គោលនយោបាយ -ការរស់នៅ គោលនយោបាយ

17/02/2020 - 14:52

ប្រសិទ្ធភាពប្រភពទុនឥណទានសម្រាប់ជនជាតិភាគតិច

ជាច្រើនឆ្នាំកន្លង ប្រាក់កម្ចីអនុគ្រោះពីធនាគារគោលនយោបាយសង្គម បាននាំមកនូវប្រសិទ្ធភាពគួរឱ្យកត់សម្គាល់សម្រាប់ការអភិវឌ្ឍសេដ្ឋកិច្ច-សង្គម តំបន់ជនជាតិភាគតិចនៅខេត្តអាងយ៉ាង។

គ្រួសារបងស្រីនាងរ៉ ចាកផុតភាពក្រីក្រ អាស្រ័យដោយបានបុលទុនអាទិភាពចិញ្ចឹមគោ។

ទិញបៀង ជាស្រុកតំបន់ភ្នំព្រំដែន មានជនរួមជាតិខ្មែររស់នៅកុះករ។ ការិយាល័យទំនាក់ទំនងនៃធនាគារគោលនយោបាយសង្គមស្រុកទិញបៀង អនុវត្តការប្រគល់សិទ្ធិផ្តល់ប្រាក់កម្ចីតាមរយៈអង្គការមហាជន រួមមាន១៤កម្មវិធីឥណទានគោលនយោបាយ។ ឆ្នាំ២០១៩ ខេត្តបានបែងចែកប្រភពទុនថ្មីចំនួន៣៩.៣៧០លានដុង ផ្តល់ដើមទុនបានទាន់ពេលដល់២.៨៣១គ្រួសារ ជាមួយទឹកប្រាក់៧៩.៥៥៩លានដុង (ក្នុងនោះ មានជនជាតិភាគតិច៣៦៦គ្រួសារ ជាមួយទឹកប្រាក់ចំនួន៨.៩៣១លានដុង) ។

នាយកការិយាល័យទំនាក់ទំនងធនាគារគោលនយោបាយសង្គមស្រុកទិញបៀង លោកង្វៀនថាញ់ឡឹម បានឱ្យដឹង៖ “ដើម្បីឱ្យជនជាតិភាគតិចទទួលបានប្រាក់កម្ចី ប្រធានក្រុមសន្សំសំចៃនិងប្រាក់កម្ចី អង្គការមហាជននិងភូមិ សង្កាត់តែងផ្តល់ព័ត៌មាន និងការផ្សព្វផ្សាយក្នុងឱកាសប្រជុំប្រជាជន ជួបប្រាស្រ័យអ្នកបោះឆ្នោតនិងតាមរយៈការចែកជូនខិតប័ណ្ណ។ល។ ពីរបៀបកម្ចី សងប្រាក់ដើម និងការប្រាក់។ រៀងរាល់ឆ្នាំ ភូមិភាគតែងចាត់តាំងវគ្គបណ្តុះបណ្តាលវិជ្ជាជីវៈរយៈពេលខ្លី ដោយផ្តោតលើការចិញ្ចឹមគោ។ នៅពេលមានដើមទុនទិញគោ ពួកគាត់នឹងថែទាំត្រូវតាមបច្ចេកទេស កាត់បន្ថយគោឈឺនិងងាប់ជាដើម។ ភាគច្រើនជនរួមជាតិខ្មែរនៅក្នុងស្រុក តែងមានការយល់ដឹងពីរបៀបធ្វើសេដ្ឋកិច្ចដើម្បីចាកផុតពីភាពក្រីក្រ សងប្រាក់កម្ចីត្រូវតាមកាលកំណត់។ វៀរលែងតែករណីដែលគ្មានលទ្ធភាព ដូច៖ (គ្រួសារមានមនុស្សឈឺ ឬមានហេតុការណ៍ផ្សេងៗ) ពួកគាត់គ្មានលទ្ធភាពសងបំណុល។ ទោះយ៉ាងណាក៏ដោយ យើងខ្ញុំសហការនឹងរដ្ឋអំណាចមូលដ្ឋានបង្កលក្ខណៈជូនមាមីងក្នុងការទទួលបានប្រាក់កម្ចី ដរាបមានឯកសារត្រឹមត្រូវគឺត្រូវបានរំសាយទុន។ ផ្តើមពីនោះ ជួយមាមីងលើកកម្ពស់ប្រសិទ្ធភាពសេដ្ឋកិច្ចគ្រួសារ រួមចំណែកយ៉ាងសកម្មដើម្បីអនុវត្តសម្រេចលក្ខឋាននៃកម្មវិធីកសាងជនបទថ្មីរបស់ស្រុក” ។

