សន្តិសុខ - ការពារប្រទេស ការពារប្រទេស

27/10/2020 - 08:15

ពង្រីកកម្លាំងចម្រុះនៃអង្គការនិងប្រជាជនក្នុងការប្រមូល ស្វែងរកអដ្ឋិធាតុយុទ្ធជនពលី

ក្នុងការតស៊ូរំដោះជាតិ ២ លើក សង្គ្រាមការពារប្រទេសជាតិនិងបំពេញភារកិច្ចអន្តរជាតិ អាងយ៉ាងគឺជាតំបន់មូលដ្ឋានបដិវត្តន៍ ជាភូមិសាស្រ្តដែលទទួលរងការបាត់បង់ជីវិតមនុស្សជាច្រើន។ ក្នុងនោះមានកម្មាភិបាល យុទ្ធជនពលីមិនតិច នៅមិនទាន់រកឃើញផ្នូរឬកន្លែងកប់សព ដើម្បីប្រមូលអដ្ឋិធាតុ យកមកធ្វើពិធីបញ្ចុះនៅឡើយ។ល។ អាស្រ័យហេតុនោះ ការកំណត់ទីតាំងកប់សពដំបូងដើម្បីបង្កើតផែនទីស្វែងរក និងប្រមូលអដ្ឋិធាតុយុទ្ធជនពលី នៅជួបការលំបាកច្រើន។

ការប្រមូលអដ្ឋិធាតុយុទ្ធជនពលីលើភូមិសាស្រ្តខេត្តអាងយ៉ាងទទួលបានលទ្ធ

ផលសំខាន់ៗជាច្រើន។

កាលពីឆ្នាំ ២០១៨ ខេត្តអាងយ៉ាង បានបង្កើតគណៈចង្អុលការ ស្ថាប័នប្រចាំការនិងផ្នែកជំនួយការគណៈចង្អុលការ ៥១៥ ថ្នាក់ខេត្ត ស្រុក; ទន្ទឹមនឹងនោះ កសាងផែនការរៀបចំហ្វឹកហាត់ ណែនាំការបង្កើតផែនទីស្វែងរកប្រមូលអដ្ឋិធាតុយុទ្ធជនពលីលើភូមិសាស្រ្តខេត្ត ធ្វើការផ្សព្វផ្សាយដល់ភូមិភាគ ស្ថាប័ន អង្គភាពអនុវត្ត។ មកទល់ពេលនេះ ឃុំ សង្កាត់ ទីប្រជុំជន ១៥៦/១៥៦ បានសម្រេចការពិនិត្យ រៀបចំឯកសារនិងបញ្ជីឈ្មោះយុទ្ធជនពលីដែលចូលរួមការងារនៅឃុំ សង្កាត់ ទីប្រជុំជន; កសាងមូលដ្ឋានទិន្នន័យអំពីយុទ្ធជនពលី សាច់ញាតិយុទ្ធជនពលី ផ្នូរយុទ្ធជនពលីនិងបូជនីយដ្ឋានយុទ្ធជនពលី ដែលបានពលីជីវិតរាល់សម័យកាល។

