គោលនយោបាយ -ការរស់នៅ គោលនយោបាយ

06/07/2020 - 15:23

ពូថាច់សុខ បង្វែរផ្ទៃដីដាំអំពៅមកដាំទំពាំងបារាំង

ឆ្នាំ២០១៥ សង្កេតឃើញការដាំអំពៅចំណាយដើមទុនច្រើន ហើយមិនសូវមានប្រសិទ្ធភាព ម្ល៉ោះហើយពូថាច់សុខ នៅភូមិជ្រៃធំ ឃុំង៉ាយស្វៀង ស្រុកថ្កូវ ខេត្តត្រាវិញ ប្ដេជ្ញាបង្វែរផ្ទៃដីដាំអំពៅ៣កុងកន្លះ មកដាំដំណាំរួមផ្សំវិញ។ គាត់ដាំប្រភេទដំណាំមានតម្លៃសេដ្ឋកិច្ចខ្ពស់ ដូចជា៖ ទំពាំងបារាំង និងប្រភេទបន្លែបង្ការផ្សេងៗទៀត។ល។ នាំមកនូវប្រាក់ ចំណូលខ្ពស់ជូនគ្រួសារ។

ពូថាច់សុខ កំពុងថែទាំកូនទំពាំងបារាំង។

ពូថាច់សុខ ឱ្យដឹង៖ “ឆ្នាំ២០១៨ ខ្ញុំបង្វែរមកដាំទំពាំងបារាំងបានជាង១.០០០ដើម។ អាស្រ័យប្រើប្រាស់ជីលាមកគោ គួបផ្សំនឹងផ្អាប់កាកអំពៅដើម្បីធ្វើជាជីសរីរាង្គក្នុងការដាំទំពាំងបារាំង ម្ល៉ោះហើយក្រោយរយៈពេលដាំពី៨ដល់១០ខែ អាចប្រមូលផលទំពាំង។ ដំណាក់កាលដំបូងផ្តល់ផលបានពី៤ដល់៥គីឡូក្រាម/ថ្ងៃ។ ក្រោយៗមក ទិន្នផលលំនឹង មធ្យមភាគពី១០គីឡូក្រាមក្នុងមួយថ្ងៃ នៅលើផ្ទៃដី៣កុងកន្លះ។ បច្ចុប្បន្ន ឈ្មួញនៅទីក្រុងហូជីមិញ មកកក់ទិញដោយតម្លៃ៥០.០០០ដុង/គីឡូក្រាម សម្រាប់ផ្គត់ផ្គង់ដល់ភោជនីយដ្ឋាន និងផ្សារទំនើប”។

ផលិតផលទំពាំងបារាំងដាំតាមបែបធម្មជាតិ (ប្រើជីសរីរាង្គនិងជីអតិសុខុមប្រាណ) កំពុងបានឈ្មួញមកកក់ទិញយ៉ាងច្រើន មានច្រកចេញលំនឹង។ ពូថាច់សុខ គឺជាអ្នក “ឈានមុខ” ដាំទំពាំងបារាំងនៅលើដីដាំអំពៅនៅឃុំង៉ាយស្វៀង បើកចេញនូវទិសដៅថ្មីដល់តំបន់ដាំអំពៅមិនសូវមានប្រសិទ្ធភាព។ ដើម្បីកាត់បន្ថយចំណាយដើមទុនទិញកូនពូជ អ្នកដាំទំពាំងបារាំងបានជ្រើសយកការបណ្តុះកូនពូជទំពាំងបារាំងនៅនឹងផ្ទះដោយខ្លួនឯង។ តាមប្រសាសន៍ពូថាច់សុខ បច្ចុប្បន្នតម្លៃកូនពូជប្រមាណ១៥.០០០ដុង/ដើម គ្រួសារគាត់បានទិញគ្រាប់ពូជមកពីដាឡាក (ប្រមាណ២ លានដុង) យកមកបណ្ដុះបានជាង៤.០០០ដើម។ បណ្តុះក្នុងរយៈពេលប្រមាណ២ខែ ក្រោយពីទូទាត់ថ្លៃឈ្នួលកម្មករ និងសង់រោងបណ្ដុះកូនពូជ។ល។ តម្លៃកូនពូជប្រមាណ៤.០០០ដុង/ដើម។ ប្រសិនបើផ្គត់ផ្គង់ក្នុងក្រុមចងសម្ព័ន្ធដាំទំពាំងបារាំង ឃើញថាកាត់ បន្ថយតម្លៃកូនពូជបានប្រមាណ៨០%ឯណោះ។

អ្នកស្រីថាច់ធីហុងវឹង លេខាសាខាបក្សភូមិជ្រៃធំ បញ្ជាក់ឱ្យដឹង៖ “នេះជាទម្រង់ផលិតមានប្រសិទ្ធភាពរបស់ភូមិ ពូថាច់សុខ បានចលនា និងណែនាំរបៀបដាំដំណាំដល់គ្រួសារជាច្រើនដែលបង្វែរពីដាំអំពៅមកដាំទំពាំងបារាំង”៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