គោលនយោបាយ -ការរស់នៅ គោលនយោបាយ

07/06/2021 - 16:53

គោលនយោបាយអភិវឌ្ឍការអប់រំនិងបណ្តុះបណ្តាលចំពោះជនជាតិភាគតិចបានកំណត់ដូចម្តេច?

យោងតាមមាត្រា ១០ អនុក្រឹត្យលេខ ០៥/២០១១/NĐ-CP របស់រដ្ឋាភិបាលស្តីពីការងារជនជាតិ គោលនយោបាយអភិវឌ្ឍអប់រំនិងបណ្តុះបណ្តាលចំពោះជនជាតិភាគតិច ត្រូវបានកំណត់ដូចខាងក្រោម៖

សិស្សជនជាតិខ្មែរនៅសាលាអនុវិទ្យាល័យអូរឡឹម ស្រុកទ្រីតូង ខេត្តអាងយ៉ាង កំពុងសិក្សា។រូប៖ ថាញឡុង

១. អភិវឌ្ឍការអប់រំនៅតំបន់ជនជាតិភាគតិច តាមកម្មវិធីជាតិទូទៅ។ រៀបចំគោលនយោបាយអប់រំនៅគ្រប់កម្រិតអប់រំសមស្របទៅនឹងលក្ខណៈជនជាតិនីមួយៗ។

២. អភិវឌ្ឍសាលាមត្តេយ្យ សាលាចំណេះទូទៅ សាលាជនជាតិអន្តេវាសិក សាលាជនជាតិពាក់កណ្តាលអន្តេវាសិក មណ្ឌលអប់រំជាប្រចាំ មជ្ឈមណ្ឌលសិក្សាសហគមន៍ សាលាវិជ្ជាជីវៈ សាលាមហាវិទ្យាល័យបម្រុង។ សិក្សាពីទម្រង់បណ្តុះបណ្តាលពហុវិជ្ជាកម្រិតសាកលវិទ្យាល័យសម្រាប់កូនចៅជនជាតិភាគតិច ដើម្បីពន្លឿនការបណ្តុះបណ្តាលធនធានមនុស្ស បម្រើដល់សម័យកាលនៃឧស្សាហូបនីយកម្ម និងទំនើបកម្មនៃប្រទេស និងសមាហរណកម្មអន្តរ ជាតិ។

៣. កំណត់ល័ក្ខខ័ណ្ឌនិងវិធានការជាក់ស្តែង សមស្របដើម្បីឧបត្ថម្ភដល់សិស្ស និស្សិតជនជាតិភាគតិច។ ដោះស្រាយការស្នាក់នៅអាហារូបករណ៍និងប្រាក់កម្ចីក្នុងកំឡុងពេលសិក្សាស្របទៅនឹងមុខវិជ្ជាបណ្តុះបណ្តាលនិងកន្លែងស្នាក់នៅរបស់និស្សិតជនជាតិភាគតិច។ សិស្ស និស្សិតជនជាតិភាគតិចដែលមានចំនួនមនុស្សតិច នៅតំបន់ដែលមានស្ថានភាពសេដ្ឋកិច្ច-សង្គមលំបាកនិងលំបាកខ្លាំងត្រូវបានលើកលែងថ្លៃសិក្សានៅគ្រប់កម្រិតសិក្សានិងមុខវិជ្ជាសិក្សា។

៤. បណ្តុះបណ្តាលធនធានមនុស្ស បណ្តុះបណ្តាលវិជ្ជាជីវៈដល់ជនជាតិភាគតិចស្របតាមលក្ខណៈតំបន់នីមួយៗ ឆ្លើយតបទៅនឹងតម្រូវការឧស្សាហូបនីយកម្ម ទំនើបកម្មនិងសមាហរណកម្មអន្តរជាតិ។

៥. បទប្បញ្ញត្តិស្តីពីការឧបត្ថម្ភគ្រូបង្រៀនដែលបង្រៀននៅតំបន់ដែលមានស្ថានភាពសេដ្ឋកិច្ច-សង្គមលំបាកនិងលំបាកខ្លាំង។ បណ្តុះបណ្តាលគ្រូបង្រៀនជនជាតិភាគតិច និងគ្រូបង្រៀនភាសាជនជាតិភាគតិច។

៦. ភាសា អក្សរសាស្រ្តនិងប្រពៃណី វប្បធម៌ ដ៏ល្អរបស់ជនជាតិភាគតិចត្រូវបានដាក់បញ្ចូលក្នុងកម្មវិធីសិក្សានៅសាលាចំណេះទូទៅ សាលាជនជាតិអន្តេវាសិក សាលាជនជាតិពាក់កណ្ដាលអន្តេវាសិក មជ្ឈមណ្ឌលអប់រំជាប្រចាំ មណ្ឌលសិក្សាសហគមន៍ សាលាវិជ្ជាជីវៈ មធ្យមសិក្សាវិជ្ជាជីវៈ សាលាអនុមហាវិទ្យាល័យ និងមហាវិទ្យាល័យសមស្របទៅនឹងតំបន់ជនជាតិភាគតិច។

៧.រដ្ឋអំណាចភូមិភាគកន្លែងដែលកូនចៅជនជាតិភាគតិចប្រឡងជាប់ចូលរៀនមហាវិទ្យាល័យ និងអនុមហាវិទ្យាល័យ និងនិស្សិតត្រូវបានជម្រើសតាំងតាមប្រព័ន្ធជម្រើសតាំង មានភារកិច្ចត្រូវទទួលនិងប្រគល់ការងារសមស្របទៅនឹងមុខវិជ្ជាជីវៈដែលបានបណ្តុះបណ្តាលបន្ទាប់ពីបញ្ចប់ការសិក្សា។

៨. ក្រសួងនានា ដូច៖ អប់រំនិងបណ្តុះបណ្តាលពលកម្ម យុទ្ធជនពិការនិងសង្គមកិច្ច គណៈកម្មាធិការជនជាតិ ផ្អែកទៅលើមុខងារនិងភារកិច្ចដែលបានប្រគល់ មានតួនាទីជាអធិបតី សហការជាមួយនឹងក្រសួង ផ្នែកនិងភូមិភាគដែលពាក់ព័ន្ធ ត្រូវកំណត់លំអិតនិងណែនាំអនុវត្តនូវខ្លឹមសារនៃមាត្រានេះ៕

យោងតាមកាសែតកងទ័ពប្រជាជន-បកប្រែ៖ សុផន

ចែករំលែកអត្ថបទ

ពាក្យគន្លឹះ