 |
| លេខាបក្សក្រុងកឹងធើ សមមិត្ត ត្រឹងក្វឹកទ្រុង។ រូបថតៈ គឹមស្វឹង |
ក្នុងអំឡុងពេលគណៈកម្មាធិការបក្សក្រុងកឹងធើ កំពុងសកម្មត្រៀមរៀបចំមហាសន្និបាតបូកសរុប១៥ ឆ្នាំ អនុវត្តសេចក្តីសម្រេចលេខ៤៥ (*); ដឹកនាំ ចង្អុលការ រៀបចំមហាសន្និបាតបក្ខភាគគ្រប់លំដាប់ថ្នាក់ ឆ្ពោះទៅមហាសន្និបាតបក្សលើកទីXIII… ថ្វីត្បិតដូច្នោះ សមមិត្ត ត្រឹងក្វឹកទ្រុង សមាជិកមជ្ឈិមបក្ស លេខាបក្សក្រុងកឹងធើ នៅតែឆ្លៀតពេលដើម្បីចែករំលែកជាមួយកាសែតកឹងធើភាសាខ្មែរ អំពីសមិទ្ធ ផលរួមរបស់ក្រុង ក៏ដូចជាសម្ដែងនូវចំណាប់អារម្មណ៍របស់ក្រុងចំពោះជនជាតិភាគតិច ក្នុងនោះ មានជនរួមជាតិខ្មែរស្របក្នុងឱកាសបុណ្យចូលឆ្នាំថ្មីប្រពៃណីរបស់ជនរួមជាតិខ្មែរ។
សមមិត្ត លេខាបក្សក្រុងកឹងធើ ចែករំលែក៖
រយៈពេលកន្លង ឋិតក្នុងបរិបទនៃការលំបាកនិងបញ្ហាប្រឈមជាច្រើន ប៉ុន្ដែដោយផ្តោតការយកចិត្តទុកដាក់ ចង្អុលការយ៉ាងពិសេសរបស់មជ្ឈិមបក្ស រដ្ឋសភា រដ្ឋាភិបាល និងក្រសួង គណៈ ផ្នែកមជ្ឈិម ជាមួយនឹងការប្តេជ្ញានយោបាយខ្ពស់ ការផ្ដុំកម្លាំងដឹកនាំទាន់ពេលវេលារបស់គណៈកម្មាធិការបក្សក្រុង។ ការគ្រប់គ្រង ចាត់ចែងប្រកបដោយប្រសិទ្ធភាពរបស់រដ្ឋអំណាចគ្រប់លំដាប់ថ្នាក់។ បក្ខភាគ រដ្ឋអំណាច និងប្រជាជនក្រុងកឹងធើ បានសាមគ្គី ខិតខំប្រឹងប្រែង ពង្រីកល្អប្រភពធនធានមនុស្ស ជម្នះលំបាក រៀបចំអនុវត្តការងារទាំងឡាយ សម្រេចបានលទ្ធផលសំខាន់ៗ ស្ទើរតែគ្រប់វិស័យ។
ពិសេស ក្នុងរយៈកាល១៥ឆ្នាំ អនុវត្តសេចក្ដីសម្រេចចិត្តលេខ៤៥ សេដ្ឋកិច្ច - សង្គម ទីក្រុងមានជំហានរីកចម្រើនយ៉ាងខ្លាំង។ សមត្ថភាព ប្រកួតប្រជែងរបស់ទីក្រុងនិងអាជីវកម្មបានកែលម្អ ។ កិច្ចសប្រតិបត្តិការ ចងសម្ព័ន្ធសេដ្ឋកិច្ចក្នុងនិងក្រៅប្រទេសត្រូវបានបង្កើនការបើកចំហសេដ្ឋកិច្ចកាន់តែទូលំទូលាយ។ ការកៀរគរប្រភពធនធានសម្រាប់វិនិយោគអភិវឌ្ឍន៍មានការវិវត្តន៍ជាវិជ្ជមាន។ ប្រព័ន្ធហេដ្ឋារចនាសម្ព័ន្ធសេដ្ឋកិច្ចសង្គម បានវិនិយោគព្រមៗគ្នា ។ អភិវឌ្ឍន៍សេដ្ឋកិច្ចដើរទន្ទឹមនឹងអភិវឌ្ឍន៍វប្បធម៌សង្គម និងការការពារបរិស្ថាន។ ជីវភាពសម្ភារៈ ស្មារតីរបស់ប្រជាជនត្រូវបានលើកស្ទួយដោយឥតឈប់ឈរ។
