កីឡា - ទេសចរណ៍ កីឡា

03/02/2020 - 16:42

ពេលណាទើបបាល់ទះនារីវៀតណាម "គ្រងតំណែងជើងឯក"?

ឆ្នាំ២០១៩ ក្រុមជម្រើសបាល់ទះនារីវៀតណាម បានធ្វើឱ្យអ្នកគាំទ្រពេញចិត្តយ៉ាងខ្លាំង ពេលប្រកួតបានជោគជ័យនៅពានរង្វាន់ទាំងពីរលើកលើទីលានផ្ទះ។ នៅកម្រិតក្រុមជម្រើសជាតិ ក្រុមទទួលបានលំដាប់ថ្នាក់លេខ២ ពានរង្វាន់ VTVCup ឆ្នាំ២០១៩។ មុននោះ ក្រុមជម្រើសជាតិU២៣វៀតណាម ក៏បានយកឈ្នះលើក្រុមជម្រើសថៃ នៅក្នុងវគ្គប្រកួតដណ្តើមចំណាត់ថ្នាក់លេខ៣ រួចគ្រងតំណែងលេខ៣ ក្នុងចំណោម១៣ក្រុម នៅពានរង្វាន់បាល់ទះនារី U២៣ អាស៊ី។

ក្រុមជម្រើសជាតិបាល់ទះនារីវៀតណាមទទួលមេដាយប្រាក់ នៅស៊ីហ្គេមលើកទី៣០។

ការឈ្នះលើក្រុមជម្រើសជាតិU២៣ថៃ បានផ្តល់ក្តីសង្ឃឹមដល់អ្នកគាំទ្រពីការផ្តួលរំលំនៃការត្រួតត្រារបស់ក្រុមជម្រើសបាល់ទះនារីថៃ។ ពីព្រោះកីឡាការិនីក្រុមជម្រើសជាតិU២៣វៀតណាម សុទ្ធសឹងជាកងកម្លាំងស្នូលរបស់ក្រុមជម្រើសជាតិនាបច្ចុប្បន្ន ដូចកីឡាការិនីដែលយើងធ្លាប់ស្គាល់៖ ត្រឹងធីថាញ់ធ្វី ឌាំងធីគឹមថាញ យឿងធីហេន ង្វៀនធីធូហ្វាយ ហ្វាងធីកេវត្រិញ ត្រឹងទូលិញ ដងធីឡឹមហ្វាញ់។ល។ ការជម្រើសកីឡាការិនីវ័យក្មេងគឺជាការចាំបាច់ និងប្រហែលជាគ្រូបង្វឹកង្វៀនត្វឹងកៀត បានរកឃើញទិសដៅសមស្របនៅពេលក្រុមប្រកួតមានប្រសិទ្ធភាពនៅពានរង្វាន់ VTV Cup ២០១៩។

ក៏ប៉ុន្តែពេលចូលរួមប្រកួតដណ្តើមពានរង្វាន់ ASEAN Grand Prix ក្រុមជម្រើសជាតិវៀតណាម ប្រកួតមិនឈ្នះមួយប្រកួតណាទាំងអស់។ ក្នុងនោះ ទទួលបរាជ័យគួរឱ្យអស់សង្ឃឹមលើក្រុមទាំងពីរ ដែលប្រកួតដណ្តើមមេដាយប្រាក់ នៅស៊ីហ្គេមលើកទី៣០ គឺក្រុមជម្រើសជាតិហ្វីលីពីន និងឥណ្ឌូនេស៊ី។ ដំណាក់កាលនោះ អ្នកឯកទេសបានវាយតម្លៃថា ការបរាជ័យ៦ប្រកួតរបស់ក្រុមជម្រើសជាតិវៀតណាមនៅក្នុងពានរង្វាន់នេះ គឺដោយសារដៃគូបានជម្រើសកីឡាការិនីថ្មីបន្ថែម គឺកីឡាករដែលចូលសញ្ជាតិ។

នៅស៊ីហ្គេមលើកទី៣០ សមាសភាពចូលរួមគឺ៤ក្រុមអាស៊ីអាគ្នេយ៍ដដែល ដែលបានប្រកួតដណ្តើមពានរង្វាន់ ASEAN Grand Prix ៖ ក្រុមជម្រើសជាតិថៃ ហ្វីលីពីន ឥណ្ឌូនេស៊ី និងវៀតណាម។ ព្រោះហេតុនោះ ខណៈពេលកីឡាការិនីវៀតណាមបានឈ្នះ២ក្រុមដែលប្រកួតប្រជែងផ្ទាល់ នោះគឺក្រុមជម្រើសជាតិហ្វីលីពីននិងឥណ្ឌូនេស៊ី យើងរក្សាមេដាយប្រាក់ស៊ីហ្គេមបានជោគជ័យ។ ក្រោយពីនោះ ក្រុមជម្រើសជាតិវៀតណាម បរាជ័យក្រុមថៃនៅវគ្គជម្រុះនិងវគ្គផ្ដាច់ព្រ័ត្រស៊ីហ្គេមលើកទី៣០។ និយាយដោយពិតទៅ ប៉ុន្មានឆ្នាំជិតៗនេះ ទីលាននៅអាស៊ីអាគ្នេយ៍គ្រាន់តែជា "ទ្រង់ទ្រាយតូច" ចំពោះកីឡាការិនីថៃ។ ពីព្រោះពួកគេប្រកួតប្រជែងមិនចាញ់ប្រៀបចំពោះក្រុមបាល់ទះពូកែៗនៅទ្វីបអាស៊ី ដូច៖ ជប៉ុន កូរ៉េខាងត្បូងហើយធ្លាប់ យកឈ្នះយ៉ាងអធិកអធមចំពោះម្ចាស់ពានរង្វាន់ជើងឯកពិភពលោកទៀតផង គឺក្រុមជម្រើសស៊ែប៊ី។ សមាសភាពក្រុមជម្រើសថៃ មានកីឡាការិនីចេញទៅប្រកួតជោគជ័យនៅអឺរ៉ុប និងមានកីឡាការិនីបញ្ជូនបាល់ដ៏ពូកែបំផុតលើពីភពលោកម្នាក់ផងដែរ។

មិនអាចបដិសេធចំពោះការប្រឹងប្រែងរបស់ថាញ់ធ្វី និងមិត្តរួមក្រុម ខណៈពេលរក្សាមេដាយប្រាក់ស៊ីហ្គេមលើកទី៣០ បានជោគជ័យ ប៉ុន្តែនៅពេលខាងមុខ អ្នកស្រឡាញ់ពេញចិត្តបាល់ទះសង្ឃឹមថា កីឡាការិនីវៀតណាមនឹងផ្តួលរំលំការត្រួតត្រារបស់បាល់ទះនារីថៃ ដើម្បី "ឡើងគ្រងតំណែងជើងឯក" នៅទីលានអាស៊ីអាគ្នេយ៍៕

ហាថាញ់-វិមាន

ចែករំលែកអត្ថបទ

ពាក្យគន្លឹះ