សន្តិសុខ - ការពារប្រទេស ការពារប្រទេស

23/11/2020 - 15:13

ផ្សព្វផ្សាយអំពីស្ថានភាពកោះ សមុទ្រឆ្នាំ ២០២០ ដល់អ្នកតំណាងជាង ២.៥០០ រូប

(អាងយ៉ាង) ដើមខែវិច្ឆិកា ឆ្នាំ ២០២០ គណៈឃោសនាអប់រំនៃគណៈកម្មាធិការបក្សខេត្តអាងយ៉ាង សហការជាមួយនឹងបញ្ជាការដ្ឋានតំបន់ ៥ នៃកងទ័ពជើងទឹក រៀបចំផ្សព្វផ្សាយអំពីស្ថានភាពកោះ សមុទ្រឆ្នាំ ២០២០ ដល់អ្នកតំណាងជាង ២.៥០០ នាក់ ជាកម្មាភិបាលស្នូល កម្មាភិបាលចូលនិវត្តន៍ វាគ្មិន ឃោសនិកគ្រប់លំដាប់ថ្នាក់នៅស្រុក ទីរួមខេត្តទាំង ៧ រួមមាន៖ ចូវថាញ់ ចូវភូ ភូតឹង ចើមើយ ទិញបៀង អានភូ និងទីរួមខេត្តតឹងចូវ។

ទិដ្ឋភាពនៃពិធីផ្សព្វផ្សាយអំពីស្ថានភាពកោះ សមុទ្រឆ្នាំ២០២០ ។

វរសេនីយ៍ទោ ហ្វាងក្វឹកហុង ប្រធានគណៈឃោសនាអប់រំតំបន់ ៥នៃកងទ័ពជើងទឹក បានផ្តល់ព័ត៌មានដល់អ្នកតំណាងអំពីខ្លឹមសារសំខាន់ៗដូច៖ ទីតាំងតួនាទីនិងសារៈសំខាន់នៃកោះ សមុទ្រវៀតណាមចំពោះបុព្វហេតុកសាងនិងការពារមាតុភូមិ បញ្ហាមួយចំនួនពីស្ថានភាពកោះ សមុទ្រវៀតណាមនាពេលបច្ចុប្បន្ន សភាពការណ៍ថ្មីៗរបស់ប្រទេសនានានៅសមុទ្រខាងកើត ក្នុងរយៈពេលថ្មីៗនេះ លទ្ធផលនៃការតស៊ូនិងការពារអធិបតេយ្យកោះ សមុទ្ររបស់កងទ័ពជើងទឹកប្រជាជនវៀតណាម ក៏ដូចជារបស់តំបន់ ៥ នៃកងទ័ពជើងទឹក ឆ្លងតាមរយៈនោះ ផ្សព្វផ្សាយបញ្ជ្រាបនូវទស្សនៈ ទិសដៅ គោលការណ៍និងដំណោះស្រាយមួយចំនួនរបស់បក្សនិងរដ្ឋ ក្នុងការតស៊ូការពារអធិបតេយ្យកោះ សមុទ្រ។ល។

ឆ្លងតាមរយៈសកម្មភាពផ្សព្វផ្សាយ បានជួយលើកកម្ពស់ស្មារតី យល់ដឹងដល់កម្មាភិបាល បក្ខជននិងប្រជាជន ពង្រឹងជាងទៀតនូវការឯកភាពនៃសាធារណៈមតិអំពីទីតាំង តួនាទីរបស់កោះ សមុទ្រវៀតណាម ក្នុងបុព្វហេតុកសាងនិងការពារមាតុភូមិ អំពីគោលមាគ៌ា គោលការណ៍ ទស្សនៈរបស់បក្ស គោលនយោបាយ ច្បាប់របស់រដ្ឋ ពាក់ព័ន្ធនឹងកោះ សមុទ្រ។ បង្កើនស្មារតីទទួលខុសត្រូវក្នុងការប្រតិបត្តិច្បាប់ក្នុងប្រទេស និងកិច្ចព្រមព្រៀង សន្ធិសញ្ញាអន្តរជាតិពាក់ព័ន្ធដល់កោះ សមុទ្រ ពិសេសគឺអភិវឌ្ឍប្រកបដោយចីរភាពសេដ្ឋកិច្ចសមុទ្រ ការពារបរិស្ថាននិងការពារសន្តិសុខ អធិបតេយ្យជាតិ តំបន់សមុទ្រ គោលការណ៍ដោះស្រាយវិវាទសមុទ្រខាងកើត ដោយសន្តិវិធី ផ្អែកលើមូលដ្ឋានច្បាប់អន្តរជាតិ ក្នុងនោះ មានសន្ធិសញ្ញានៃអង្គការសហប្រជាជាតិ អំពីច្បាប់សមុទ្រឆ្នាំ ១៩៨២ (UNCLOS ១៩៨២ )៕

យោងតាម៖ គណៈឃោសនាអប់រំខេត្តអាងយ៉ាង-មុនី

ចែករំលែកអត្ថបទ

ពាក្យគន្លឹះ