អាចបញ្ជាក់បានថា ដើម្បីទទួលបាននូវសមិទ្ធផលដូចបានពោល គឺមានការរួមចំណែកយ៉ាងសំខាន់របស់ជនរួមជាតិភាគតិចនិយាយរួម និងជនជាតិខ្មែរនិយាយដោយឡែក ដែលកំពុងរួមរស់នៅនិងធ្វើការនៅក្រុងកឹងធើ។ ។
* ជម្រាបសមមិត្ត សូមសមមិត្តមានប្រសាសន៍ អំពីការអនុវត្តគោលនយោបាយជនជាតិនៅក្រុងកឹងធើ ក្នុងរយៈពេលកន្លង?
ថ្នាក់ដឹកនាំនៃគណៈកម្មាធិការបក្សក្រុងនិងគណៈកម្មាធិការប្រជាជនក្រុងកឹងធើ ប្រគេននិងជូនអំណោយដល់តំណាងទាំងឡាយក្នុងពិធីជួបជុំអំណរបុណ្យចូលឆ្នាំថ្មី ឆ្នាំ ២០១៩ ។
- ក្រៅពីការរៀបចំអនុវត្តយ៉ាងហ្មត់ចត់ មានប្រសិទ្ធភាពនិងទាន់ពេលនូវគោលការណ៍ គោលនយោបាយជនជាតិរបស់បក្សនិងរដ្ឋ ហើយក្រុងក៏បានចែងនូវគោលនយោបាយទាំងឡាយ សម្រាប់ជំនួយដល់ជនរួមជាតិ មានដូច៖ សេចក្ដីសម្រេចចិត្តជំនួយថវិកាសិក្សាសម្រាប់សិស្ស និស្សិតជាជនជាតិភាគតិចក្រីក្រ កំពុងរៀនវិជ្ជាជីវៈនៅសាលាអនុមហាវិទ្យាល័យ មធ្យមសិក្សាជំនាញ។ល។ សេចក្ដីសម្រេចចិត្តឧបត្ថម្ភថវិកាទិញ ដីសង់ផ្ទះ ជូនជនជាតិភាគតិចក្រីក្រដែលគ្មានដីសង់ផ្ទះ។ សេចក្ដីសម្រេចចិត្តឧបត្ថម្ភទិញប័ណ្ណធានារ៉ាប់រងសុខាភិបាលជូនអ្នកមានប្រជាប្រិយ ...
ជាទូទៅ ការអនុវត្តគោលនយោបាយជនជាតិភាគតិចនៅលើភូមិសាស្រ្តក្រុងក្នុងរយៈកាលកន្លង ត្រូវបានយកចិត្តទុកដាក់ក្នុងទូទាំងប្រព័ន្ធនយោបាយ។ ក្នុងនោះ ការងារបញ្ជ្រាបគោលនយោបាយនៅភូមិភាគ និងអនុវត្តគោលការណ៍ គោលនយោបាយរបស់បក្ស ក្រឹត្យច្បាប់របស់រដ្ឋ ស្ដីពីជនជាតិ ជូនកម្មាភិបាល អ្នករដ្ឋការ ក្នុងប្រព័ន្ធនយោបាយគ្រប់លំដាប់ថ្នាក់ ត្រូវបានអនុវត្តត្រឹមត្រូវល្អ។ ផ្តើមពីនោះ បានជះឥទ្ធិពលដល់លទ្ធផលនៃការអនុវត្តកម្មវិធី និងគម្រោងសម្រាប់ជនរួមជាតិភាគតិច ជួយជនរួមជាតិមានជំហានឈានឡើងក្នុងជីវភាព ។
* ជម្រាបសមមិត្ត ទន្ទឹមនឹងលទ្ធផលរួម តើក្រុងកឹងធើសម្រេចបានលទ្ធផលសំខាន់ៗអ្វីខ្លះក្នុងការងារជនជាតិ? !
