គោលនយោបាយ -ការរស់នៅ គោលនយោបាយ

14/12/2020 - 15:41

លើកកម្ពស់ស្មារតីយល់ដឹងច្បាប់ក្នុងជនរួមជាតិភាគតិច

ខ័ណ្ឌអូរម៉ូង តែងផ្ដោតការយកចិត្តទុកដាក់ដល់ការងារឃោសនា ផ្សព្វផ្សាយ អប់រំច្បាប់ជូនជនរួមជាតិភាគតិច។ ឆ្លងតាមរយៈនោះ ជួយជនរួមជាតិភាគតិចយល់ច្បាស់អំពីរបបគោលនយោបាយ សេចក្ដីកំណត់នៃច្បាប់។ល។

កម្មាភិបាលសង្កាត់ចូវវ៉ាន់លីម (ខាងស្ដាំ) ផ្សព្វផ្សាយច្បាប់ជូនប្រជាជន។

យោងតាមការិយាល័យយុត្តិធម៌ខ័ណ្ឌអូរម៉ូង ចាប់តាំងពីដើមឆ្នាំ គណៈកម្មាធិការបក្សខ័ណ្ឌ គណៈកម្មាធិការប្រជាជនខ័ណ្ឌ បានយកចិត្តទុកដាក់ចង្អុលការអនុវត្តការងារផ្សព្វផ្សាយ សំដៅលើកកម្ពស់ស្មារតីយល់ដឹងច្បាប់ក្នុងជនរួមជាតិភាគតិច។ យោងតាមនោះ ការិយាល័យជនជាតិខ័ណ្ឌ កសាងផែនការសហការជាមួយការិយាល័យយុត្តិធម៌ និងមជ្ឈមណ្ឌលជំនួយគតិយុត្តិលេខ ៥ នៅខ័ណ្ឌអូរម៉ូង គួបផ្សំការឃោសនា អប់រំច្បាប់ជូនជនរួមជាតិភាគតិចដោយរូបភាពជាច្រើនសមស្របនឹងស្ថានភាពជាក់ស្តែង។ លោកយឿងមិញឌឹក នៅមណ្ឌល ១៣ សង្កាត់ចូវវ៉ាន់លីម ឱ្យដឹង៖ កាលពីឆ្នាំទៅ ប្រពន្ធខ្ញុំឈឺ អាស្រ័យកម្មាភិបាលសង្កាត់ជួយណែនាំ ទើបប្រពន្ធខ្ញុំបានទទួលប័ណ្ណធានារ៉ាប់រងសុខាភិបាល និងបានទទួលប្រាក់ឧបត្ថម្ភរៀងរាល់ខែ។ ជាមួយនឹងការណែនាំរបស់កម្មាភិបាលសង្កាត់ មណ្ឌល គ្រួសារខ្ញុំមានការយល់ច្បាស់អំពីគោលនយោបាយរបស់រដ្ឋ ដើម្បីអនុវត្តឱ្យបានត្រឹមត្រូវ”។

ជួយជនរួមជាតិភាគតិចក្តាប់បានពត៌មានទាន់ពេលអំពីគោលការណ៍ គោលមាគ៌ារបស់បក្ស គោលនយោបាយនិងច្បាប់របស់រដ្ឋ កងជួរកម្មាភិបាលបំពេញការងារជនជាតិ សហការជាមួយក្លឹបជំនួយគតិយុត្តិនៅសង្កាត់នានា ជំរុញការងារជំនួយគតិយុត្តិ។ ជាភូមិសាស្រ្ត មានជនរួមជាតិខ្មែររស់នៅកុះករ ម្ល៉ោះហើយ សង្កាត់ចូវវ៉ាន់លីម បង្កើតក្លឹបជំនួយគតិយុត្តិចំនួន ២ ដាក់នៅវត្តពោធិសំរោង និងហាងកាហ្វេ”ថាញ់នៀង-ផាបលឹក”។ ឆ្នាំ ២០២០ ក្លឹបទាំងនេះសហការសកម្មភាពផ្សព្វផ្សាយ ជំនួយគតិយុត្តិជូនប្រជាជនជាង ១០០ ករណី (ក្នុងនោះ មានជនរួមជាតិភាគតិចចំនួន ២០ ករណី) ខាងវិស័យជាច្រើន ដូចជា៖ អាពាហ៍ពិពាហ៍ និងគ្រួសារ ដីធ្លី បែបបទរដ្ឋបាល។ល។ លោកដាវឡង នៅមណ្ឌល ១២ សង្កាត់ចូវវ៉ាន់លីម ឱ្យដឹង៖ “តាមរយៈការប្រជុំប្រជាជន កម្មាភិបាលមណ្ឌល គួបផ្សំផ្សព្វផ្សាយរាល់សេចក្ដីកំណត់នៃច្បាប់។ ខ្លឹមសារផ្សព្វផ្សាយមានភាពជិតដិត ស៊ីជម្រៅក្នុងជីវភាពប្រចាំថ្ងៃ ជួយឱ្យយើងខ្ញុំងាយយល់ ងាយចងចាំ”។

តាមប្រសាសន៍របស់លោកត្រឹងថាញ់ហ្វា ប្រធានការិយាល័យយុត្តិធម៌ខ័ណ្ឌអូរម៉ូង ដើម្បីការងារឃោសនាផ្សព្វផ្សាយ អប់រំច្បាប់ ពង្រីកបានប្រសិទ្ធភាពថែមទៀត ខ័ណ្ឌនឹងបន្តការបញ្រ្ជាបអនុវត្តល្អបទបញ្ជាលេខ ៣២-CT/TW ចុះថ្ងៃទី ៩/១២/២០០៣ របស់គណៈលេខាមជ្ឈិមបក្ស ស្ដីពីបង្កើនការដឹកនាំរបស់បក្ស ចំពោះការងារឃោសនា អប់រំច្បាប់។ បន្តឃោសនា ផ្សព្វផ្សាយច្បាប់រដ្ឋធម្មនុញ្ញឆ្នាំ ២០១៣ និងឯកសារច្បាប់ដទៃទៀត ពិសេស គឺផ្សព្វផ្សាយស៊ីជម្រៅច្បាប់រដ្ឋប្បវេណីឆ្នាំ ២០១៥។ល។ ព្រមជាមួយនោះ យកចិត្តទុកដាក់ពង្រឹងនិងពង្រីកតួនាទីរបស់ក្រុមប្រឹក្សាសហការឃោសនា អប់រំច្បាប់ខ័ណ្ឌ សង្កាត់។ ធ្វើឱ្យសុក្រឹត និងលើកកម្ពស់ប្រសិទ្ធភាពនៃសកម្មភាពកងជួរវាគ្មិន និងឃោសនិកជនផ្នែកច្បាប់។ ការិយាល័យនឹងបន្តសហការពង្រីកនូវតួនាទីរបស់រណសិរ្សនិងអង្គការមហាជនចំពោះការងារចលនា ផ្សព្វផ្សាយនិងអនុវត្តច្បាប់ក្នុងសហគមន៍ប្រជាជននិយាយរួម និងជនរួមជាតិភាគតិចនិយាយដោយឡែក៕

ហ្វាងអៀង- ថាច់ធី

ចែករំលែកអត្ថបទ

ពាក្យគន្លឹះ