គោលនយោបាយ -ការរស់នៅ ការរស់នៅ

02/03/2020 - 15:04

ប្រសិទ្ធភាពទម្រង់កាត់បន្ថយភាពក្រីក្រនៅភូមិក្បាលទូក

ភូមិក្បាលទូក ឃុំឡុងហ៊ីប ស្រុកថ្កូវ ខេត្តត្រាវិញ មានប្រជាជនរស់នៅ២៦៨គ្រួសារ ដោយមានមនុស្ស១.១៥៥នាក់ ក្នុងនោះ ជនរួមជាតិខ្មែរស្រូបអត្រាជាង៩០%។ ដើម្បីអនុវត្តល្អការងារកាត់បន្ថយភាពក្រីក្រ លើកកម្ពស់ជីវភាពប្រជាជន កាលពីខែមិថុនា ឆ្នាំ២០១៧ ភូមិបានបង្កើតទម្រង់ "ក្រុមស្វ័យគ្រប់គ្រងកាត់បន្ថយភាពក្រីក្រដោយចីរភាព "។

បងស្រីលឺធីសាង កំពុងថែទាំជ្រូក។

តាមប្រសាសន៍លោកថាច់គឹមសី ប្រធានគណៈកម្មាធិការរណសិរ្សមាតុភូមិវៀតណាម ឃុំឡុងហ៊ីប ក្រុមស្វ័យគ្រប់គ្រងកាត់បន្ថយភាពក្រីក្រនៅភូមិក្បាលទូកមានសមាជិក២៥រូប ក្នុងនោះ គ្រួសារក្រីក្រចំនួន៨ គ្រួសារប្រកៀកបន្ទាត់ក្រចំនួន៩ គ្រួសារចាកផុតពីភាពក្រីក្រចំនួន៥ និងសហគមន៍ចូលរួមចំនួន៣គ្រួសារ។ សមាជិកក្នុងក្រុមកំណត់យកទីតាំងនៃទីស្នាក់ការភូមិប្រជុំប្រចាំខែ ជាមួយខ្លឹមសារដូច៖ ព័ត៌មានពីព្រឹត្តិការណ៍ ក្រឹត្យច្បាប់ លទ្ធផលលេចធ្លោក្នុងសកម្មភាពរបស់ក្រុម ចែករំលែកពីទម្រង់ផលិតកម្មមានប្រសិទ្ធភាពពីភូមិភាគនានា គំរូលេចធ្លោក្នុងការអភិវឌ្ឍសេដ្ឋកិច្ចគ្រួសារ។ ពិសេស យកចិត្តទុកដាក់ដល់ការឃោសនា អប់រំ លើកកម្ពស់ស្មារតី យល់ដឹងដល់សមាជិកអំពីស្មារតីឈានឡើង ខ្នះខ្នែងពលកម្មផលិត។ លោកគឹមយ័ញធា ប្រធានក្រុមស្វ័យគ្រប់គ្រងកាត់បន្ថយភាពក្រីក្រភូមិ ឱ្យដឹង៖ "អនុវត្តតាមកិច្ចសន្យាសកម្មភាពរបស់ក្រុម រៀងរាល់ខែក្រុមបានហ៊ុនទុនបង្វិលជុំម្នាក់១០០.០០០ដុង សរុបទឹកប្រាក់បាន២,៥ លានដុង រួចហើយធ្វើការចាប់ឆ្នោតជ្រើសអ្នកទទួលប្រាក់ ដើម្បីដោះស្រាយការលំបាកចំពោះមុខ។ ឆ្លងតាមរយៈការហ៊ុនទុន ទោះបីចំនួនទឹកប្រាក់មិនច្រើនក៏ពិតម៉ែន ប៉ុន្តែសមាជិកសុទ្ធតែប្រើប្រាស់ចំគោលដៅនិងមានប្រសិទ្ធភាព។ ក្រៅពីនោះ សមាជិកក្រុមនៅទាំងរួមវិភាគទានប្រាក់មួយខែ១០.០០០ដុង បង្កើតជាមូលនិធិសម្រាប់សួរសុខទុក្ខគ្រួសារសមាជិកក្នុងក្រុមពេលមានអ្នកឈឺថ្កាត់ និងសម្រាប់ដំណើរការរួមរបស់ក្រុម។ ផ្តើមពីនោះ រួមចំណែករឹតបន្តឹងមនោសញ្ចេតនារវាងសមាជិកជាមួយគ្នា ចែករំលែកលើកទឹកចិត្តគ្នាពេលជួបលំបាក"។

