ព្រឹត្តិការណ៍ - នយោបាយ ព្រឹត្តិការណ៍

02/02/2021 - 08:57

មហាសន្និបាតតំណាងទូទាំងប្រទេសលើកទី XIII របស់បក្សកុម្មុយនិស្ដវៀតណាម

សាមគ្គី - ប្រជាធិបតេយ្យ - ក្រឹត្យក្រម - ច្នៃប្រតិដ្ឋ - អភិវឌ្ឍន៍

ដូចដែលកាសែតកឹងធើភាសាខ្មែរ បានចុះផ្សាយកាលពីសប្ដាហ៍កន្លងហើយ មហាសន្និបាតតំណាងទូទាំងប្រទេសលើកទី XIII របស់បក្សកុម្មុយនិស្ដវៀតណាម - បានប្រារព្ធឡើងជាផ្លូវការនៅមជ្ឈមណ្ឌលសន្និសីទជាតិ រដ្ឋធានីហាណូយ។ មហាសន្និបាត បានដំណើរការតាមគោលលំនាំ៖ “សាមគ្គី-ប្រជាធិបតេយ្យ-ក្រឹត្យក្រម-ច្នៃប្រតិដ្ឋ-អភិវឌ្ឍន៍” មានអ្នកតំណាងពេញសិទ្ធិចូលរួម ១.៥៨៧ រូប តំណាងឱ្យបក្ខជនទូទាំងប្រទេសជិត ៥,២ លាននាក់។

សមមិត្ត ត្រឹងថាញ់ម៉ឹង លេខាមជ្ឈិមបក្ស ប្រធានគណៈកម្មាធិការរណសិរ្សមាតុភូមិវៀតណាម បានធ្វើបទអន្តរាគមន៍ក្នុងមហាសន្និបាត XIII ។ រូបថត៖ TTXVN

ពង្រាងរបាយការណ៍នយោបាយដាក់ជូនមហាសន្និបាតលើកទី XIII របស់បក្ស បានវាយតម្លៃខ្ពស់ ក្នុងរយៈពេល ៣៥ ឆ្នាំផ្លាស់ថ្មី ប្រទេសជាតិយើងសម្រេចបាននូវសមិទ្ធិផលយ៉ាងធំធេង មានអត្ថន័យជាប្រវត្តិសាស្រ្ត។ ក្នុងរយៈកាល ៥ ឆ្នាំកន្លង អនុវត្តសេចក្ដីសម្រេចមហាសន្និបាតតំណាងទូទាំងប្រទេសលើកទី XII របស់បក្ស ប្រទេសជាតិយើងសម្រេចបាននូវសមិទ្ធិផលយ៉ាងសំខាន់ៗ លើគ្រប់វិស័យ និងមានចំណុចពិសេសៗជាច្រើន។ តាមប្រសាសន៍លោក អគ្គលេខា ប្រធានរដ្ឋ ង្វៀងភូត្រុង អាណត្តិកាលមហាសន្និបាតលើកទី XIII គឺជាចំណុចរបត់ដ៏សំខាន់មួយ និងជាមូលដ្ឋានគ្រឹះសម្រាប់អាណត្តិបន្ទាប់ ដើម្បីអនុវត្តជោគជ័យទិសដៅ យុទ្ធសាស្រ្តនៃការអភិវឌ្ឍប្រទេសជាតិដល់ឆ្នាំ ២០៣០ និងចក្ខុវិស័យដល់ឆ្នាំ ២០៤៥។ ដើម្បីពង្រីកឆន្ទៈ កម្លាំងទូទាំងជនជាតិ និងការឯកភាព “ឆន្ទៈបក្ស ទឹកចិត្តប្រជាជន” យើងត្រូវប្ដេជ្ញាអនុវត្តឱ្យបានល្អនូវភារកិច្ច និងដំណោះស្រាយទាំងឡាយ ដែលឯកសារដាក់ជូនមហាសន្និបាតលើកទីXIII បានលើកឡើង ដើម្បីជំរុញប្រទេសជាតិយើង ឈានដល់ដំណាក់កាលនៃការអភិវឌ្ឍថ្មី។

យោងតាមពង្រាងឯកសារដាក់ជូនមហាសន្និបាតលើកទី XIII របស់បក្ស ទិសដៅនៃការអភិវឌ្ឍរួម ក្នុងអាណត្តិកាល ២០២១-២០២៥ និងឆ្នាំបន្តបន្ទាប់ គឺការលើកកម្ពស់សមត្ថភាពដឹកនាំ សមត្ថភាពកាន់អំណាច និងកម្លាំងប្រយុទ្ធរបស់បក្ស; កសាងបក្សនិងប្រព័ន្ធនយោបាយស្អាតស្អំ រឹងមាំគ្រប់វិស័យ; ពង្រឹងក្ដីជំនឿរបស់ប្រជាជនចំពោះបក្ស រដ្ឋ លទ្ធិសង្គមនិយម; បំផុសបំណងប្រាថ្នាអភិវឌ្ឍន៍ប្រទេសជាតិសម្បូរ រុងរឿង និងសុភមង្គលពង្រីកឆន្ទៈ និងកម្លាំងមហាសាមគ្គីទូទាំងជនជាតិ គួបផ្សំនឹងកម្លាំងនៃយុគសម័យ; ជំរុញលើគ្រប់វិស័យព្រមៗគ្នាក្នុងការផ្លាស់ថ្មី ឧស្សាហូបនីយកម្ម ភាវូបនីយកម្ម; កសាងនិងការពារមាតុភូមិរឹងមាំ រក្សាខ្ជាប់បរិស្ថានសន្តិភាព ស្ថិរភាព ខិតខំប្រឹងប្រែងដល់ពាក់កណ្ដាលសតវត្សរ៍ ២១ ប្រទេសយើងក្លាយជាប្រទេសអភិវឌ្ឍតាមទិសដៅសង្គមនិយម។

ទិសដៅជាក់ស្ដែង ដល់ឆ្នាំ ២០២៥ វៀតណាម នឹងខិតខំប្រឹងប្រែង ឱ្យក្លាយជាប្រទេសកំពុងអភិវឌ្ឍមានឧស្សាហកម្មតាមទិសដៅទំនើប ឆ្លងផុតកម្រិតចំណូលមធ្យមទាប ឆ្នាំ ២០៣០ ជាប្រទេសអភិវឌ្ឍមានឧស្សាហកម្មទំនើប ចំណូលមធ្យមខ្ពស់រហូតដល់ឆ្នាំ ២០៤៥ ក្លាយជាប្រទេសអភិវឌ្ឍចំណូលខ្ពស់។

យោងតាមរបៀបវារៈនៃកិច្ចប្រជុំដែលមហាសន្និបាតលើកទី XIII អនុមតិក្នុងសម័យប្រជុំ ត្រៀមបម្រុងមហាសន្និបាតលើកទី XIII ប្រារព្ធធ្វើក្នុងរយៈពេល ៩ ថ្ងៃ គិតទាំងកិច្ចប្រជុំលើកដំបូង គណៈប្រតិបត្តិការមជ្ឈិម នីតិកាល XII ។ បើមិនគិតពេលល្ងាចថ្ងៃចុងក្រោយ ថ្ងៃអង្គារ (២ កុម្ភៈ) ដែលជាពេលត្រៀមបង្ការនោះ សរុបរយៈពេលធ្វើការគឺ ១៧ ពេល៕

PV (សរុប) - ប្រែសម្រួល៖ ពេជ្រសឿន

ចែករំលែកអត្ថបទ

ពាក្យគន្លឹះ