្រចាំការក្រុមប្រឹក្សាភិបាលមជ្ឈិមនៃសមាគមពុទ្ធសាសនាវៀតណាម។ រូប៖ VGP

ពិធីបង្ហាញមុខនេះសំដៅអំពាវនាវដល់ជនរួមជាតិ យុទ្ធជនទូទាំងប្រទេស អាណិកជនយើងរស់នៅបរទេស អាជីវកម្ម ធុរជន អង្គការ បុគ្គលទាំងក្នុងនិងក្រៅប្រទេសស្ម័គ្រចិត្តចូលរួមវិភាគទាន ធ្វើហិរញ្ញប្បទាន ឧបត្ថម្ភមូលនិធិដោយទឹកចិត្តនិងភារកិច្ច ដើម្បីសុខភាពរបស់មនុស្សគ្រប់រូប ដើម្បីសហគមន៍ ដើម្បីប្រទេសជាតិ ជនជាតិ ដោយស្មារតីសាមគ្គីអន្តរជាតិ ព្រួតដៃច្រានថយនូវជំងឺដ៏កាចសាហាវនៅរាល់ប្រទេស និងទូទាំងពិភពលោក។

អញ្ជើញចូលរួមនិងថ្លែងយោបល់នៅក្នុងពិធីនេះ នាយករដ្ឋមន្ត្រី ផាមមិញជិញ បានគូសបញ្ជាក់ ក្នុងជីវភាពសព្វថ្ងៃ ប្រទេសជាតិយើងនៅជួបលំបាក បក្សនិងរដ្ឋ បាននិងកំពុងខិតខំប្រឹងប្រែងយ៉ាងខ្លាំង ប៉ុន្តែចាំបាច់ត្រូវការព្រួតដៃ រួមកម្លាំងដោយអស់ពីចិត្តពីថ្លើមក្នុងទូទាំងសហគមន៍សង្គម។ ជំនួសមុខឱ្យបក្ស រដ្ឋ រណសិរ្សមាតុភូមិវៀតណាម នាយករដ្ឋមន្ត្រី ផាមមិញជិញ បានអំពាវនាវ ទូទាំងប្រជាជនស្រុះចិត្តគំនិត រួមគ្នាប្រឆាំងជំងឺឆ្លងរាលដាល។ រាល់ការចូលរួមវិភាគទាន សុទ្ធតែមានអត្ថន័យសម្រាប់សុវត្ថិភាពខ្លួនយើង គ្រួសារយើងសម្រាប់សហគមន៍ និងទូទាំងសង្គម។ នាយករដ្ឋមន្ត្រី មានក្តីរំភើប៖ “នេះជាមូលនិធិនៃមនុស្សធម៌នៃស្មារតីសាមគ្គី នៃក្តីជឿជាក់ នៃបេះដូងតភ្ជាប់បេះដូង ដើម្បីយើងរួមគ្នាឆ្លងកាត់លំបាក រួមចំណែកបង្កើតជាប្រទេសវៀតណាមជ័យជម្នះ ដើម្បីម្តងទៀតយើងបានកត់ត្រាឈ្មោះក្នុងទំព័រប្រវត្តិសាស្រ្តជ័យជម្នះដ៏មហស្ចារ្យរបស់ប្រជាជាតិ - យកឈ្នះលើជំងឺ COVID-១៩ ដ៏កាចសាហាវនេះ” ។ល។ ស្របក្នុងឱកាសនេះ នាយករដ្ឋមន្ត្រី ផាមមិញជិញ បានសម្តែងនូវមនោសញ្ចេតនា “អរគុណយ៉ាងជ្រាលជ្រៅដល់ប្រជាជន អាជីវកម្ម អង្គការ បុគ្គលទាំងអស់ទាំងក្នុងនិងក្រៅប្រទេស ដែលបានស្រុះចិត្តគំនិត រួមដំណើរនិងចែករំលែកដើម្បីយើងទាំងអស់គ្នា យកឈ្នះលើជំងឺដ៏កាចសាហាវនេះ ដើម្បីប្រជាជនបានរស់នៅក្នុងដំបូលផ្ទះធំ - វៀតណាម សុវត្ថិភាព សុខភាពល្អ រុងរឿង។ គ្មានកម្លាំងឯណាធំជាងកម្លាំងនៃស្មារតី សាមគ្គី នៃសេចក្តីស្រឡាញ់។ ដូចអ៊ំហូជាទីគោរពបានប្រៀនប្រដៅ៖ “សាមគ្គី សាមគ្គី មហាសាមគ្គី។ ជោគជ័យ ជោគជ័យ មហាជោគជ័យ”។