- នៅលើភូមិសាស្រ្តក្រុងកឹងធើ ជនរួមជាតិជាជនជាតិភាគតិច ក្នុងនោះមានជនរួមជាតិខ្មែរ ដែលរួមរស់នៅជាមួយគ្នាក្នុងសហគមន៍បណ្តាជនជាតិភាគតិច ទទួលប្រយោជន៍រួមអំពីមូលដ្ឋាន សម្ភារៈ ខាងផ្នែកអប់រំនិងថែទាំសុខភាព។ល។ ការថែរក្សាស្តារនិងពង្រីកអត្តសញ្ញាណវប្បធម៌ជនជាតិភាគតិច ត្រូវបានគណៈកម្មាធិការបក្ស គ្រប់លំដាប់ថ្នាក់ និងផ្នែកនានា យកចិត្តទុកដាក់ជាប្រចាំ ។ ក្នុងឱកាសបុណ្យទាន មានបុណ្យចូលឆ្នាំថ្មីរបស់ជនរួមជាតិក្រុងតែងរៀបចំគណៈប្រតិភូទៅសួរសុខទុក្ខ និងប្រសិទ្ធពរ។ល។ ឧបត្ថម្ភថវិកាសម្រាប់កសាងជួសជុល ទីតាំងគោរពបូជា ឧបត្ថម្ភកសាងជួសជុលឈាបនដ្ឋាន បោះទូក-ង ជាវភ្លេងពិណពាទ្យ។ល។ ផ្តើមពីនោះ បានផ្ដល់ទំនុកចិត្តក្នុងព្រះសង្ឃ និងជនរួមជាតិភាគតិចចំពោះបក្សនិងរដ្ឋ។
ឆ្នាំ ២០១៦ ក្រុងសម្រេចទិសដៅទាំង១០០% ខាងដីសង់ផ្ទះសម្រាប់ជនជាតិភាគតិចក្រីក្រគ្មានដីនៅ ។ សព្វថ្ងៃ ក្រុងគ្មាននៅគ្រួសារជនជាតិភាគតិចនៅផ្ទះបណ្តោះអាសន្ន។ អត្រាគ្រួសារជនជាតិភាគតិចប្រើប្រាស់អគ្គិសនីជាង៩៩%។ គ្រួសារប្រើប្រាស់ទឹកស្អាតស្របអនាម័យ៩៩% ។ល។ ការងារកាត់បន្ថយភាពក្រីក្រក្នុងជនជាតិភាគតិច បានការចាប់អារម្មណ៍ពីប្រព័ន្ធនយោបាយ។ អាស្រ័យហេតុនោះ ចំនួនគ្រួសារជនជាតិភាគតិចក្រីក្រកាត់បន្ថយពី២-៣% រាល់ឆ្នាំ។ ជាពិសេស ចំនួនជនរួមជាតិភាគតិច ចូលរួមក្នុងអង្គការនយោបាយសង្គម មួយថ្ងៃកាន់តែកើនឡើង។ កងជួរកម្មាភិបាល បក្ខជន អ្នករដ្ឋការ បុគ្គលិក ជាជនជាតិភាគតិចកាន់តែកើនឡើង។ ស្ថានភាពសន្តិសុខនយោបាយ សណ្តាប់ធ្នាប់សុវត្ថិភាពសង្គម កន្លែងដែលមានជនរួមជាតិភាគតិចរស់នៅត្រូវបានរក្សាលំនឹង។
* ជម្រាបសមមិត្ត ពេលខាងមុខគណៈកម្មាធិការបក្សក្រុង ផ្ដុំកម្លាំង ចង្អុលការអនុវត្តភារកិច្ចសំខាន់ៗណាខ្លះក្នុងការងារជនជាតិ?