យោងតាមសាខាធនាគារគោលនយោបាយសង្គមខេត្ត ការជាប់បំណុលធានាគារក្នុងជនជាតិភាគតិចលើភូមិសាស្រ្តខេត្តប្រមាណ១៨៤,៦ពាន់លានដុង ដោយមានអតិថិជន១២.១៧៨នាក់ (ស្រូបអត្រា៤៤,៨១% នៃចំនួនសរុបគ្រួសារជនជាតិភាគតិច និងស្រូបអត្រា៥,៨៦%នៃចំនួនប្រាក់កម្ចីសរុបរបស់ធនាគារគោលនយោបាយសង្គមខេត្ត) រួមមានកម្មវិធីឥទានគោលនយោបាយចំនួន១៥។ ជាលទ្ធផលចាប់ពីឆ្នាំ២០១០ ដល់ឆ្នាំ២០១៨ លើភូមិសាស្រ្តខេត្ត មានគ្រួសារចំនួន៦៦.៧៤១ បានចាកផុតពីភាពក្រីក្រ ក្នុងនោះ ជនជាតិភាគតិចមានចំនួន៧.៧៨៣គ្រួសារ កាត់បន្ថយអត្រាគ្រួសារជនជាតិភាគតិចក្រីក្រក្នុងទូទាំងខេត្តពី២៨.៥៧%ក្នុងឆ្នាំ២០១០ ដល់ចុងឆ្នាំ២០១៩ គឺនៅត្រឹមតែ១១,៧០% ។

ទន្ទឹមនឹងដំណើរការផ្តល់ប្រាក់កម្ចីបើកចំហ ប្រជាធិបតេយ្យ អ្នកខ្ចីត្រូវបានពិនិត្យបើកចំហ តាំងពីអនុសង្កាត់ និងភូមិ រួមចំណែកក្នុងការនាំដើមទុនឥទានគោលនយោបាយដល់អ្នកដែលត្រូវបានទទួល។ ភាពជោគជ័យនៃប្រភពដើមទុនអាទិភាព គឺការរួមបញ្ចូលប្រភពឥទានគោលនយោបាយជាមួយកម្មវិធី និងគម្រោងនៅមូលដ្ឋាន ដើមទុនឥទានគោលនយោបាយជាមួយនឹងកម្មវិធីទិសដៅជាតិស្តីពីការកាត់បន្ថយភាពក្រីក្រ និងដោះស្រាយការងារធ្វើ ក៏ពង្រីកបានប្រសិទ្ធភាព រួមចំណែកជួយជនរួមជាតិភាគតិចទទួលបានប្រាក់ចំណូលលំនឹង កាត់បន្ថយភាពក្រីក្រ៘ ប្រភពទុនឥទានគោលនយោបាយ ជាមួយនឹងគោលនយោបាយផ្សេងៗទៀត បានរួមចំណែកជួយឱ្យជនរួមជាតិជឿទុកចិត្តទៅលើគោលនយោបាយនានារបស់បក្សនិងរដ្ឋ។ តាំងពីនោះ ធានាបានសន្តិសុខនៅក្នុងតំបន់ដែលមានជនរួមជាតិភាគតិចរស់នៅកុះករ៕

យោងតាមៈ baoangiang.com.vn-លេងមី

ចែករំលែកអត្ថបទ

ពាក្យគន្លឹះ