សន្តិសុខ - ការពារប្រទេស ការពារប្រទេស

08/12/2020 - 08:26

សួរសុខទុក្ខកងកម្លាំងការពារព្រំដែន បង្កើនការបង្ការប្រឆាំងជំងឺ COVID-១៩ នៅអាងយ៉ាង

ក្រុមការងារនៃកងទ័ពការពារព្រំដែនកាម៉ាវ ដឹកនាំដោយវរសេនីយ៍ឯក លឿងហ្វាងដុង មេបញ្ជាការកងទ័ពការពារព្រំដែនខេត្ត បានអញ្ជើញទៅសួរសុខទុក្ខ លើកទឹកចិត្តកម្មាភិបាល យុទ្ធជនចំណុះកងទ័ពការពារព្រំដែនកាម៉ាវ ត្រូវបានបញ្ជូនទៅអនុវត្តភារកិច្ចការពារព្រំដែន និងបង្ការប្រឆាំងជំងឺ COVID-១៩ តាមបន្ទាត់ព្រំដែនវៀតណាម-កម្ពុជា នៅលើភូមិសាស្រ្តខេត្តអាងយ៉ាង។

សួរសុខទុក្ខកម្មាភិបាល យុទ្ធជន កំពុងបំពេញភារកិច្ចនៅតង់បង្ការប្រឆាំងជំងឺរាលដាលលេខ ៧ ចំណុះប៉ុស្តិ៍ការពារព្រំដែនវិញងឿង កងទ័ពការពារព្រំដែនអាងយ៉ាង។

តាមការវាយតម្លៃរបស់កងទ័ពការពារព្រំដែនអាងយ៉ាង ក្នុងដំណាក់កាលអនុវត្តភារកិច្ច មានយុទ្ធជនថ្មីមួយចំនួនជួបការលំបាក និងអល់អែក អាស្រ័យមិនទាន់ធ្លាប់នឹងបរិស្ថាន ការងារថ្មី ពីព្រំដែនសមុទ្រមកព្រំដែនដីគោក ពិសេសនៅរដូវភ្លៀងទឹកជន់ ជួបការលំបាកក្នុងការល្បាតត្រួតពិនិត្យតាមបន្ទាត់ព្រំដែន។ ថ្វីត្បិតដូច្នោះក្តី តែដោយការប្តេជ្ញាចិត្តខ្ពស់ អង្គភាពនីមួយៗបានបញ្ជូនកងកម្លាំងទៅអាងយ៉ាងដើម្បីជម្នះការលំបាក សកម្មយាមល្បាត បន្តការត្រួតពិនិត្យយ៉ាងហ្មត់ចត់ និងរាយការណ៍សុខាភិបាលច្បាស់លាស់ចំពោះមនុស្ស មធ្យោបាយឆ្លងដែន រួមចំណែកទប់ស្កាត់ ត្រួតពិនិត្យជំងឺឆ្លងរាលដាលឱ្យបានល្អ ក៏ដូចជាការពាររឹងមាំអធិបតេយ្យសន្តិសុខព្រំដែន។

ក្រោយពីចុះទៅដល់តង់បង្ការប្រឆាំងរោគរាលដាលមួយចំនួននៅតាមខ្សែបន្ទាត់ព្រំដែន វរសេនីយ៍ឯក លឿងហ្វាងដុង រំពឹងថា កម្មាភិបាល យុទ្ធជនដែលបានបញ្ជូនមកអនុវត្តភារកិច្ចនៅអាងយ៉ាង នឹងបន្តជម្នះនូវការលំបាក សម្រេចល្អនូវភារកិច្ចការពារព្រំដែន និងបង្ការប្រឆាំងជំងឺ COVD- ១៩ ។ ពិសេស គឺមានការជិតស្និទ្ធ ផ្សារភ្ជាប់ជាមួយប្រជាជនភូមិភាគ ខ្នះខ្នែងផ្សព្វផ្សាយដល់ប្រជាជនតំបន់ព្រំដែន យល់ដឹងពីផលប៉ះពាល់នៃជំងឺ COVID-១៩ ដើម្បីចូលរួមបង្ការប្រឆាំង៕

អាញ់វី - លីសៀ

ចែករំលែកអត្ថបទ

ពាក្យគន្លឹះ