កីឡា - ទេសចរណ៍ ទេសចរណ៍

14/09/2020 - 09:27

ក្រុងអេកូផុងដៀង

លោកង្វៀនត្រុងង៉ៀ ប្រធានគណៈកម្មាធិការប្រជាជនស្រុកផុងដៀង បានផ្តល់ព័ត៌មានថា ទន្ទឹមនឹងការកសាង ផុងដៀងក្លាយជាស្រុកជនបទថ្មីបង្កើនកម្រិតទូទាំងស្រុកកំពុងជំរុញល្បឿនដើម្បីផុងដៀងក្លាយជា”ក្រុងអេកូ”។

មណ្ឌលសមាធិទ្រុកឡឹមភឿងណាម ជាកន្លែងទេសចរណ៍ត្រូវបានភ្ញៀវទេសចរជ្រើសមកកម្សាន្តច្រើនបំផុត។

តាមប្រសាសន៍លោកង៉ៀផុងដៀងមានភាពងាយស្រួលក្នុងការកសាង “ក្រុងអេកូ” ពេលគណៈកម្មាធិការប្រជាជនក្រុងកឹងធើ ចេញសេចក្តីសម្រេចលេខ ១៣៩៤ /QĐ-UBND ស្តីពីលក្ខឋានចំពោះក្រុងអេកូផុងដៀង រួមមាន ១៥ លក្ខឋានជាក់ស្តែងនិងលម្អិត។ លក្ខឋានស្តីពីក្រុងអេកូផុងដៀង បានគួបផ្សំនឹងលក្ខឋានកសាងជនបទថ្មីបង្កើនកម្រិតជំរុញឱ្យផុងដៀងសម្រេចល្បឿនក្លាយជាក្រុងអេកូភ្លឺ - បៃតង - ជ្រះ - ស្អាត - សុវត្ថិភាព។ ពេលសម្រេចបានលក្ខឋាន ដូចពោលខាងលើ ផុងដៀងនឹងក្លាយជា “ខ្សែក្រវាត់បៃតង” “ទងសួតបៃតង” ពិតប្រាកដ និងជាកន្លែងអេកូទេសចរណ៍ទាក់ទាញអារម្មណ៍ភ្ញៀវទេសចរ។

រួមដំណើរជាមួយរដ្ឋអំណាចក្នុងការកសាងផុងដៀង ក្លាយជាមណ្ឌលអេកូទេសចរណ៍ដ៏ទាក់ទាញ គឺប្រជាជនភូមិភាគចូលចិត្តធ្វើសេវាកម្មទេសចរណ៍។ មណ្ឌលអេកូទេសចរណ៍បានលេចឡើងជារូបរាងនិងអភិវឌ្ឍក្លាយជាមណ្ឌលដ៏ល្បីឈ្មោះ ដូច៖ ចម្ការផ្លែឈើយ៉ាវយឿង មណ្ឌលទេសចរណ៍មីខាញ់ ចម្ការផ្លែឈើវ៉ាមសាង និងថ្មីៗនេះមានចម្ការផ្លែឈើចិញហ៊ុង មណ្ឌលទេសចរណ៍អ៊ុងដេ មណ្ឌលទេសចរណ៍លុងត្រាម។ល។ អាស្រ័យអ្នកស្រុកទាញយកផលចម្ការផ្លែឈើរបស់គ្រួសារ ហើយកសិករចូលចិត្តធ្វើសេវាកម្មទេសចរណ៍កើនឡើងជាលំដាប់។ បងលីវ៉ាន់ថាញ់ គ្រូបង្រៀនសាលាអនុវិទ្យាល័យត្រឿងឡុង ស្រុកផុងដៀង ឱ្យដឹង៖ “ផ្ទះខ្ញុំនៅក្បែរផ្លូវពីមជ្ឈមណ្ឌលស្រុកទៅឃុំត្រឿងឡុង មណ្ឌលកេរដំណែលជ័យជម្នះអ៊ុងហាវ បត់ទៅផ្លូវបូងតុង-ម៉ោកង៉ាង ម៉្លោះហើយរថយន្តងាយស្រួលចេញចូល។ ពីមុន ខ្ញុំមានចម្ការផ្ញៀវខៀវ ប៉ុន្តែចំណូលមិនខ្ពស់។ រដូវផ្លែផ្ញៀវម្តងៗ អ្នកដំណើរតែងឆៀងចូលសុំថតរូប ទើបខ្ញុំគិតដល់ការកែប្រែចម្ការ ស្វែងរកនិងដាំប្រភេទឈើហូបផ្លែណាផ្តល់ផលខួបឆ្នាំ ដើម្បីទាក់ទាញភ្ញៀវទេសចរមកកម្សាន្តចម្ការ ផ្លែឈើនិងថតរូប។ បើសិនគ្មានអ្វីប្រែប្រួល ចម្ការទេសចរណ៍ខ្នាតតូចជាង ៣ កុងដីរបស់ខ្ញុំ នឹងបើកទ្វារទទួលភ្ញៀវនៅឆ្នាំក្រោយ”។

ក្លាយជាក្រុងអេកូ អ្នកស្រុកផុងដៀងមិនត្រឹមតែរស់នៅសប្បាយរីករាយក្នុងបរិយាកាសធម្មជាតិប៉ុណ្ណោះទេ នៅទាំងមានប្រាក់ចំណូលលំនឹង អាស្រ័យការធ្វើទេសចរណ៍និងសេវាកម្មផ្សេងៗទៀត ផង៕

ហាថាញ់-មុនី

ចែករំលែកអត្ថបទ

ពាក្យគន្លឹះ