គោលនយោបាយ -ការរស់នៅ គោលនយោបាយ

12/10/2020 - 16:29

ចាប់ពីថ្ងៃទី ១ ខែវិច្ឆិកាលែងមានការរិះគន់សិស្សក្នុងថ្នាក់និងសាលារៀន

យោងតាមសរាចរលេខ ៣២/២០២០/TT-BGDĐT របស់ក្រសួងអប់រំនិងបណ្ដុះបណ្ដាលទើបប្រកាសឱ្យប្រើចាប់ពីថ្ងៃ ០១/១១/២០២០ មិនត្រូវពិន័យសិស្សដែលប្រព្រឹត្តខុសឆ្គងក្នុងម៉ោងរៀន ហាត់ពត់ ដោយការរិះគន់សិស្សក្នុងថ្នាក់ ក្នុងសាលារៀន ។

រូបថតជានិមិត្តរូប។

នេះជាខ្លឹមសារថ្មីគួរឱ្យកត់ចំណាំត្រង់លក្ខន្តិកៈនៃសាលាអនុវិទ្យាល័យ វិទ្យាល័យ និងសាលាបើកបណ្តុះបណ្ដាលច្រើនកម្រិត ត្រូវបានប្រកាសឱ្យប្រើអមដោយសារាចរលេខ ៣២/២០២០/ TT-BGDĐT ជំនួសឱ្យសារាចរលេខ ១២/២០១១/TT-BGDĐT។

សព្វថ្ងៃ យោងតាមសារាចរលេខ ១២/២០១១/TT-BGDĐT គឺសិស្សដែលប្រព្រឹត្តខុសឆ្គងក្នុងម៉ោងរៀន ហាត់ពត់អាចមានសិទ្ធិដាស់តឿនទូន្មាន ឬពិន័យទៅតាមរូបភាព ដូចជា៖ រិះគន់ចំពោះមុខសិស្សក្នុងថ្នាក់ ក្នុងសាលារៀន; ស្ដីប្រដៅនិងផ្ដល់ដំណឹងដល់គ្រួសារ; ព្រមានដោយលាយលក្ខណ៍អក្សរក្នុងសិក្ខាគារិក; តម្រូវឱ្យឈប់រៀនមានពេលកំណត់។

ប៉ុន្តែត្រង់សារាចរលេខ ៣២/២០២០/TT-BGDĐT ថ្មី គឺសិស្សដែលប្រព្រឹត្តខុសឆ្គងក្នុងម៉ោងរៀន ហាត់ពត់ នឹងត្រូវបានអប់រំ ឬពិន័យទៅតាមរូបភាពដូចខាងក្រោម៖

- ក្រើនរំលឹក ជួយដោយផ្ទាល់ដើម្បីសិស្សកែលែងប្រព្រឹត្តខុសឆ្គង។

- ដាស់តឿន ផ្ដល់ដំណឹងដល់អាណាព្យាបាលសិស្ស សំដៅសហការជួយឱ្យសិស្សកែ លែងប្រព្រឹត្តខុសឆ្គង។

-ផ្អាកការរៀននៅសាលាមានពេលកំណត់ និងអនុវត្តវិធានការអប់រំផ្សេងៗទៀត ទៅតាមសេចក្ដីកំណត់របស់ក្រសួងអប់រំនិងបណ្តុះបណ្ដាល។

ហេតុនេះ សារាចរលេខ ៣២ គឺចោលរូបភាពពិន័យ “រិះគន់សិស្សក្នុងថ្នាក់ ក្នុងសាលារៀន” និងបំពេញបន្ថែមរូបភាពពិន័យដោយការរំលឹកដាស់តឿនជួយដោយផ្ទាល់ចំពោះសិស្សដែលប្រព្រឹត្តខុសឆ្គង នឹងរួមចំណែកញុាំងឱ្យសិស្សកាន់តែជិតស្និទ្ធជាមួយគ្រូបង្រៀនសាលារៀន; ផ្ដើមពីនោះ ប្អូនៗឆាប់មានភាពជឿនលឿន ជម្នះរាល់កំហុសឆ្គង ហើយលុះក្នុងដំបូន្មានថែមទៀត។

ការដែលលុបចោលសេចក្ដីកំណត់ពិន័យសិស្សដោយរូបភាពរិះគន់សិស្សក្នុងថ្នាក់ ក្នុងសាលារៀន អាចចៀសវាងស្ថានភាពសិស្សមានការខ្មាសអៀន អាម៉ាស់មុខចំពោះមិត្តភក្ដិក្នុងថ្នាក់ ក្នុងសាលា ខណៈពេលត្រូវរិះគន់ ជាហេតុបណ្តាលឱ្យមានទង្វើមិនល្អ ដូចជាស្អប់ខឹងលោកគ្រូអ្នកគ្រូ គេចវេះមិត្តភក្ដិ បោះបង់ការរៀនសូត្រ។ល។

តាមសេចក្ដីកំណត់ថ្មី៖ សិស្សអនុវិទ្យាល័យ វិទ្យាល័យមិនត្រូវរៀនចាំថ្នាក់លើសពី ៣ ដងក្នុងមួយកម្រិតសិក្សា (សេចក្ដីកំណត់ជាធរមាន អនុញ្ញាតសិស្សរៀនធ្លាក់មិនលើសពី ២ ដងក្នុងមួយកម្រិតសិក្សា)។

ទន្ទឹមនឹងនោះ សិស្សអាចប្រើប្រាស់ទូរស័ព្ទដៃ ឧបករណ៍ផ្សេងៗ ខណៈពេលកំពុងរៀនក្នុងថ្នាក់ដើម្បីបម្រើការរៀនសូត្រ ប្រសិនបើគ្រូបង្រៀនអនុញ្ញាត (សេចក្ដីកំណត់ជាធរមាន គឺមិនអនុញ្ញាតឱ្យសិស្សប្រើប្រាស់ទូរស័ព្ទដៃ ម៉ាស៊ីនស្ដាប់ចម្រៀងក្នុងម៉ោងរៀន)។

សារាចរលេខ ៣២ មានសុពលភាពចាប់ពីថ្ងៃ ១/១១/២០២០ ៕

តាមកាសែតអេឡិកត្រូនិករដ្ឋាភិបាល- ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