សន្តិសុខ - ការពារប្រទេស ការពារប្រទេស

09/03/2020 - 16:07

លើកកម្ពស់ស្មារតីភ្ញាក់រលឹកអំពីជំងឺ Covid-១៩ ក្នុងតំបន់ជនជាតិភាគតិច

ចំពោះការប្រែប្រួលយ៉ាងស្មុគស្មាញនៃការឆ្លងរាលដាលជំងឺរលាកផ្លូវដង្ហើមប្រភេទថ្មី Covid- ១៩ គណៈកម្មាធិការជនជាតិ មានវិធានការជាច្រើន ដើម្បីបង្កើនការក្តាប់ព័ត៌មានអំពីស្ថានភាពរោគឆ្លងរាលដាល ។ ទន្ទឹមនឹងនោះ ផ្សព្វផ្សាយលើកកម្ពស់ស្មារតីភ្ញាក់រលឹកដល់ជនជាតិភាគតិចពីហានិភ័យ របៀប ភារកិច្ច កាតព្វកិច្ច ផលប្រយោជន៍ក្នុងការបង្ការទប់ស្កាត់ជំងឺ Covid-១៩ ដោយរូបភាពសមស្របបំផុត។

យុទ្ធជនប៉ុស្តិ៍ការពារព្រំដែនច្រកអន្តរជាតិវិញសឿង កងទ័ពការពារព្រំដែនអាងយ៉ាង ជូនម៉ាស់ដោយឥតគិតថ្លៃដល់ប្រជាជនលើភូមិសាស្រ្ត។

តាមប្រសាសន៍អនុរដ្ឋមន្រ្តី អនុប្រធានគណៈកម្មាធិការជនជាតិ ហ្វាងធីហាញ់ ឱ្យដឹង៖ ដើម្បីទប់ស្កាត់រោគឆ្លងរាលដាលក្នុងសហគមន៍ជនជាតិភាគតិច គណៈកម្មាធិការជនជាតិ បានចេញសារលិខិតផ្ញើជូន៥៤ខេត្ត ក្រុង ដែលមានជនជាតិភាគតិចរស់នៅក្នុងទូទាំងប្រទេស ដើម្បីបង្ការ ទប់ស្កាត់ជំងឺCovid-១៩។ ឆ្លងតាមរយៈនោះ គណៈកម្មាធិការជនជាតិ បានស្នើដល់ភូមិភាគនីមួយៗ ធ្វើការណែនាំគ្រប់ជ្រុងជ្រោយពីហានិភ័យ របៀប ភារកិច្ច កាតព្វកិច្ច និងផលប្រយោជន៍របស់ជនជាតិភាគតិច ក្នុងការអនុវត្តយ៉ាងម៉ឺងម៉ាត់កិច្ចចង្អុលការរបស់នាយករដ្ឋមន្រ្តីនៃរដ្ឋាភិបាល ស្តីពីការបង្ការ ទប់ស្កាត់ជំងឺCovid-១៩ ប្រមូលអ្នកមានប្រជាប្រិយធ្វើជាប្រព័ន្ធចលនាមួយសម្រាប់ផ្សព្វផ្សាយ ពិសេសគឺតំបន់ដែលមានជនជាតិភាគតិចរស់នៅកុះករ។ ម្យ៉ាងទៀត គណៈកម្មាធិកាជនជាតិ ក៏បានប្រគល់ឱ្យគណៈជនជាតិខេត្ត សហការជាមួយគណៈ ផ្នែក ភូមិភាគត្រួតពិនិត្យ ក្តាប់ស្ថានភាពជនជាតិភាគតិចដែលចំណាកស្រុក ឆ្លងដែនទៅពលកម្ម និងវិលត្រឡប់មកវិញ អនុវត្តយ៉ាងតឹងរឹងសេចក្ដីបញ្ញត្តិរបស់មជ្ឈិម និងភូមិភាគអំពីការបង្ការ ទប់ស្កាត់ជំងឺCovid-១៩ ទន្ទឹមនឹងនោះ រាយការណ៍ជាប្រចាំអំពីស្ថានភាពនិងស្នើដំណោះស្រាយទប់ស្កាត់ និងវិនិច្ឆយឱ្យបានទាន់ពេល។ល។

