សន្តិសុខ - ការពារប្រទេស ការពារប្រទេស

08/02/2021 - 15:41

ធានាសុវត្ថិភាពជូនប្រជាជនអំណរបុណ្យចូលឆ្នាំថ្មីវៀតណាម

អ្នកយកព័ត៌មានកាសែតកឹងធើ–ភាសាខ្មែរ បានធ្វើការដោះដូរខ្លីជាមួយវរសេនីយ៍ឯក ង្វៀងមិញង៉ុក នាយកនគរបាលខេត្តសុកត្រាំង អំពីស្ថានភាពសន្តិសុខសណ្តាប់ធ្នាប់ក្នុងអំឡុងពេលកៀកបុណ្យចូលឆ្នាំថ្មីវៀតណាមលើភូមិសាស្រ្តខេត្តសុកត្រាំង។

វរសេនីយ៍ឯក ង្វៀងមិញង៉ុក នាយកនគរបាលខេត្តសុកត្រាំង។

* ជម្រាបប្រសាសន៍សមមិត្ត សូមសមមិត្ត ឱ្យដឹងពីផែនការផ្សព្វផ្សាយ អនុវត្តការងារទប់ស្កាត់និងបង្ក្រាបបទល្មើសក្នុងអំឡុងពេលបុណ្យចូលឆ្នាំថ្មីប្រពៃណីវៀតណាម ឆ្នាំ២០២១?

-បញ្ជ្រាបកិច្ចចង្អុលការរបស់ក្រសួងនគរបាល នគរបាលខេត្តបានម្ចាស់ការធ្វើសេនាធិការជូនគណៈកម្មាធិការប្រជាជនខេត្ត បើកយុទ្ធនាការចំណុចខ្ពស់ បង្ក្រាបបទល្មើសដើម្បី ធានាសន្តិសុខសណ្តាប់ធ្នាប់ ក្នុងឱកាសមហាសន្និបាតបក្សទូទាំងប្រទេសលើកទីXIII និងបុណ្យចូលឆ្នាំថ្មីប្រពៃណីវៀតណាមឆ្នាំ២០២១ លើភូមិសាស្រ្តខេត្តសុកត្រាំង ចាប់ពីថ្ងៃ១៥ /១២/២០២០ ដល់ថ្ងៃ២៥/០២/២០២១។ នគរបាលខេត្តសុកត្រាំង បានផ្តុំកម្លាំងអនុវត្តភារកិច្ចសំខាន់ៗមួយចំនួន ដូច៖ បន្តការជំរុញខ្លាំងក្លាយុទ្ធនាការចំណុចខ្ពស់បង្ក្រាបបទល្មើស ប្រឆាំងការរត់គយ គៃបន្លំពាណិជ្ជកម្ម ជួញដូរទំនិញក្លែងក្លាយ ដឹកជញ្ជូនទំនិញខុសច្បាប់ និងរាល់ការប្រព្រឹត្តល្មើសអំពីអនាម័យសុវត្ថិភាពម្ហូបអាហារ។ល។ ទន្ទឹមនឹងនោះ បង្កើនការគ្រប់គ្រងរដ្ឋបាលផ្នែកសន្តិសុខសណ្តាប់ធ្នាប់ ជំរុញខ្លាំងក្លាការល្បាត ត្រួតពិនិត្យ ប្រទះឃើញនិងចាត់វិធានការយ៉ាងម៉ឺងម៉ាត់រាល់ការប្រព្រឹត្តល្មើសអំពីសណ្តាប់ធ្នាប់សុវត្ថិភាពចរាចរណ៍ ប្តេជ្ញាចិត្តកាត់បន្ថយគ្រោះថ្នាក់ចរាចរណ៍; ពិនិត្យសុវត្ថិភាពបង្ការនិងពន្លត់អគ្គិភ័យ កាត់បន្ថយកម្រិតទាបបំផុត ចំពោះការឆាបឆេះនិងការអុជផាវក្នុងឱកាសបុណ្យចូលឆ្នាំថ្មីវៀតណាម។

* ជម្រាបប្រសាសន៍សមមិត្ត តើនគរបាលខេត្តគប្បីផ្ដល់អនុសាសន៍អ្វីខ្លះ ដើម្បីជួយឱ្យប្រជាជនលើកកម្ពស់ការប្រុងប្រយ័ត្នការពារទ្រព្យសម្បត្តិក្នុងថ្ងៃបុណ្យចូលឆ្នាំថ្មីប្រពៃណីវៀតណាម ឆ្នាំ២០២១?

- ឆ្លងតាមរយៈការងារប្រយុទ្ធប្រឆាំង ឃើញថា៖ ក្នុងឱកាសបុណ្យចូលឆ្នាំថ្មី ការលួច ឆក់ប្លន់ទ្រព្យសម្បត្តិមានការកើនឡើង ដោយឧបាយ និងកលល្បិចយ៉ាងគឃ្លើន ប្រថុយប្រថាន។ ដើម្បីបង្ក្រាបនិងការពារសុវត្ថិភាពទ្រព្យសម្បត្តិរបស់ខ្លួន ប្រជាជនគប្បីយកចិត្តទុកដាក់នូវបញ្ហាមួយចំនួនដូច៖ ត្រូវមានស្មារតីប្រុងប្រយ័ត្ន ម្ចាស់ការគ្រប់គ្រង និងការពារទ្រព្យសម្បត្តិ ប្រយ័ត្នប្រយែងចំពោះជនចម្លែកមុខចេញចូលក្នុងតំបន់។ ប្រជាជនមិនត្រូវប្រើប្រាស់ទូរស័ព្ទចល័តពេលកំពុងបើកបរយានយន្ត កាត់បន្ថយពាក់គ្រឿងអលង្ការមានតម្លៃពេលចេញទៅក្រៅ មិនត្រូវឈប់សំចតយានយន្ត ឬធ្វើដំណើរទៅមកក្នុងពេលយប់នៅតំបន់ដែលគ្មានមនុស្សចេញចូល។ល។ ខណៈមានការដោះដូរនៅធនាគារ ឬតាមទូ ATM មានទឹកប្រាក់ចំនួនច្រើនគប្បីមានសាច់ញាតិទៅជាមួយ ហើយត្រូវប្រុងប្រយ័ត្នជានិច្ច។ ចំពោះគ្រួសារដែលធ្វើអាជីវកម្ម តាមហាងមាស គប្បីបំពាក់ប្រព័ន្ធកាមេរ៉ា ប្រព័ន្ធប្រកាស ភាពអាសន្ន ឬកាត់បន្ថយការដោះដូរក្រោយពីម៉ោង១៨ជារៀងរាល់ថ្ងៃ ៕

* សូមអរគុណសមមិត្ត !

លីធាន - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