កាលពីថ្ងៃទី ២៦ ខែឧសភា នាយករដ្ឋមន្ត្រីនៃរដ្ឋាភិបាល បានចេញសេចក្តីសម្រេចបង្កើតមូលនិធិវ៉ាក់សាំងបង្ការប្រឆាំងជំងឺ COVID-១៩ ដើម្បីទទួលយកគ្រប់គ្រង ប្រើប្រាស់ប្រភពហិរញ្ញប្បទាន ឧបត្ថម្ភ រួមវិភាគទានស្ម័គ្រចិត្តជាទឹកប្រាក់ វ៉ាក់សាំងរបស់អង្គការ បុគ្គល ទាំងក្នុងនិងក្រៅប្រទេស និងប្រភពទុនស្របច្បាប់ដទៃទៀតសម្រាប់ដំណើរការទិញ នាចូលវ៉ាក់សាំង សិក្សាស្រាវជ្រាវផលិតវ៉ាក់សាំងក្នុងប្រទេសនិងប្រើប្រាស់វ៉ាក់សាំងបង្ការជំងឺ Covid-១៩ ជូនប្រជាជន។ ចាប់ពីមូលនិធិ វ៉ាក់សាំងបង្ការប្រឆាំងជំងឺ COVID-១៩ បាននាយករដ្ឋមន្ត្រីចុះហត្ថលេខាបង្កើតឡើងមក មិនត្រឹមតែមានអាជីវកម្មភូមិភាគប៉ុណ្ណោះទេ នៅទាំងមានបុគ្គលជាច្រើនទៀត តាំងពីទីក្រុងរហូតដល់ជនបទ ពីវាលរាបរហូតដល់តំបន់ភ្នំ ពីធុរជនរហូតដល់អ្នកលក់ដូរកំប៉ិកកំប៉ុក អតីតយុទ្ធជន និវត្តនជន កុមារ សិស្ស និស្សិត។ល។ ព្រមទាំងមនុស្សជាច្រើនទៀតដែលមានជីវភាពលំបាក ។ល។ បានអស់ពីចិត្តគាំទ្រ និងឧបត្ថម្ភ រួមចំណែកក្នុងមូលនិធិ។ល។ គិតត្រឹមម៉ោង ២០ រាត្រីថ្ងៃទី ៥ ខែមិថុនា មូលនិធិវ៉ាក់សាំងបង្ការប្រឆាំងជំងឺ COVID-១៩ ទទួលបានប្រាក់ឧបត្ថម្ភ ១.០៥៦ ពាន់លានដុង; ទទួលបានកិច្ចសន្យាឧបត្ថម្ភទឹកប្រាក់ ៦.៦០០ ពាន់លានដុង។ ព្រមទាំងមានសម្ព័ន្ធក្រុមហ៊ុន អាជីវកម្មជាច្រើនទៀត បានរួមវិភាគទានរាប់រយពាន់លានដុង៕

(chinhphu.vn) -ក្រសួងសុខាភិបាល បានផ្ដល់ព័ត៌មានលម្អិតអំពីវ៉ាក់សាំងបង្ការជំងឺ COVID-១៩ ចំនួន ១២៤,៩ លានដូសនឹងមាននៅវៀតណាមក្នុងឆ្នាំ ២០២១ ។

យោងតាមនោះ ក្រៅពីវ៉ាក់សាំង AstraZeneca ក្នុងឆ្នាំនេះ វៀតណាមបានចរចា ដើម្បីមានវ៉ាក់សាំង Moderna ( ៥លានដូស) Pfizer ( ៣១ លានដូស) និងវ៉ាក់សាំង Sputnik V ចំនួន ២០ លានដូស។ តាមការគ្រោងទុកក្នុងឆ្នាំ ២០២១ វៀតណាមនឹងមានវ៉ាក់សាំងបង្ការ ជំងឺ COVID-១៩ ជាង ១២០ លានដូស។ ក្នុងនោះ ក្រៅពីប្រភពនៃកម្មវិធី COVAX Facility, AstraZeneca វៀតណាមបានចរចាដើម្បីមានប្រភពវ៉ាក់សាំងបន្ថែមទៀត។

