វប្បធម៌-សិល្បៈ វប្បធម៌

13/08/2019 - 08:47

ក្រុងងកឹងធើ កៀងយ៉ាង៖

អភិរក្សនិងពង្រីកតម្លៃវប្បធម៌ជនជាតិខ្មែរ

អនុវត្តគោលនយោបាយអភិរក្សនិងពង្រីកអត្តសញ្ញាណវប្បធម៌របស់ជនរួមជាតិភាគតិចនិយាយរួម ជនរួមជាតិខ្មែរនិយាយដោយឡែក ក្រុងកឹងធើ តែងយកចិត្តទុកដាក់វិនិយោគ បង្កលក្ខណសម្បត្តិឧបត្ថម្ភស្តារឡើងវិញនិងបន្តរក្សាទម្រង់វប្បធម៌ ដូច៖ ប្រណាំងទូក-ង ល្ខោន យូរកេរ្តិ៍ រាំវង់ ភ្លេងពិណពាទ្យ។ល។ របស់ជនរួមជាតិខ្មែរ។ ឆ្លងតាមរយៈនោះ ដោះស្រាយជាបន្ទាន់នូវតម្រូវការចាំបាច់ផ្នែកសាសនា ជំនឿរបស់ជនរួមជាតិដោយសមស្របតាមបទបញ្ញតិនៃច្បាប់។ រៀងរាល់ឆ្នាំ ក្រុងកឹងធើ បានរៀបចំទិវាវប្បធម៌ កីឡានិងទេសចរណ៍នៅខណ្ឌអូរម៉ូង - មហាសាមគ្គីបណ្តាជនជាតិក្រុងកឹងធើជាដើម។ ទិវាវប្បធម៌ កីឡានិងទេសចរណ៍មាន៩/៩ខណ្ឌ ស្រុក និងសាលាជនជាតិអន្តេវាសិកក្រុងចូលរួម។ ជាពិសេសក្រុងកឹងធើ ក៏បានអនុវត្តល្អគោលនយោបាយ គិតគូរដល់ជនរួមជាតិក្នុងឱកាសបុណ្យចូលឆ្នាំវៀតណាម បុណ្យចូលឆ្នាំថ្មីប្រពៃណីខ្មែរ បុណ្យសែនដូនតា អកអំបុក។ល។

ការប្រគំភ្លេងពិណពាទ្យក្នុងទិវាវប្បធម៌ កីឡានិងទេសចរណ៍ខណ្ឌអូរម៉ូង-មហាសាមគ្គី

បណ្តាជនជាតិក្រុងកឹងធើឆ្នាំ២០១៨។

ក្រៅពីនេះ ក្រុងយកចិត្តទុកដាក់ឧបត្ថម្ភ ជួសជុល កសាងឈាបនដ្ឋាន ឧបត្ថម្ភបោះ ទូក-ង ជាវភ្លេងពិណពាទ្យ។ល។ រួមចំណែកធ្វើឲ្យសម្បូរបែបជាងទៀតនូវជីវភាពរបស់ជនរួមជាតិខ្មែរ។ ជាពិសេស ក្រុងអនុវត្តគម្រោងវិទ្យាសាស្រ្ត “បង្រៀនវិជ្ជាជីវៈនិងបង្រៀនអក្សរខ្មែរជូនជនជាតិខ្មែរនៅស្រុកកើ-ដ ក្រុងកឹងធើ ” រួមចំណែករក្សាពង្រីកអត្តសញ្ញាណវប្បធម៌ជនជាតិខ្មែរអំពីភាសា អក្សរសាស្រ្ត។ ឆ្លងតាមរយៈនោះ សំដៅជំរុញស្មារតីសង្វាតរៀនសូត្រ ត្រូវបានប្រជាជនស្ម័គ្រចិត្តគាំទ្រនិងឱ្យតម្លៃខ្ពស់។

កៀងយ៉ាង ក៏ជាខេត្តមានជនរួមជាតិខ្មែររស់នៅជាង១៣%។ រយៈពេលកន្លង ផ្នែកពាក់ព័ន្ធ និងភូមិភាគនានាក្នុងខេត្ត បានយកចិត្តទុកដាក់រៀបចំសកម្មភាពវប្បធម៌សិល្បៈល្បែងប្រជាប្រិយជារឿយៗក្នុងឱកាសពិធីបុណ្យ ដូច៖ បុណ្យចូលឆ្នាំថ្មីប្រពៃណីជាតិ បុណ្យអកអំបុក។ល។ របស់ជនរួមជាតិខ្មែរ។ ទន្ទឹមនឹងនោះ រក្សាសកម្មភាពក្រុមសិល្បៈខ្មែរកៀងយ៉ាង ដើម្បីឆ្លើយតបនឹងតម្រូវការទទួលផលវប្បធម៌សិល្បៈរបស់ជនរួមជាតិ។

ក្រៅពីសកម្មភាពខាងលើ ការអភិរក្សពង្រឹង និងពង្រីកតម្លៃវប្បធម៌ជនជាតិខ្មែរនៅកៀងយ៉ាង ក៏ទទួលបានលទ្ធផលគួរឲ្យកត់សម្គាល់ផងដែរ។ តួយ៉ាងដូច៖ ពិធីបុណ្យអកអំបុកនៅស្រុកហ្គវ៉ាវ ត្រូវបានបង្កើនជាទិវាវប្បធម៌-កី ឡាជនជាតិថ្នាក់ខេត្ត។ ទូទាំងខេត្តមានវត្តខ្មែរចំនួន៧២ ក្នុងនោះ មានវត្តចំនួន៨ត្រូវបានស្នើសូមទទួលស្គាល់ជាកេរដំណែលប្រវត្តិសាស្រ្ត ស្ថាបត្យកម្មថ្នាក់ខេត្តនិងថ្នាក់ជាតិ។ ជាពិសេស ខេត្តឧបត្ថម្ភបោះទូក-ងថ្មី២៣ទូក និងជាវភ្លេងពិណពាទ្យ៨វង់ ប្រគេនតាមវត្តនានាលើភូមិសាស្រ្តខេត្ត គិតជាទឹកប្រាក់ជាង២,៥ពាន់លានដុង។ល។ បណ្ណាល័យ បន្ទប់អានសៀវភៅ ជាសន្សឺមៗបានកើតមាននៅតំបន់ជនរួមជាតិ ល្បែងប្រជាប្រិយ និងគ្រប់វិញ្ញាសាកីឡាប្រពៃណីត្រូវបានផ្នែកពាក់ព័ន្ធ ភូមិភាគក្នុងខេត្តពង្រីកបានល្អជានិច្ច។ ការងារថែទាំសុខភាពអនាម័យបរិស្ថានក្នុងតំបន់ជនរួមជាតិមានភាពជឿនលឿនច្រើន។ មកទល់ពេលនេះ ខេត្តបានកសាងឈាបនដ្ឋានប្រគេនវត្តចំនួន៤៨ គិតជាតម្លៃទឹកប្រាក់ជិត១២ពាន់លានដុង។ល។៕

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