កីឡា​ករ​វាយ​កូន​បាល់​អូស្រ្តាលី​ Ashleigh Barty កំ​ពុង​ឈរ​ក្បាល​តារាង​ WTA (សមាគម​កីឡា​វាយ​កូន​បាល់​អា​ជីព​ស្ត្រី​)។​ មាន​មនុស្ស​តិច​ណាស់​ដែល​នឹក​ស្មាន​មិន​ដល់​ថា​ Barty អា​ចឆ្លង​កាត់​ការ​ធ្លាក់​ទឹក​ចិត្ត​ ដើម្បី​ត្រឡប់​មក​លេង​កីឡា​វាយ​កូន​បាល់​ ហើយ​ដណ្តើម​បាន​ចំ​ណាត់​ថ្នាក់​កំ​ពូល​តាម​របៀប​ដ៏​អស្ចារ្យ​។​ តាម​ការ​ព្យា​ករណ៍​របស់​អ្នក​គាំ​ទ្រ​ភាគ​ច្រើន​ ហេតុ​ដែល​Bartyវិល​ត្រ​ឡប់​មក​រក​ភាព​ជោគ​ជ័យ​វិ​ញ គឺ​ដោយ​សារ​នាង​ស្រ​លាញ់​កីឡា​វាយ​កូន​បាល់​នេះ​ដ៏​លើ​សលុប​។​

  Barty ទទួល​ពាន​រង្វាន់​ជើង​ឯក Birmingham។​

កើត​នៅ​ក្នុង​គ្រួ​សារ​អ្នក​កីឡា​ ហេតុ​នោះ​ពេល​អា​យុ​៤​ឆ្នាំ​ Barty ក៏​"ស្រ​ឡាញ់​កូន​បាល់​"នេះ​ខ្លាំង​ណាស់​ ទោះ​ជា​ការ​កាន់​ដងវាយ​កូន​បាល់​ក៏​មាន​ការ​ពិបាក​ទៅ​ហើយ​សម្រាប់​ក្មេង​ស្រី​ដែល​មាន​មាឌ​តូច​ទាប​។​ ប៉ុន្តែ​ទេព​កោ​សល្យ​ និង​ការ​ឧស្សា​ហ៍​ហ្វឹក​ហាត់​បាន​ជំនួស​ឱ្យ​រាង​កាយ​តូច​ទាប​របស់​ក្មេង​ស្រី​នេះ​។​ Barty ប្រ​កួត​បាន​ល្អ​នៅ​ពាន​រង្វាន់​សម្រាប់​យុវ​វ័យ​។​ ពេល​អា​យុ​១​៥​ឆ្នាំ​ នាង​បាន​គ្រង​តំ​ណែង​ជើង​ឯក​ពាន​រង្វាន់​Grand Slams សម្រាប់​យុវ​វ័យ​ នៅ​លើ​ទី​លាន​ប្រ​ទេស​អង់​គ្លេស​។​ ឆាប់​ទទួល​បាន​ជោគ​ជ័យ​ក៏​ជា​សម្ពាធ​សម្រាប់​យុវ​តីមាឌ​តូច​ទាប​នេះ​ផង​ដែរ​។​

បន្ទាប់​ពីឈ្នះ​ពាន​រង្វាន់​Grand Slamsសម្រាប់​យុវ​វ័យ​មិន​យូរ​ប៉ុន្មាន​ Barty ក៏​បាន​ប្រ​កាស​លះ​លែង​ការ​ប្រ​កួត​ដោយ​សារ​មាន​ជំងឺ​ធ្លាក់​ទឹក​ចិត្ត​។​ ស្មារតី​នៃ​អត្ត​ពលិក​អា​ជីព​ ត្រូវ​បាន​នាង​អនុវត្ត​ក្នុង​ការ​ព្យា​បាល​ជំងឺ​។​ មួយ​រយៈ​ក្រោយ​មក​Barty បាន​ត្រឡប់​មក​លេង​កីឡា​វិញ ប៉ុន្តែ​នាង​បាន​ជ្រើស​រើស​កីឡា​Cricket ដើម្បី​ប្រ​កួត​ឱ្យក្លឹប​Brisbane Heat។​ លោក​Andy Richards គ្រូ​បង្វឹក​របស់​ក្លឹប​បាន​និយាយ​ថា​ ទោះ​បី​លេង​កីឡា​Cricket ប៉ុន្តែ​Bartyនៅ​តែ​មាន​រូប​រាង​ជា​កីឡា​ករ​វាយ​កូន​បាល់​ដដែល​។​ បន្ទាប់​ពីប្រ​កួត​បាន​១​ឆ្នាំ​ Barty មាន​គោ​ល​ជំហរ​រឹង​មាំ​ជា​អត្ត​ពលិក​អា​ជីព​មួយ​រូប​ ទោះ​ជា​ប្រ​កួត​ក្រុម​ឬ​ក៏​ប្រ​កួត​ទោល។​ បន្ទាប់​មក​នាង​បាន​សម្រេច​ចិត្ត​ត្រឡប់​ទៅ​លេង​កីឡា​វាយ​កូន​បាល់​អា​ជីព​វិញ។​

