គោលនយោបាយ -ការរស់នៅ ច្បាប់

12/10/2020 - 16:29

ផ្សព្វផ្សាយអប់រំច្បាប់ដល់ជនរួមជាតិភាគតិចនៅខេត្តហូវយ៉ាង

នៅស្រុកឡុងមី ខេត្តហូវយ៉ាង នាយកដ្ឋាននីតិកម្ម និងនាយកដ្ឋានភូមិភាគ III (គណៈកម្មាធិការជនជាតិ) បានដឹកនាំ សហការជាមួយនឹងគណៈជនជាតិខេត្តហូវយ៉ាង រៀបចំសន្និសីទផ្សព្វផ្សាយអប់រំច្បាប់ដល់អ្នកតំណាងជាកម្មាភិបាលបម្រើការងារជនជាតិ លេខាសាខាបក្ស ប្រធានភូមិ អ្នកមុខអ្នកការសាសនា ព្រះសង្ឃនិងអ្នកមានប្រជាប្រិយក្នុងសហគមន៍ជនជាតិលើភូមិសាស្រ្តស្រុកប្រមាណ ១០០ អង្គ និងរូប។

ទិដ្ឋភាពនៃអង្គសន្និសីទ។

នៅក្នុងអង្គសន្និសីទ អ្នកតំណាងចូលរួមបានស្តាប់វាគ្មិនច្បាប់នៃនាយកដ្ឋាននីតិកម្មនិងភូមិភាគ ឧទ្ទេសនាមពីខ្លឹមសារមូលដ្ឋាននៃច្បាប់អាពាហ៍ពិពាហ៍និងគ្រួសារ ច្បាប់សមភាពយេនឌ័រ ច្បាប់បង្ការប្រឆាំងអំពើហិង្សាគ្រួសារ ច្បាប់បរិហារនិងគោលនយោបាយជនជាតិជាធរមាន ដូចជាសេចក្តីសម្រេចចិត្តលេខ ៨៨/២០១៩/QH១៤របស់រដ្ឋសភា ផ្តល់សច្ចានុម័តិលើគម្រោងចម្រុះអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនិងតំបន់ភ្នំ ដំណាក់កាល ២០២១-២០៣០ សេចក្តីសម្រេចចិត្តលេខ ១២០/២០២០/QH១៤ ផ្តល់សច្ចានុម័តិគោលការណ៍វិនិយោគកម្មវិធី ទិសដៅជាតិអភិវឌ្ឍសេដ្ឋកិច្ច-សង្គម តំបន់ជនរួមជាតិភាគតិចនិងតំបន់ភ្នំ ដំណាក់កាល២០២១-២០៣០ អនុក្រឹត្យលេខ ០៥/២០១១/NĐ-CPរបស់រដ្ឋាភិបាលស្តីពីការងារជនជាតិ ។ល។ ក្រៅពីនោះ គណៈកម្មាធិការជនជាតិ បានឧទ្ទេសនាមនិងផ្ដល់ជូនសៀវភៅបង្កាន់ដៃផ្សព្វផ្សាយកាត់បន្ថយភាពក្រីក្រ ជូនព័ត៌មានអំពីតំបន់ជនជាតិភាគតិចនិងតំបន់ភ្នំ ដល់អ្នកតំណាង ដែលចូលរួម។

ឆ្លងតាមរយៈសន្និសីទនេះ សំដៅផ្សព្វផ្សាយអប់រំច្បាប់ គោលនយោបាយជនជាតិដល់មណ្ឌលតាំងទីលំនៅ គ្រួសារប្រជាជន រួមចំណែកយ៉ាងសកម្មក្នុងការងារផ្សព្វផ្សាយ ចលនាជនរួមជាតិភាគតិចអនុវត្តល្អសេចក្តីកំណត់របស់ច្បាប់ដែលជាប់ពាក់ព័ន្ធ និងគោលនយោបាយជនជាតិកំពុងអនុវត្តលើភូមិសាស្រ្ត៕

យោង៖ https://baodantoc.vn-មុនី

ចែករំលែកអត្ថបទ

ពាក្យគន្លឹះ