គោលនយោបាយ -ការរស់នៅ ច្បាប់

20/10/2020 - 09:08

កំហុសទាំងឡាយដែលអ្នកចូលរួមចរាចរអាចត្រូវវិនិច្ឆ័យទោសព្រហ្មទណ្ឌ

គ្រោះថ្នាក់ចរាចរណ៍គឺជាក្តីបារម្ភរួមក្នុងសង្គមទាំងមូល។ មានករណីជាច្រើន អ្នកបង្កគ្រោះថ្នាក់ចរាចរណ៍ ត្រូវរងផលប៉ះពាល់ដល់សុខភាពផង និងត្រូវរងទោសព្រហ្មទណ្ឌ ចំពោះកំហុសដែលខ្លួនបង្កឡើងផង។ យោងតាមក្រមព្រហ្មទណ្ឌឆ្នាំ ២០១៥ អ្នកចូលរួមចរាចរផ្លូវគោក បំពានបទបញ្ញត្តិស្តីពីសុវត្ថិភាពចរាចរណ៍ផ្លូវគោកនឹងត្រូវពិន័យប្រាក់ពី ៣០ លានដុងដល់ ១០០ លានដុង និងត្រូវពិន័យអប់រំកែកំហុសមិនដាក់ពន្ធនាគាររហូតដល់ ៣ ឆ្នាំ ឬត្រូវជាប់ពន្ធនាគារ ពី ១ ឆ្នាំទៅ ៥ ឆ្នាំ ក្នុងករណីដូចខាងក្រោម៖ ធ្វើឱ្យស្លាប់មនុស្សម្នាក់ ឬបង្កឱ្យមានរបួស ឬប៉ះពាល់ដល់សុខភាពមនុស្សម្នាក់ ដោយអត្រារបួសពី ៦១% ឡើងទៅ។ បង្កឱ្យមានរបួសឬប៉ះពាល់ដល់សុខភាពមនុស្ស ២ នាក់ ដោយអត្រារបួសពី ៣១% ទៅ ៦០ %។ បង្កឱ្យមានរបួសឬប៉ះពាល់ដល់សុខភាព មនុស្សពី ៣ នាក់ឡើងទៅ ដោយអត្រារបួសសរុបនៃអ្នកទាំងនេះពី ៦១% ទៅ ១២១%; បង្កឱ្យខូចខាតទ្រព្យសម្បត្តិពី ១០០ លានដុងដល់ក្រោម ៥០០ លានដុង។

ការបើកបរបញ្ច្រាស់ទិសគឺជាមូលហេតុមួយបណ្តាលឱ្យកើតមានគ្រោះថ្នាក់ចរាចរណ៍។

ករណីអ្នកបង្កគ្រោះថ្នាក់មិនមានប័ណ្ណបើកបរតាមសេចក្តីកំណត់។ ក្នុងស្ថានភាពប្រើប្រាស់គ្រឿងស្រវឹងស្រាបៀ ដោយក្នុងឈាមឬខ្យល់ដង្ហើមមានជាតិអាល់កុលលើសពីកម្រិតដែលបានកំណត់ ឬប្រើប្រាស់គ្រឿងញៀន ឬសារធាតុរំញោចខ្លាំងឯទៀតដែលច្បាប់ហាមឃាត់។ បង្កគ្រោះថ្នាក់ ហើយរត់គេចខ្លួនដើម្បីចៀសវាងការទទួលខុសត្រូវឬមានចេតនាមិនជួយជនរងគ្រោះ។ មិនគោរពបទបញ្ជារបស់សមត្ថកិច្ចប្រតិបត្តិការ ឬអ្នកណែនាំចរាចរណ៍។ ធ្វើឱ្យស្លាប់មនុស្ស ២ នាក់; ធ្វើឱ្យមានរបួសឬប៉ះពាល់ដល់សុខភាពមនុស្ស ២ នាក់ ដោយអត្រារបួសលើមនុស្សម្នាក់ៗពី ៦១% ឡើងទៅ។ បង្កឱ្យមានរបួសឬប៉ះពាល់ដល់សុខភាពមនុស្សពី ៣ នាក់ឡើងទៅដោយអត្រារងរបួសសរុបនៃអ្នកទាំងនេះពី ១២២% ទៅ ២០០%; បង្កឱ្យខូចខាតទ្រព្យសម្បត្តិពី ៥០០ លានដុងដល់ក្រោម ១,៥ ពាន់លានដុង នឹងត្រូវពិន័យជាប់ពន្ធនាគារពី ៣ ឆ្នាំទៅ ១០ ឆ្នាំ។

ក្រៅពីនេះ អ្នកបង្កគ្រោះថ្នាក់នឹងត្រូវផ្តន្ទាទោស ដាក់ពន្ធនាគារពី ៧ ទៅ ១៥ ឆ្នាំ ពីបទបណ្តាលឱ្យស្លាប់មនុស្ស ៣ នាក់ឡើងទៅ។ បង្កឱ្យមានរបួសឬប៉ះពាល់ដល់សុខភាពមនុស្ស ៣ នាក់ ដោយអត្រារបួសនៃមនុស្សម្នាក់ពី ៦១% ឡើងទៅ។ បង្កឱ្យមានរបួសឬប៉ះពាល់ដល់សុខភាពមនុស្សពី ៣ នាក់ឡើងទៅ ដោយអត្រារបួសសរុបនៃមនុស្សទាំងនេះពី ២០១% ឡើងទៅ។ បង្កការខូចខាតទ្រព្យសម្បត្តិពី ១,៥ ពាន់លានដុងឡើងទៅ។

អ្នកចូលរួមចរាចរផ្លូវគោក ដែលប្រព្រឹត្តល្មើសបទបញ្ញត្តិអំពីសុវត្ថិភាពចរាចរណ៍ផ្លូវគោក ធ្វើឱ្យរបួសឬប៉ះពាល់ដល់សុខភាពមនុស្សម្នាក់ ដោយអត្រារបួសពី ៣១% ទៅ ៦០% ឬបង្កឱ្យរបួសឬបង្កឱ្យប៉ះពាល់ដល់សុខភាពមនុស្សពី ២ នាក់ឡើងទៅ ដោយអត្រារបួសសរុបនៃមនុស្សទាំងនេះពី ៣១% ទៅ ៦០% ត្រូវពិន័យជាទឹកប្រាក់ពី ៣០ លានដុងទៅ ១០០ លានដុង ឬត្រូវពិន័យអប់រំកែកំហុសមិនដាក់ពន្ធនាគាររហូតដល់ទៅ ៣ ឆ្នាំ៕

ចែករំលែកអត្ថបទ

ពាក្យគន្លឹះ