គណៈកម្មាធិការបក្សក្រុងនឹងចង្អុលការដល់គណៈកម្មាធិការបក្ស រដ្ឋអំណាច និងមន្ទីរ គណៈ ផ្នែកពាក់ព័ន្ធគ្រប់លំដាប់ថ្នាក់ បន្តការផ្សព្វផ្សាយដល់កម្មាភិបាល បក្ខជន អ្នករដ្ឋការ បុគ្គលិកនិងប្រជាជន ពិសេសគឺជនជាតិភាគតិច ឱ្យបានយល់ច្បាស់ពីគោលការណ៍របស់បក្ស គោលនយោបាយនិងច្បាប់របស់រដ្ឋ ជាពិសេសច្បាប់និងគោលនយោបាយថ្មី ដែលទាក់ទងផ្ទាល់នឹងជនជាតិភាគតិច ។ ម្ចាស់ការធ្វើឱ្យទាន់ពេល បញ្ជ្រាបនូវគោលការណ៍ គោលនយោបាយរបស់បក្សនិងរដ្ឋ សំដៅលើកកម្ពស់ការយល់ដឹង និងទំនួលខុសត្រូវពីគណៈកម្មាធិការបក្ស ផ្នែក អង្គការមហាជននិងប្រជាជនគ្រប់លំដាប់ថ្នាក់ ក្នុងការអនុវត្តគោលនយោបាយជនជាតិ។ បញ្ជាក់ពីលក្ខណៈមិនងាករេនៃគោលនយោបាយជនជាតិរបស់បក្សនិងរដ្ឋយើង៖ បណ្តាជនជាតិវៀតណាមសមភាព សាមគ្គីភាព គោរពនិងជួយគ្នាដើម្បីអភិវឌ្ឍន៍រួម។
ស្របឱកាសបុណ្យចូលឆ្នាំថ្មីប្រពៃណីជាតិ ២០២០ តំណាងគណៈកម្មាធិការបក្សក្រុង ក្រុមប្រឹក្សាប្រជាជន គណៈកម្មាធិការប្រជាជននិងគណៈកម្មាធិការរណសិរ្សមាតុភូមិក្រុងកឹងធើ ខ្ញុំសូមផ្ញើនូវបិយវាចា ប្រសិទ្ធពរដល់ព្រះសង្ឃ ជនរួមជាតិ កម្មាភិបាល យុទ្ធជន បញ្ញវន្តស្នេហាជាតិ អ្នកមានកិត្យានុភាពក្នុងជនរួមជាតិខ្មែរ ឆ្នាំថ្មីប្រកបដោយសេចក្ដីសុខចម្រើន និងជោគជ័យក្នុងការងារ។ ខ្ញុំជឿជាក់ថា ជាមួយនឹងការយកចិត្តទុកដាក់របស់បក្សនិងរដ្ឋ ចំពោះជនជាតិភាគតិចនិយាយរួមជនរួមជាតិខ្មែរដែលកំពុងរស់នៅ និងធ្វើការនៅក្រុងកឹងធើនិយាយដោយឡែក នឹងបន្តលើកកម្ពស់ស្មារតីសាមគ្គី សកម្ម ច្នៃប្រតិដ្ឋ រួមកម្លាំងកសាងទីក្រុងអភិវឌ្ឍឆាប់រហ័ស និងចីរភាព។
* សូមអរគុណសមមិត្ត!
ថាញឡុង - វ៉ាន់តឹន
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
ពាក្យគន្លឹះ