គោលនយោបាយ -ការរស់នៅ ច្បាប់

28/12/2020 - 08:58

សេចក្តីកំណត់របបជម្រើសសិស្ស និស្សិតជនជាតិភាគតិច

រដ្ឋាភិបាលទើបប្រកាសឱ្យប្រើអនុក្រឹត្យលេខ ១៤១/២០២០/NĐ-CP ស្តីពីសេចក្តីកំណត់របបជម្រើសសិស្ស និស្សិតជនជាតិភាគតិច។

សិស្សសាលាជនជាតិអន្តេវាសិកក្រុងកឹងធើ ក្នុងម៉ោងអនុវត្តជាក់ស្ដែង។

ឆ្លងតាមរយៈនោះ សិក្ខាកាមដែលបានទទួលរបបជម្រើសនោះគឺ៖ ជនជាតិភាគតិចដែលមានចំនួនមនុស្សតិច ជនជាតិភាគតិចរស់នៅតំបន់មានលក្ខណៈសេដ្ឋកិច្ច-សង្គមលំបាកខ្លាំង មិនទាន់មានឬមានចំនួនតិចកងជួរកម្មាភិបាល បុគ្គលិក អ្នករដ្ឋការជាជនជាតិភាគតិច។ សិក្ខាកាមដែលបានជម្រើស ត្រូវឆ្លើយតបតាមបទដ្ឋានរួម ដូច៖ ស្នាក់នៅជាអចិន្ត្រៃយ៍ពី ៥ ឆ្នាំឡើងទៅ គិតដល់ឆ្នាំដែលជម្រើស នៅតំបន់មានលក្ខណៈសេដ្ឋកិច្ច-សង្គមលំបាកខ្លាំង មានឪពុកម្ដាយបង្កើតឬឪពុកម្ដាយចិញ្ចឹម (ឬមានតែខាងឪពុកបង្កើតឬម្ដាយបង្កើត ឪពុកចិញ្ចឹមឬម្ដាយចិញ្ចឹម) ជាអ្នកចិញ្ចឹមផ្ទាល់រស់នៅតំបន់នេះ គ្រប់លក្ខណៈជម្រើសបឋមចំពោះផ្នែកវិជ្ជាជីវៈដែលមានតម្រូវការជ្រើសបឋម មានអាយុមិនលើសពី ២២ ឆ្នាំ គិតដល់ឆ្នាំដែលជម្រើស មានសុខភាពមាំមួនតាមសេចក្តីកំណត់ជាធរមាន។

ក្រៅពីបទដ្ឋានរួម សិក្ខាកាមដែលបានជម្រើសចូលរៀនមហាវិទ្យាល័យ ត្រូវតែ៖ បញ្ចប់កម្រិតវិទ្យាល័យ មានចរិយាសម្បត្តិល្អក្នុងបណ្តាឆ្នាំនៃកម្រិតវិទ្យាល័យ និងរៀនសម្រេចនិទ្ទេស ពីល្អគ្រាន់បើឡើងទៅ នៅឆ្នាំសិក្សាថ្នាក់ ១២ មានរយៈពេលសិក្សាគ្រប់ ៣ ឆ្នាំ និងបញ្ចប់កម្រិតវិទ្យាល័យនៅសាលាចំណុះភូមិសាស្រ្តជម្រើស សិស្សតាមសេចក្តីកំណត់ ឬនៅតាមសាលាជនជាតិអន្តេវាសិក។ ចំពោះសិក្ខាកាមដែលបានជម្រើសចូលរៀនអនុមហាវិទ្យាល័យ ក្រៅពីបទដ្ឋានរួម ត្រូវតែ៖ បញ្ចប់កម្រិតវិទ្យាល័យ មានចរិយាសម្បត្តិល្អក្នុងបណ្តាឆ្នាំនៃកម្រិតវិទ្យាល័យ រៀនសម្រេចនិទ្ទេសពីមធ្យមឡើងទៅនៅឆ្នាំសិក្សាថ្នាក់ ១២ មានរយៈពេលសិក្សាគ្រប់ ៣ ឆ្នាំ និងបញ្ចប់កម្រិតវិទ្យាល័យនៅសាលាចំណុះភូមិសាស្រ្តជម្រើសសិស្សតាមសេចក្តីកំណត់ឬនៅតាមសាលាជនជាតិអន្តេវាសិក។ រីឯសិក្ខាកាមដែលបានជម្រើសចូលរៀនមធ្យមសិក្សា ក្រៅពីបទដ្ឋានរួម ត្រូវតែ៖ បញ្ចប់កម្រិតអនុវិទ្យាល័យ ឬវិទ្យាល័យ មានចរិយាសម្បត្តិពីល្អគ្រាន់បើឡើងទៅក្នុងបណ្តាឆ្នាំសិក្សាកម្រិតអនុវិទ្យាល័យ ឬវិទ្យាល័យ រៀនសម្រេចនិទ្ទេសពីមធ្យមឡើងទៅក្នុងឆ្នាំសិក្សាចុងក្រោយ មានរយៈពេលសិក្សាគ្រប់ ៤ ឆ្នាំ និងបញ្ចប់កម្រិតអនុវិទ្យាល័យ ឬសិក្សាគ្រប់ ៣ ឆ្នាំ និងបញ្ចប់កម្រិតវិទ្យាល័យ នៅសាលាចំណុះភូមិសាស្រ្តជម្រើសសិស្សតាមសេចក្តីកំណត់ ឬនៅតាមសាលាជនជាតិអន្តេវាសិក។

សិស្ស និស្សិតដែលសិក្សាតាមរបបជម្រើស នឹងបានផ្ដល់អាហារូបករណ៍ មិនបង់កម្រៃសិក្សា និងទទួលបានរបបអាទិភាពផ្សេងៗទៀត តាមសេចក្តីកំណត់ជាធរមានរបស់រដ្ឋក្នុងអំឡុងពេលបណ្ដុះបណ្តាល ត្រូវបានទទួលសំណុំបែបបទដើម្បីពិនិត្យជម្រើស និងរៀបចំការងារធ្វើ ក្រោយពីបញ្ចប់ការសិក្សា។ ក្រៅពីនោះ អនុក្រឹត្យក៏បានចែងអំពី៖ ករណីដែលបានអាទិភាពក្នុងការជម្រើស ករណីត្រូវសំណង កម្រៃសិក្សា និងអាហារូបករណ៍បណ្តុះបណ្តាលជាដើម។

អនុក្រឹត្យនេះមានសុពលភាពចាប់ពីថ្ងៃទី ២៣ មករា ឆ្នាំ ២០២១ ៕

 ថាញ់ឡុង-វិមាន

ចែករំលែកអត្ថបទ

ពាក្យគន្លឹះ