ដោះស្រាយការងារធ្វើជូនពលករជនបទ ពិសេសចំពោះពលករមានវ័យចំណាស់ (អាយុពី៤៥ឡើងទៅ) គឺជាបញ្ហាដ៏លំបាករបស់ភូមិភាគជាច្រើននាបច្ចុប្បន្ន។ មូលហេតុ អាស្រ័យពលករទាំងនេះច្រើនតែមានបន្ទុកក្នុងគ្រួសារ (មើលថែកូនចៅ និងមនុស្សចាស់) ម្យ៉ាងទៀត ពួកគាត់ពុំព្រមចំណាកស្រុកទៅរកការងារធ្វើនៅឯមជ្ឈមណ្ឌលក្រុងនានា។ អាស្រ័យហេតុនេះ របរត្បាញកំប្លោកកំពុងទាក់ទាញពលករដែលពោលខាងលើ ទោះបីប្រាក់ចំណូលមិនខ្ពស់ក៏ដោយ។
![ផលិតទំនិញសិប្ប-វិចិត្រកម្មធ្វើពីកំប្លោក](https://baocantho.com.vn/image/fckeditor/upload/2019/20191225/images/khmer/31.jpg)
ប្តីប្រពន្ធអ្នកមីងគីមធីញ៉ុង បានគម្រោង AMD ត្រាវិញជំនួយមធ្យោបាយដឹកជញ្ជូន។
ឋិតក្នុងក្របខណ្ឌ "គម្រោងបន្សាំនឹងការប្រែប្រួលអាកាសធាតុនៃតំបន់វាលរាបទន្លេគឺវឡុង ខេត្តត្រាវិញ"(AMD ត្រាវិញា) អនុគម្រោង"កសាងតំបន់វត្ថុធាតុដើម កែប្រែចំណាយលើការផលិតទំនិញសិប្ប-វិចិត្រកម្មពីកំប្លោក"បានដំណើរការ។ នេះគឺជាគម្រោងចងសម្ព័ន្ធជាមួយនឹងក្រុមហ៊ុន Artex ដុងថាប វិនិយោគតាមរូបភាពពីមូលនិធិសហការរដ្ឋនិងឯកជន(PPP) តាំងពីការទាញយកផល ប្រមូលទិញវត្ថុធាតុដើមភ្ជាប់នឹងការផលិតទំនិញសិប្ប-វិចិត្រកម្មធ្វើពីកំប្លោក។
តាមប្រសាសន៍លោកង្វៀនហ៊ឺវហឹង នាយកក្រុមហ៊ុន Artex ដុងថាប គម្រោងគឺជា"ដងសន្ទូច"សម្រាប់អ្នកក្រ ក្នុងការដោះស្រាយការងារធ្វើនៅនឹងកន្លែង ទាក់ទាញពលករវ័យចំណាស់។ល។ បច្ចុប្បន្ន ក្រុមហ៊ុនទាក់ទាញពលករក្នុងខេត្តប្រមាណជិត១.០០០នាក់ ធ្វើការយកឈ្នួលផលិតផលសិប្ប-វិចិត្រកម្ម។ ជាមួយនឹងប្រភពទុនឧបត្ថម្ភរបស់គម្រោងAMDត្រាវិញ ក្រុមហ៊ុនបានវិនិយោគទិញរទេះសាឡី ទូកជ័រ (composite) ជូនសមាជិកក្រុមត្បាញកំប្លោក។ នេះជាមធ្យោបាយជួយសមាជិកក្រុមអាចទៅកាត់កំប្លោក រួចលក់ឱ្យក្រុមហ៊ុន។ ទនឹ្ទមនឹងនោះ ខាងក្រុមហ៊ុនក៏បានណែនាំប្រជាជនពីរបៀបដាំ និងរក្សាប្រភពវត្ថុធាតុដើម ដើម្បីប្រមូលផលបានយូរអង្វែង។ ឆ្លងតាមរយៈនោះ ជួយបង្កើនប្រាក់ចំណូលដល់សមាជិកត្បាញផលិតផលសិប្ប-វិចិត្រកម្មធ្វើពីកំប្លោក។ល។
អ្នកមីងថាច់ធីសាបាន នៅភូមិរោងវាល ឃុំតឹងហ៊ីប ស្រុកថ្កូវ ឱ្យដឹង៖ "គ្រួសារខ្ញុំមានសមាជិក៤នាក់ ក្នុងនោះទៅធ្វើការក្រុមហ៊ុននៅខេត្តប៊ិញយឿង២នាក់។ រីឯខ្ញុំគ្មានការងារធ្វើ វ័យក៏ចាស់ ចូលរួមត្បាញកំប្លោករកប្រាក់ចំណូលបន្ថែមដើម្បីផ្គត់ផ្គង់ជីវភាពប្រចាំថ្ងៃ។ ខ្ញុំបានក្រុមហ៊ុនជំនួយទូកជ័រធ្វើជាមធ្យោបាយទៅកាត់កំប្លោក យកមកលក់ឱ្យក្រុមហ៊ុន"។ ចំណែកប្តីប្រពន្ធអ្នកមីងគឹមធីញ៉ុង នៅភូមិរោងវាល ឃុំតឹងហ៊ីប ស្រុកថ្កូវ ក៏បានក្រុមជំនួយទូកនិងរទេះសាឡី ដើម្បីដឹកជញ្ជូនវត្ថុធាតុដើមនិងទៅកាត់កំប្លោក។ អ្នកមីងញ៉ុង ឱ្យដឹង៖ "គ្រួសារខ្ញុំចូលរួមត្បាញកំប្លោកទើបតែបាន២ខែ ក្នុងមួយខែៗរកបានប្រាក់ចំណូលពី១,១-១,២លានដុង មានប្រាក់ចំណូលបន្ថែមសម្រាប់ចាយវាយប្រចាំថ្ងៃក្នុងគ្រួសារ"៕
សឺនម៉ាល័យ-មុនី