មហាសាមគ្គីជនជាតិ ភូមិស្រុកផ្លាស់ថ្មី

26/01/2021 - 10:37

ធ្វើឱ្យសុក្រឹតហេដ្ឋារចនាសម្ព័ន្ធជំរុញអភិវឌ្ឍន៍តំបន់ជនបទ

សមិទ្ធផលលេចធ្លោបំផុតក្នុងការកសាងជនបទថ្មីនៅខេត្តបាកលីវ គឺហេដ្ឋារចនាសម្ព័ន្ធផ្លូវគមនាគមន៍ជនបទ ធារាសាស្រ្តត្រូវបានវិនិយោគល្អបង្គួរ ។ ឆ្លងតាមរយៈនោះ បានរួមចំណែកក្នុងការអភិវឌ្ឍសេដ្ឋកិច្ច-សង្គម នៅតំបន់ជនបទ តំបន់ដែលមានជនរួមជាតិខ្មែររស់នៅកុះករ ។

ផ្លូវគមនាគមន៍ជនបទនៅខេត្តបាកលីវ ជាមូលដ្ឋានឆ្លើយតបទៅនឹងតម្រូវការធ្វើដំណើរទៅមករបស់ប្រជាជន។

ខេត្តបាកលីវបានកសាងថ្មី ជួសជុលបង្កើនកម្រិតផ្លូវគមនាគមន៍ជនបទចំនួន ៦៨៨ ខ្សែ ដោយមានប្រវែង ៧២៥ គីឡូម៉ែត្រ សរុបថវិកាជាង ៥៩៥ ពាន់លានដុង។ ទូទាំងខេត្តមាន ៤៩/៤៩ ឃុំ មានផ្លូវគមនាគមន៍ រថយន្តបើកចូលដល់មជ្ឈមណ្ឌលឃុំ ផ្លូវជនបទតភ្ជាប់ពីភូមិមួយទៅភូមិមួយ តភ្ជាប់ពីភូមិទៅឃុំត្រូវបានចាក់បេតុង ១០០% ។ កសាងនិងបង្កើនកម្រិតស្ពានជនបទចំនួន ៥២០ កន្លែង វិនិយោគជីកស្តារប្រព័ន្ធធារាសាស្រ្តវាលស្រែ ១.១៧៩ ខ្សែ ប្រវែង ១.៨៧៦ គីឡូម៉ែត្រ បង្កើនកម្រិតជួសជុលទំនប់ការពារទឹកប្រៃ-ស្តុកទឹកសាប ១៥៤ កន្លែង នាំទឹកចូលប្រើប្រាស់តាមទំនប់អូវនិញក្វើយ រួមចំណែកជួយខេត្តបាកលីវ កាត់បន្ថយបាននូវបាតុភូតជ្រាបទឹកប្រៃចូលតំបន់ទឹកសាប ។ តាមប្រសាសន៍លោកលឺវហ្វាងឡី នាយកមន្ទីរកសិកម្មនិងអភិវឌ្ឍន៍ជនបទខេត្តបាកលីវ ខេត្តមានឃុំបានទទួលស្គាល់សម្រេចបទដ្ឋានជនបទថ្មី ១០០% ម៉្លោះហើយផ្លូវគមនាគមន៍ជនបទឆ្លើយតបទៅនឹងតម្រូវការធ្វើដំណើរទៅមករបស់ប្រជាជន ។ ប្រព័ន្ធធារាសាស្រ្តជាមូលដ្ឋាននាំទឹកសាបបម្រើការផលិត ទាំងប៉ែកខាងជើងនិងប៉ែកខាងត្បូងនៃផ្លូវជាតិ ១A ។

លោកសើុងប៊ី នៅភូមិកៃយ៉ា ឃុំហឹងហោយ ស្រុកវិញឡើយ ឱ្យដឹង ៖ “ ផ្លូវគមនាគមន៍ជនបទត្រូវបានពង្រីកចេញ ៣ ម៉ែត្រ ដូច្នេះការធ្វើដំណើរទៅមក លក់ដូរនិងដឹកជញ្ជូនកសិផលរបស់ប្រជាជនក្នុងភូមិមានភាពងាយស្រួល ប្រព័ន្ធធារាសាស្រ្តមានទឹកសាបសម្រាប់ស្រោចស្រព ទើបមាមីងធ្វើការបង្កបង្កើនផលទាំងប្រាំងវស្សា ។ ផ្តើមពីនោះ ជីវភាពប្រជាជនបានលើកស្ទួយជាជំហានៗ ភូមិស្រុកមានភាពផ្លាស់ថ្មី ម៉្លោះហើយមាមីងខ្មែរអ្នកណាក៏មានភាពសប្បាយរីករាយ” ។ ចំណែកលោកថាច់អឿង នៅឃុំវិញប៊ិញ ស្រុកវិញប៊ិញ ឱ្យដឹង ៖ “ចាប់តាំងពីរដ្ឋមានគោលការណ៍កសាងផ្លូវគមនាគមន៍ជនបទ តភ្ជាប់អគ្គិសនី ទឹកស្អាតដល់ភូមិស្រុក មាមីងត្រេកអរណាស់ ។ អាស្រ័យហេតុនេះ មាមីងខ្មែរនៅតំបន់ដាច់ស្រយាល ក្តាប់បានព័ត៌មានយ៉ាងច្រើន ចេះអនុវត្តវិទ្យាសាស្រ្តបច្ចេកទេសក្នុងការផលិត គិតគូរឱ្យកូនចៅទៅរៀនសូត្ររៀនវិជ្ជាជីវៈ ទៅធ្វើការរកបានប្រាក់ចំណូលលំនឹង ដើម្បីលើកស្ទួយជីវភាព ។ បច្ចុប្បន្ន នៅក្នុងភូមិស្រុកទៅដល់ទីណាក៏ឃើញសុទ្ធតែផ្ទះឥដ្ឋ” ។

លោកលឺវហ្វាងឡី បញ្ជាក់៖ គោលការណ៍កសាងហេដ្ឋារចនាសម្ព័ន្ធជនបទនិងធារាសាស្រ្ត គឺជាគោលការណ៍ធំត្រឹមត្រូវ និងឆ្លើយតបបានទាន់ពេលទៅនឹងគោលបំណងប្រជាជន ម៉្លោះហើយ ទទួលបានការគាំទ្រយ៉ាងពេញទំហឹងពីសំណាក់ប្រជាជន៕

យ្វីអាញ់-មុនី

ចែករំលែកអត្ថបទ

ពាក្យគន្លឹះ