ជាក់ស្ដែង នៅថ្ងៃទី២ ខែមិថុនា ក្រសួងសុខាភិបាលសម្រេចបានកិច្ចព្រមព្រៀងទិញវ៉ាក់សាំង Sputnik V របស់រុស្សីចំនួន ២០ លានដូស។ នៅខែឧសភា ឆ្នាំ ២០២១ មុននោះ ក្រុមហ៊ុនឱសថ Moderna បានផ្ទេរសិទ្ធិឱ្យក្រុមហ៊ុនមួយធ្វើការចែកចាយវ៉ាក់សាំងឱ្យវៀតណាមចំនួន ៥ លានដូស។ ក្រុងហូជីមិញបានស្នើទិញវ៉ាក់សាំងនេះ។ ក្រសួងសុខាភិបាល ក៏បានឱ្យដឹងថា ចាប់ពីខែមីនា ឆ្នាំ ២០២១ ក្រសួងបានចរចាផ្ទាល់ជាមួយក្រុមហ៊ុនផលិតវ៉ាក់សាំងនេះ ប៉ុន្តែក្រុមហ៊ុននេះបានឱ្យដឹង គ្មានវ៉ាក់សាំងសម្រាប់ផ្គត់ផ្គងក្នុងឆ្នាំ ២០២១ នេះ។

ក្រៅពីនោះ ចំពោះវ៉ាក់សាំងរបស់ Pfizer/BioNTech ក្រសួងសុខាភិបាលឱ្យដឹង បានធ្វើការទំនាក់ទំនងជាមួយនឹងក្រុមហ៊ុនផលិតវ៉ាក់សាំងនេះ អំពីការចុះឈ្មោះទិញវ៉ាក់សាំងចំនួន ៣១ លានដូស ចាប់ពីខែតុលា ឆ្នាំ ២០២០ ខណៈពេលវ៉ាក់សាំងនេះក្នុងពុងឋិតក្នុងដំណាក់កាលពិសោធន៍ដំបូង ។ ថ្ងៃទី ២០ ខែឧសភា ក្រសូងសុខាភិបាលបានចុះកិច្ចសន្យាទិញវ៉ាក់សាំង។ ចំនួនវ៉ាក់សាំងទាំងនេះត្រូវបានផ្គត់ផ្គង់ ក្នុងត្រីមាសទី ៣ និងទី ៤ ឆ្នាំ ២០២១ យោងតាមល្បឿនដំណើរការគឺត្រីមាសទី៣៖ ១៥,៥ លានដូស; ត្រីមាសទី ៤៖ ១៥,៥ លានដូស។ មុននោះ ក្រសួងសុខាភិបាលបានចរចាសម្រេចទិញវ៉ាក់សាំងបង្ការជំងឺ COVID-១៩ ចំនួន ៣៨,៩ លានដូស តាមរយៈប្រភព COVAX ក្នុងនោះ លើកទី ១ មានចំនួន ៨១១.២០០ លានដូស បាននាំចូលវៀតណាមក្នុងថ្ងៃទី ១ ខែមេសា លើកទី ២ មានជាង ១,៦៨២ លានដូសបាននាំចូល ក្នុងថ្ងៃ ១៦ ខែឧសភា។

ក្រៅពីនោះ ក្រសួងសុខាភិបាលបានចុះឈ្មោះជាមួយនឹង COVAX ដើម្បីទិញបន្ថែមវ៉ាក់សាំងបង្ការជំងឺ COVID-១៩ តាមយន្តការរួមគ្នាចែករំលែកថ្លៃដើម។ ព្រមជាមួយនោះ មានវ៉ាក់សាំង AstraZeneca ចំនួន ៣០ លានដូស។ ក្នុងនោះ លើកដំបូងមានចំនួន ១១៧.៦០០ ដូស បាននាំចូលវៀតណាមនៅថ្ងៃ ២៤ ខែកុម្ភៈ លើកទី ២ មានចំនួន ២៨៨.១០០ ដូស បាននាំចូលកាលពីថ្ងៃទី ២៥ ខែឧសភា៕

ប្រែសម្រួល៖ វិមាន-ថាច់ធី

ចែករំលែកអត្ថបទ

ពាក្យគន្លឹះ