សន្តិសុខ - ការពារប្រទេស ការពារប្រទេស

17/11/2020 - 08:29

រួមកម្លាំងសង់ផ្ទះមនោសញ្ចេតនាជូនសេនាជន

រយៈពេល៣ឆ្នាំកន្លង កងកម្លាំងប្រដាប់អាវុធស្រុកវិញឡើយ ខេត្តបាកលីវ បានរួមថវិកាសង់ផ្ទះមនោសញ្ចេតនាចំនួន ៥ ខ្នងជូនសេនាជន។ នេះជាវិធីធ្វើថ្មី ជួយដល់ក្រុមគ្រួសារសេនាជនជាច្រើនមានលក្ខណសម្បត្តិសង់ផ្ទះឡើងវិញ ព្រោះផ្ទះចាស់ទ្រុឌទ្រោមនិងលេចស្រក់។

យឿងក្វឹកខាយ (ភូមិក្វឹកគី ឃុំហុឹងថាញ់) បានចូលរួមកងកម្លាំងសេនាជនកាលពីឆ្នាំ ២០១៦ ហើយបានស្រុកវិញឡើយ ឧបត្ថម្ភសង់ផ្ទះនៅក្នុងឆ្នាំ ២០២០ នេះ។

ដើមខែវិច្ឆិកាកន្លងហើយ គណៈបញ្ជាការយោធាស្រុកវិញឡើយ បានរៀបចំពិធីប្រគល់ផ្ទះមិត្តរួមកងដល់បងឡេវ៉ាន់ទ្វឹង (អាយុ ២៦ ឆ្នាំ នៅភូមិកៃយា ឃុំហ៊ឹងហោយ ស្រុកវិញឡើយ)។ បងទ្វឹង មិនទាន់រៀបការ រស់នៅជាមួយឪពុកម្តាយក្នុងផ្ទះដែលជញ្ជាំងសងខាងទ្រេតទៅលើផ្ទះអ្នកជិតខាង។ ឪពុក ម្តាយលក់បន្លែ រីឯទ្វឹង “អ្នកណាជួលធ្វើអ្វីគឺធ្វើហ្នឹង”។ លោកត្រឹងង៉ុកហើង ប្រធានគណៈបញ្ជាការយោធាឃុំហ៊ឹងហោយ វាយតម្លៃ៖“ ទោះបីគ្រួសារក្រលំបាក ប៉ុន្តែជិត ៤ ឆ្នាំមកនេះ ទ្វឹងជាសេនាជនចល័តសកម្មមួយរូប តែងប្រតិបត្តិត្រឹមត្រូវតាមបទបញ្ជាកោះហៅហ្វឹកហាត់” ។

តាំងពីឆ្នាំ ២០១៨ មក កម្លាំងប្រដាប់អាវុធស្រុកវិញឡើយ បានរួមវិភាគទានទឹកប្រាក់ជាង ១៣០ លានដុង ឧបត្ថម្ភដល់សេនាជន ៥ នាក់សង់ផ្ទះថ្មយ៉ាងសមរម្យ។ យុទ្ធជន ដែលបានឧបត្ថម្ភសង់ផ្ទះ រួមមាន៖ តាំងវ៉ាន់ថាញ (នៅភូមិត្រាហឹក សេនាជនចល័ត); ត្រឹងជីង្វៀង (ភូមិយ៉ុងបឺមA សេនាជនប្រចាំការ) នៅឃុំចូវថើយ; អុងធីណៀ - យុទ្ធនារីសេនាជន ប្រចាំការទីប្រជុំជនចូវហុឹង; យឿងក្វឹកខាយ នៅភូមិក្វឹកគី សេនាជនចល័តឃុំហុឹងថាញ់ និងករណីរបស់បងទ្វឹង ដូចបានរៀបរាប់ខាងលើ។

ក្នុងសេចក្តីសម្រេចចិត្តដឹកនាំកិច្ចការយោធាការពារភូមិភាគឆ្នាំ ២០១៨ គណៈកម្មាធិការបក្សយោធាស្រុកវិញឡើយ បានដាក់ចេញការឧបត្ថម្ភដើមទុនផលិតកម្មនិងសង់ផ្ទះជូនសេនាជន។ គណៈកម្មាធិការបក្សបានប្រគល់ឱ្យបណ្ដុំប្រឡងប្រណាំងឃុំ ទីប្រជុំជនចំនួន ៨ និងគណៈបញ្ជាការយោធាស្រុក រៀងរាល់ឆ្នាំសង់ផ្ទះមនោសញ្ចេតនាជូនយុទ្ធជនចំណុះឃុំ ធ្វើជាប្រធានបណ្ដុំ។ យុទ្ធជនម្នាក់ៗទទួលបានប្រាក់ឧបត្ថម្ភពី ២៥-៣០ លានដុង ក្នុងនោះស្ថាប័នយោធាស្រុកចូលរួមវិភាគទានទឹកប្រាក់ច្រើនបំផុត ១០ ដុង ក្រៅពីនោះ គឺបណ្ដុំប្រឡងប្រណាំងរ៉ាប់រង។ លោកវរសេនីយ៍ទោ ង្វៀងក្វឹកថៃ អនុលេខាគណៈកម្មាធិការបក្ស យោធាស្នងការនយោបាយនៃបញ្ជាការយោធាស្រុកវិញឡើយ ឱ្យដឹង៖ “ករណីដែលបានពិនិត្យសង់ផ្ទះជូន នោះគឺយុទ្ធជនជាសេនាជននៅក្នុងអង្គភាព សេនាជនប្រចាំការសេនាជនចល័ត ដែលមានស្ថានភាពលំបាកពិសេស; មានសមត្ថភាពក្នុងការងារ និងប្រតិបត្តិល្អតាមបទបញ្ជាហ្វឹកហាត់របស់អង្គភាព” ។

ទង្វើដ៏មានអត្ថន័យជាក់ស្តែងនេះ បានជួយឱ្យយុទ្ធជនជាសេនាជនស្ងប់អារម្មណ៍រួមកម្លាំងការពារមាតុភូមិ។ ហេតុដូច្នេះហើយ ក្រោយពីឆ្នាំ ២០១៨ បក្ខភាគយោធាស្រុកវិញឡើយ អាណត្តិកាល ២០២០-២០២៥ បានកំណត់ច្បាស់នឹងបន្តអនុវត្តការងារជួសជុលនិងសាងសង់ផ្ទះជូនកងកម្លាំងសេនាជន។ ក្រៅពីជួយសង់ផ្ទះ កងកម្លាំងប្រដាប់អាវុធស្រុក នៅទាំងឧបត្ថម្ភទុនផលិតកម្មដល់យុទ្ធជនជាសេនាជននៅលើភូមិសាស្រ្តដែលកងពលធើ្វការហ្វឹកហាត់ក្រៅបន្ទាយ៕

យោង៖ baobaclieu.vn-ទីទុយ

ចែករំលែកអត្ថបទ

ពាក្យគន្លឹះ