ដើម្បីទទួលបានព័ត៌មានអំពីយុទ្ធជនពលី និងផ្នូរយុទ្ធជនពលី ភូមិភាគនីមួយៗ ចែកចាយខិត្តប័ណ្ណប្រមូលព័ត៌មានចំនួន ៤៦៩.២៩៤ សន្លឹកដល់គ្រប់គ្រួសារប្រជាជន។ ជាពិសេស ស្ថាប័នប្រចាំការ បានសហការជាមួយនឹងមន្ទីរការងារ-យុទ្ធជនពិការ និងសង្គមកិច្ច ធ្វើការពិនិត្យឡើងវិញឱ្យបានដិតដល់ចំពោះតំបន់បូជនីយដ្ឋាន និងក្រៅបូជនីយដ្ឋាន ចំនួន ៨ កន្លែង។ ធ្វើការបូកសរុបមានយុទ្ធជនពលីចំនួន ១.៤៩០ នាក់ បានបញ្ចុះលើកដំបូងលើភូមិសាស្រ្តខេត្ត (ក្នុងនោះ មានយុទ្ធជនពលី ១.៣៩៩ នាក់នៅក្នុងភូមិភាគ) លើភូមិសាស្រ្តខេត្ត គ្មានតំបន់ឬភូមិសាស្រ្តណាដែលថាទទួលបានព័ត៌មានអដ្ឋិធាតុយុទ្ធជនពលីមិនច្បាស់ការនោះទេ ឬក៏មានព័ត៌មានយុទ្ធជនពលីដែរ ប៉ុន្តែផ្ទួននឹងភូមិសាស្រ្តរដ្ឋបាលភូមិភាគផ្សេង។ ដូច្នេះការងារបង្កើតផែនទីស្វែងរកនិងប្រមូលអដ្ឋិធាតុយុទ្ធជនពលី ត្រូវបានផ្សព្វផ្សាយអនុវត្តជាបន្ទាន់ ម៉ឺងម៉ាត់ ធានាត្រូវតាមល្បឿនដំណើរការ។ ថ្នាក់ខេត្ត ស្រុក ឃុំក៏បានបង្កើតផែនទីធ្វើការស្វែងរកប្រមូលអដ្ឋិធាតុយុទ្ធជនពលី ទៅតាមចំណាត់ថ្នាក់ផងដែរ។

វរសេនីយ៍ឯក ឡេមិញក្វាង ស្នងការនយោបាយនៃបញ្ជាការដ្ឋានយោធាខេត្ត អនុប្រធានគណៈចង្អុលការ ៥១៥ ខេត្ត ឱ្យដឹង៖ ដើម្បីអនុវត្តមានប្រសិទ្ធភាពនូវការងារសន្និដ្ឋានភូមិសាស្រ្ត បង្កើតផែនទីស្វែងរកប្រមូលអដ្ឋិធាតុយុទ្ធជនពលី លើភូមិសាស្រ្តខេត្តរយៈពេលខាងមុខ គប្បីលើកកម្ពស់ស្មារតីទទួលខុសត្រូវរបស់គណៈ ផ្នែក ក្នុងការដឹកនាំនិងចង្អុលការ។ ទន្ទឹមនឹងនោះ គប្បីប្រើប្រាស់ឱ្យមានប្រសិទ្ធភាពនូវផ្នែកទន់គ្រប់គ្រងឯកសារ បញ្ជីឈ្មោះយុទ្ធជនពលីរបស់ខេត្ត; ចែករំលែកព័ត៌មានដល់ស្ថាប័ន អង្គភាពក្នុងយោធភូមិភាគនិងដល់ខេត្ត ក្រុងនានា; ផ្តុំកម្លាំងធ្វើការពិនិត្យបំពេញបន្ថែមព័ត៌មានចំពោះយុទ្ធជនពលីដែលមានព័ត៌មានមិនទាន់គ្រប់គ្រាន់។ ចំពោះយុទ្ធជនពលីមិនទាន់មានព័ត៌មាន នឹងបន្តការពិនិត្យ រៀបចំឯកសារនិងបញ្ជីឈ្មោះ យុទ្ធជនពលីបញ្ចូលទៅក្នុងទិន្នន័យ; បំពេញបន្ថែម ធ្វើបច្ចុប្បន្នភាពលើផែនទីស្វែងរកនិងប្រមូលអដ្ឋិធាតុតាមផែនការ; បង្កើនការងារត្រួតពិនិត្យ ដោះស្រាយឱ្យបានទាន់ពេលនូវការលំបាក បញ្ហាប្រឈម; លើកទឹកចិត្ត ជូនរង្វាន់សមូហភាព បុគ្គលដែលមានស្នាដៃឆ្នើមក្នុងការចូលរួមស្វែងរកប្រមូលអដ្ឋិធាតុយុទ្ធជនពលី៕

យោង៖ https://baoangiang.com.vn - ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