 Barty (ឈរ​) ពេល​នៅ​ប្រ​កួត​កីឡា​ Cricket។​

ពេល​វិល​ត្រ​ឡប់​មក​លេង​កីឡា​វាយ​កូន​បាល់​នៅ​ខែ​ឧសភា​ ឆ្នាំ​២​០​១​៦​ Bartyបាន​ចុះ​ឈ្មោះ​ចូល​រួម​ក្នុង​ការ​ប្រ​កួត​អា​ជីព​WTA Eastbourne ។​ ជា​មួយ​នឹង​ជ័យ​ជម្នះ​៦​លើក​ជាប់ៗ​គ្នា​ Bartyក៏​មាន​ឈ្មោះ​ក្នុង​តារា​ង WTA ដោយ​ឈរ​ចំ​ណាត់​ថ្នាក់​លេខ​៦​២​៣​។​ ជា​មួយ​នឹង​ចំ​ណាត់​ថ្នាក់​នេះ​ នាង​មិន​បាន​គេច​ាត់​ជា​កីឡា​ករ​ពូកែ​ដើម្បី​ចែក​ពូលនៅ​រាល់​ការ​ប្រ​កួត​ ហើយ​ត្រូវ​ប្រ​កួត​ជា​ច្រើន​នៅ​ពាន​រង្វាន់​តូច​ៗ​ដើម្បី​សន្សំ​ពិន្ទុ​ះឡើង​ចំ​ណាត់​ថ្នាក់​។​ បន្ទាប់​ពីរយៈ​ពេល​១​៤​ខែ​វិល​មក​ប្រ​កួត​កីឡា​វាយ​កូន​បាល់​ នាង​បាន​ឈ្នះ​ពាន​រង្វាន់​ WTA ដំបូង​បង្អស់​ក្នុង​ព្រឹត្តិ​ការណ៍​Malaysia Open ។​ នៅ​ឆ្នាំ​២​០​១​៩​ នាង​បាន​ឈ្នះ​ពាន់​រង្វាន់​Masters១​០​០​០​ លើក​ដំ​បូង​ នៅ​Miami Open និង​បាន​ឈ្នះ​ពាន​រង្វាន់​Grand Slams លើក​ដំ​បូង​ នៅ​French Open ។​ នៅ​ក្នុង​ការ​ប្រ​កួត​នេះ​Bartyមិន​ទាន់​បាន​គេ​ចាត់​ជា​កីឡា​ករ​ឆ្នើម​ ដើម្បី​ចែក​ពូលនៅ​ឡើយ​។​ ដល់​ចុង​ឆ្នាំ​២​០​១​៩​ Barty ទទួល​បាន​ជើង​ឯក​World Tour Finals នៅ​លើក​ដំបូង​ដែល​នាង​ចូល​រួម​។​ ក្រៅ​ពីប្រ​កួត​ទោល នាង​ក៏​ទទួល​បាន​ជើង​ឯកពេល​ប្រ​កួត​គូរ​នៅ​ព្រឹត្តិ​ការណ៍​ French Open ២០១៨និង​ប្រ​កួត​ឱ្យ​ក្រុម​ជម្រើស​ជាតិ​អូស្ត្រាលី​ចូល​ដល់​វគ្គ​ផ្តាច់​ព្រ័ត្រ​នៃ​ពាន​រង្វាន់​ Fed Cup ២០១៩ ។ល។៕​

ហាថាញ-សុផន