“ជាមួយស្មារតី “ប្រឆាំងរោគដូចប្រឆាំងសង្គ្រាម” យើងខ្ញុំបានស្នើដល់ស្ថាប័នជនជាតិនៅភូមិភាគនីមួយៗ គប្បីធ្វើសមទិន្នព័ត៌មានរៀងរាល់ថ្ងៃអំពីស្ថានភាពប្រជាជនចំណាកស្រុក ឆ្លងដែនទៅពលកម្មប្រទេសចិន ឡាវ កម្ពុជា វិលត្រឡប់មកភូមិស្រុកវិញ ចំនួនប្រជាជនដែលរៀបចំឱ្យនៅដាច់ដោយឡែកនៅតាមមជ្ឈមណ្ឌលលើភូមិសាស្រ្ត ចំនួនប្រជាជនដែលមកពីតំបន់ផ្ទុះជំងឺ ឬបានជួបទំនាក់ទំនងនឹងអ្នកមកពីតំបន់ផ្ទុះជំងឺ ដែលបច្ចុប្បន្នកំពុងរស់នៅភូមិភាគ គប្បីពិនិត្យតាមដានសុខភាព ផ្តើមពីនោះ លើកជាសំណើដល់ភូមិភាគ ក្នុងការបង្ការ ប្រឆាំងនិងទប់ស្កាត់ជំងឺ។ល។” - លោកស្រីហាញ់ ឱ្យដឹងដូច្នេះ។

ទន្ទឹមនឹងការក្តាប់ស្ថានភាព គណៈកម្មាធិការជនជាតិ ក៏បានចេញសារាលិខិត ស្នើឱ្យបន្ថែមខ្លឹមសារនិងរយៈពេលចាក់ផ្សាយនៅរាល់កម្មវិធីភាសាជនជាតិភាគតិច ពីសំណាក់ គណៈជនជាតិ មាន(VOV4) វិទ្យុជាតិវៀតណាម នាយកដ្ឋានទូរទស្សន៍ភាសាជនជាតិ(VTV5) ទូរទស្សន៍ជាតិវៀតណាមផ្សាយជូនតំបន់ជនជាតិភាគតិច ពិសេសគឺតំបន់ជនជាតិភាគតិចជាប់ព្រំប្រទល់នឹងប្រទេសចិន អំពីខ្លឹមសារដែលពាក់ព័ន្ធដល់ការបង្ការ ទប់ស្កាត់ជំងឺCovid -១៩ តាមកិច្ចចង្អុលការរបស់នាយករដ្ឋមន្រ្តីនៃរដ្ឋាភិបាល និងសេចក្តីណែនាំបង្ការប្រឆាំងជំងឺរបស់ក្រសួងសុខាភិបាល។

“យើងខ្ញុំក៏បានចង្អុលការដល់គណៈជនជាតិភូមិភាគ សហការជាមួយស្ថាប័នសមត្ថកិច្ច ផ្គួបបញ្ចូលខ្លឹមសារផ្សព្វផ្សាយអំពីស្ថានភាពរោគ ឆ្លងរាលដាលនៅរាល់ដំណើរការផ្សាយដំណឹងផ្សេងៗ ដែលពាក់ព័ន្ធដល់តំបន់ជនជាតិភាគតិច បង្កើនការលើកយកគំរូមនុស្សល្អ ការងារល្អ លើកទឹកចិត្តជនជាតិភាគតិច អនុវត្តល្អការបង្ការ ទប់ស្កាត់ជំងឺ។ ទន្ទឹមនឹងនោះ ណែនាំជនជាតិភាគតិចពីរបៀបបង្ការ ទប់ស្កាត់ជំងឺCovid-១៩ តែមិនត្រូវបង្កភាពជ្រួលច្របល់ ហើយក៏មិនត្រូវខ្វះការប្រុងប្រយ័ត្នចំពោះរោគឆ្លងរាលដាលនោះដែរ” - លោកស្រីហ្វាងធីហាញ់ ឱ្យដឹងបន្ថែមដូច្នេះ៕

យោង៖ http://www.bienphong.com.vn -ប្រែសម្រួល៖ លីសៀ

ចែករំលែកអត្ថបទ

ពាក្យគន្លឹះ