គោលនយោបាយ -ការរស់នៅ គោលនយោបាយ

15/03/2021 - 16:24

លើកកម្ពស់ជីវភាពមាមីងជនរួមជាតិខ្មែរនៅថើយឡាយ

ជីវភាពមាមីងខ្មែរនៅលើភូមិសាស្រ្តស្រុកថើយឡាយ ក្រុងកឹងធើ ពីមួយថ្ងៃទៅមួយថ្ងៃកាន់តែមានការរីកចម្រើន។ ប្រការនេះបានសបញ្ជាក់ថា រយៈពេលកន្លង ការអនុវត្តគោលការណ៍របស់បក្ស គោលនយោបាយរបស់រដ្ឋ ចំពោះជនរួមជាតិខ្មែរបានពង្រីកនូវប្រសិទ្ធភាព។

 ផ្ទះមហាសាមគ្គីរបស់បងស្រីពុង។

បងលីវតឹងខឿង អនុប្រធានការិយាល័យជនជាតិស្រុកថើយឡាយ ឱ្យដឹង៖ “បណ្តាញគមនាគមន៍ជនបទទៅកាន់ភូមិដែលមានជនរួមជាតិខ្មែររស់នៅកុះករ នៅទីប្រជុំជនថើយឡាយត្រូវបានតភ្ជាប់ មាមីងធ្វើដំណើរទៅមកបានងាយស្រួល។ ពិសេសគឺដងផ្លូវពីភូមិថើយទ្វឹង B ឆ្ពោះទៅប្រឡាយតាក់កាដី ប្រវែងជាង១.០០០ ម៉ែត្រត្រូវបានកសាងសម្រេចរួចរាល់ នាំមកនូវក្ដីរីករាយជូនមាមីងញុាំងឱ្យចម្ងាយពីភូមិទៅដល់មជ្ឈមណ្ឌលស្រុកថើយឡាយកាន់តែជិត។ ស្ពានឈើនៅតាមដងផ្លូវនេះ ក៏បានការិយាល័យជនជាតិចលនាមាមីងកសាង ជាស្ពានបេតុងទាំងអស់ ដូច្នេះការធ្វើដំណើរទៅមករបស់មាមីងមានភាពងាយស្រួលណាស់”។ មីងដាវធីឌាង នៅភូមិថើយទ្វឹងB ឱ្យដឹង៖ “ផ្ទះខ្ញុំចូលជ្រៅទៅក្នុងភូមិ ពីមុនពេលឈឺថ្កាត់ម្ដងៗ ខ្ញុំតែងទិញថ្នាំដែលលក់តាមទូកទំនិញមកផឹក ពីព្រោះផ្លូវទៅកាន់ដំណាក់សុខាភិបាលមានភាពលំបាក។ ឥឡូវនេះ ផ្លូវទៅមកងាយស្រួល ដូច្នេះខ្ញុំពឹងក្មួយឌុបទៅដំណាក់សុខាភិបាលទីប្រជុំជនឱ្យពេទ្យពិនិត្យយកថ្នាំផឹក”។

បងខឿង ឱ្យដឹងបន្ថែម៖ “ ក្រៅពីអនុវត្តល្អនូវគោលនយោបាយរបស់បក្ស រដ្ឋ ជូនចំពោះជនរួមជាតិខ្មែរ យើងខ្ញុំនៅទាំងធ្វើសេនាធិការជូនថ្នាក់ដឹកនាំស្រុក និងសហការជាមួយអង្គភាពនានាផ្គួបបញ្ចូលកម្មវិធី គម្រោងផ្សេងៗ ដើម្បីជួយដល់មាមីងជនរួមជាតិខ្មែរអភិវឌ្ឍសេដ្ឋកិច្ចគ្រួសារ។ បច្ចុប្បន្ន គ្រួសារជនរួមជាតិខ្មែរក្រីក្រនៅលើភូមិសាស្រ្តស្រុក ភាគច្រើនបានសង់ផ្ទះមហាសាមគ្គី ផ្ទះមេត្តាធម៌ជូន។ គិតដោយឡែកតែឆ្នាំ២០២០ ការិយាល័យជនជាតិស្រុកថើយឡាយ បានធ្វើសេនាធិការជូនគណៈកម្មាធិការប្រជាជនស្រុក ឧបត្ថម្ភសង់ផ្ទះថ្មីចំនួន២៧ខ្នង និងជួសជុលផ្ទះ ៦ ខ្នងជូនជនជាតិភាគតិចមានស្ថានភាពលំបាក”។

បងស្រីយ័ញធីពុង នៅភូមិថើយទ្វឹង B ជាគ្រួសារមួយទើបទទួលបានការឧបត្ថម្ភជួសជុលផ្ទះឡើងវិញ ឱ្យដឹង៖ “ផ្ទះចាស់របស់ខ្ញុំរដ្ឋឧបត្ថម្ភសង់តាមរយៈកម្មវិធី១៣៤ ឥឡូវមានការទ្រុឌទ្រោម។ ខ្ញុំទើបតែបានរដ្ឋឧបត្ថម្ភជួសជុលឡើងវិញយ៉ាងសមរម្យ ប្ដីប្រពន្ធខ្ញុំត្រេកអរណាស់។ មានផ្ទះសម្បែងនៅសុវត្ថិភាព បច្ចុប្បន្ន ប្ដីប្រពន្ធខ្ញុំគិតតែពីការរកស៊ីដើម្បីឈានឡើង៕

ហាថាញ-ទីទុយ

ចែករំលែកអត្ថបទ

ពាក្យគន្លឹះ