មហាសាមគ្គីជនជាតិ គំរូក្នុងសហគមន៍

27/07/2020 - 16:11

ជានិច្ចកាលនឹកគុណវីរសមណៈ៤ព្រះអង្គ

មណ្ឌលកេរដំណែលប្រវត្តិសាស្រ្តចេតិយគូឡា ស្រុកចូវថាញ់ ខេត្តគៀងយ៉ាង គឺទីឧត្តុង្គឧត្តមសម្រាប់នឹកគុណវីរសមណៈខ្មែរ ៤ ព្រះអង្គ បានបូជាជីវិតដើម្បីសាសនានិងជនជាតិ នៅថ្ងៃ ១០/៦/១៩៧៤។ ប្រជាជនភូមិភាគតែងហៅដោយការគោរពថា បូជនីយដ្ឋានវីរសមណៈ ៤ ព្រះអង្គ។

សំណង់ចេតិយវីរសមណៈ៤ ព្រះអង្គនៅគៀងយ៉ាង។

ព្រះឧបជ្ឈាយ៍ យ័ញឡឹង អនុប្រធានសមាគមព្រះសង្ឃសាមគ្គីស្នេហាជាតិស្រុកចូវថាញ់ បានរំលឹកឡើងវិញពីប្រវត្តិវីរសមណៈ ៤ ព្រះអង្គ៖ ឡឹមហ៊ុង យ័ញហយ យ័ញតឹប យ័ញហម។ ព្រះតេជព្រះគុណទាំងអស់អង្គនេះ គឺជាព្រះសង្ឃឆ្នើម ឆាកជីវិតផ្សារភ្ជាប់សាសនានិងជនជាតិ បានស្ដែងឡើងពីប្រវេណីស្នេហាជាតិ អង់អាចក្លាហានចំពោះប្រវត្តិសាស្រ្តពុទ្ធសាសនាវៀតណាមក្នុងសតវត្សរ៍ទី ២០ ជាក់ស្ដែងគឺដំណាក់កាលប្រឆាំងអាមេរិកសង្រ្គោះជាតិ។

នោះគឺព្រះតេជព្រះគុណយ័ញហយ ប្រសូតឆ្នាំ ១៩៥១ នៅភូមិសាលីម ឃុំប៊ិញអាង។ ព្រះតេជព្រះគុណយ័ញហម ប្រសូតឆ្នាំ ១៩៥០ នៅភូមិថាញ់ឡើយ សព្វថ្ងៃជាភូមិសាសៀម ឃុំមិញហ្វា។ ព្រះតេជព្រះគុណយ័ញតឹប ប្រសូតឆ្នាំ ១៩៤១ នៅឃុំប៊ិញអាង។ ព្រះតេជព្រះគុណឡឹមហុង ប្រសូតឆ្នាំ ១៩៤៧ នៅភូមិវិញដាំង ឃុំវិញហ្វាហ៊ីប។ វីរសមណៈ៤ព្រះអង្គ រួមស្រុកកំណើតតែមួយនោះគឺស្រុកចូវថាញ់ ខេត្តគៀងយ៉ាង។

ព្រះសង្ឃ ៤ ព្រះអង្គ បានចូលរួមក្នុងសមាគមព្រះសង្ឃ សាមគ្គីស្នេហាជាតិស្រុកចូវថាញ់ ដឹកនាំដោយព្រះតេជព្រះគុណ យ័ញម៉ៃ វត្តសិរីវង្សាសាសៀមថ្មី ជាប្រធានសមាគម។ ព្រះសង្ឃបានរួមគ្នាទទួលភារកិច្ចគឺចូលរួមអង្គការដឹកនាំក្បួនបាតុកម្មនៅខ័ណ្ឌកៀងថាញ់។

ព្រះតេជព្រះគុណ យ័ញតារាស៊ីផា គង់នៅវត្តឃ្លាំងមឿង មានថេរដីកា៖ អាត្មាភាពបានឮព្រះសង្ឃដែលធ្លាប់ចូលរួមក្នុងក្បួនបាតុកម្ម នោះប្រាប់មកថា៖ ខណៈពេលឃើញក្បួនបាតុកម្មមានការតស៊ូប្តូរផ្ដាច់ ពួកទាហានអាយ៉ងបានបាញ់រះលើក្បួនបាតុកម្ម។ ព្រះសង្ឃ ៤ ព្រះអង្គទោះបីរងរបួសដោយគ្រាប់កាំភ្លើង ប៉ុន្តែនៅតែស្រែកហ៊ោឡើង “ត្រូវឈានឡើង” “ព្រះសង្ឃយើងឈានឡើង ត្រូវឈានឡើង ! ។ល។”។

ឆ្នាំ ១៩៧៦ រដ្ឋបានកសាងចេតិយវីរសមណៈ ៤ ព្រះអង្គ ដើម្បីរំលឹកនូវគំរូពលីដ៏អង់អាចរបស់ព្រះសង្ឃនិងជនរួមជាតិ ក្នុងការប្រឆាំងសង្រ្គាមអស់កាលយូររបស់ប្រជាជាតិ។ រហូតដល់ឆ្នាំ ១៩៩០ កេរដំណែលប្រវត្តិសាស្រ្តចេតិយគូឡា ត្រូវបានទទួលស្គាល់ជាកេរដំណែលប្រវត្តិសាស្រ្តថ្នាក់ជាតិ៕

ហាថាញ់ - ថាច់ធី

ចែករំលែកអត្ថបទ

ពាក្យគន្លឹះ