ដើម្បីជួយសមាជិកមានដើមទុនបង្កបង្កើនផល មកទល់ពេលនេះ ក្រុមបានណែនាំសមាជិកជាង៤០លើកនាក់បុលទុនពីធនាគារគោលនយោបាយសង្គម ដើម្បីអភិវឌ្ឍសេដ្ឋកិច្ចគ្រួសារ។ ក្រុមមានសមាជិក១១រូប ចូលរៀនវគ្គបណ្ដុះបណ្ដាលរបរខាងបច្ចេកទេសសំណង់ និងដាំដុះ ចិញ្ចឹមសត្វ អាស្រ័យការិយាល័យការងារ-យុទ្ធជនពិការនិងសង្គមកិច្ចស្រុក សហការបើកបង្រៀននៅភូមិភាគ។ មកទល់ពេលនេះ សមាជិកក្រុមទាំង១១រូប ក្រោយពីរៀនរបរចប់ក៏មានការងារធ្វើលំនឹង។ តួយ៉ាងដូចបងស្រីលឺធីសាង ជាសមាជិកក្រុម ក្រោយពីរៀនវគ្គដាំដុះ ចិញ្ចឹមសត្វ គ្រួសារបងបានឈានឡើងចាកផុតពីភាពក្រីក្រ។ បងស្រីលឺធីសាង ឱ្យដឹង៖ "ដោយសារបានចូលរួមក្រុមស្វ័យគ្រប់គ្រងកាត់បន្ថយភាពក្រីក្រ ម្ល៉ោះហើយទើបគ្រួសារខ្ញុំបានចាកផុតពីភាពក្រីក្រ ឈានឡើងធូរធារ។ បច្ចុប្បន្ន គ្រួសារខ្ញុំមានដីស្រែ៨កុង ចិញ្ចឹមជ្រូកបាន១២ក្បាល គោ២ក្បាល និងទិញម៉ាស៊ីនហាន់ត្រកួន កំប្លោកបាន១គ្រឿងសម្រាប់ធ្វើចំណីឱ្យជ្រូក ខ្ញុំសូមថ្លែងអំណរគុណដល់សមាជិកក្នុងក្រុមស្វ័យគ្រប់គ្រងទាំងអស់ ដែលបានឧបត្ថម្ភគ្រួសារខ្ញុំ"។ ចំណែកគ្រួសារលោកយឿងថាញ់ស្វឹង កាលទើបចូលរួមសមាជិកក្រុមគឺជាគ្រួសារក្រីក្រ ផ្ទះប្រក់ស្លឹកបណ្តោះអាសន្ន ក្រោយរយៈពេលជាង២ឆ្នាំ អាស្រ័យការកំណត់ទិសរបស់ក្រុមនិងបានបុលទុនវិនិយោគអភិវឌ្ឍសេដ្ឋកិច្ចគ្រួសារ ព្រមទាំងឱ្យកូនទៅពលកម្មនៅបរទេស។ មកទល់ពេលនេះ គ្រួសារលោកបានឈានឡើងធូរធារ សង់បានផ្ទះសមរម្យ៕

ស៊ើងម៉ាល័យ-វិមាន

ចែករំលែកអត្ថបទ

ពាក្យគន្លឹះ