វប្បធម៌-សិល្បៈ វប្បធម៌

16/07/2019 - 08:30

មោទនភាពផ្លូវរូងក្រោមដីគូជី

ស្លាកស្នាមប្រវត្តិសាស្រ្តផ្លូវរូងក្រោមដីគូជី ស្រុកគូជី ក្រុងហូជីមិញ គឺជាមូលដ្ឋានស្នាក់នៅ ធ្វើសកម្មភាពតំបន់ព្រែកទន្លេ ជាប់នឹងទីក្រុងរបស់គណៈកម្មាធិការបក្សមណ្ឌលសាយហ្គង-ចើលើន-យ៉ាដិញ បញ្ជាការដ្ឋានមណ្ឌលសាយហ្គង- ចើលើន - យ៉ាដិញ និងគណៈកម្មាធិការបក្សស្រុកគូជី សម័យសង្រ្គាមប្រឆាំងអាមេរិក។ ផ្លូវរូងក្រោមដីគូជីមានទីតាំងឋិតនៅចម្ងាយពីមជ្ឈមណ្ឌលក្រុងសាយហ្គង៧០គីឡូម៉ែត្រ ឆ្ពោះទៅទិសពាយព្យ។ ឆ្នាំ២០១៦ ផ្លូវរូងក្រោមដីគីជី ត្រូវបានរៀបចំណាត់ថ្នាក់ជាស្លាកស្នាមប្រវត្តិសាស្រ្តថ្នាក់ជាតិយ៉ាងពិសេស។ អាស្រ័យហេតុនោះ ទីនេះគឺជាកន្លែងអប់រំប្រវេណីប្រវត្តិសាស្រ្តដ៏មានតម្លៃជា កន្លែងប្រជុំសកម្មភាព បោះជំរំយ៉ាងល្អប្រសើរទៀតផង ដ្បិតអីនៅទីនេះមានដើមឈើខ្ពស់ៗ គុម្ភឫស្សីធំៗ ចោលម្លប់ត្រឈឹងត្រឈៃ។ យោងតាមគណៈគ្រប់គ្រង ស្លាកស្នាមប្រវត្តិសាស្រ្តផ្លូវរូងក្រោមដីគូជី ឲ្យដឹង រៀងរាល់ឆ្នាំ មានភ្ញៀវទេសចរមកទស្សនាកម្សាន្តជាង១លានលើកនាក់។

បទយកការណ៍រូបភាព៖ ហាថាញ់-ថាច់ធី

មគ្គុទ្ទេសក៍ទេសចរណ៍ ឡាវ៉ាន់ហ្វាត កំពុងឧទ្ទេសនាមអំពី”ត្រោកកណ្ដៀរ”ក្នុងមណ្ឌលស្លាកស្នាមប្រវត្តិសាស្រ្ត។ ត្រោកកណ្ដៀរទាំងនេះ ត្រូវបានធ្វើឡើងដូចត្រោកកណ្ដៀរពិតៗ សម្រាប់ស្រូបខ្យល់អាកាសពេលចូលក្នុងប្រព័ន្ធផ្លូវរូង។

នៅថ្ងៃចុងសប្តាហ៍ តែងមានភ្ញៀវទេសចរយ៉ាងច្រើន មកទស្សនាផ្លូវរូងក្រោមដីគូជី។ ក្រៅពីដើមឈើធំៗត្រូវបានអភិរក្ស មណ្ឌលផ្លូវរូងក្រោមដីគូជី ថែមទាំងមានដើមឈើប្រណីតៗប្រកបដោយលក្ខណពិសេសនៃភូមិភាគទាំង៣ គឺភូមិភាគខាងជើងភូមិភាគកណ្តាល និងភូមិភាគខាងត្បូងទៀតផង។

ភ្ញៀវទេសចរបរទេសច្រើនកុះករមកទស្សនាផ្លូវរូងក្រោមដីគូជី រួចហើយឈប់សម្រាកក្រោមម្លប់ឫស្សីដ៏ត្រជាក់ ហូបដំឡូងមីស្ងោរជ្រលក់អំបិលគ្រឿង នៅតំបន់រំដោះនៃមណ្ឌលផ្លូវរូងក្រោមដី។

មានគម្របមាត់រូងសម្ងាត់ជាច្រើនក្នុងចំណោមប្រព័ន្ធផ្លូវរូងត្រូវបានធ្វើយ៉ាងតូច កុំឲ្យពួកខ្មាំងចុះបាន។ នេះជាគម្របមាត់រូងសម្ងាត់មួយត្រូវបានភ្ញៀវទេសចររកឃើញ និងបានចុះទៅក្នុងរូង រួចហើយរកឃើញមាត់រូងកន្លែងផ្សេងសម្រាប់ឡើងមកខាងលើវិញ។

ផ្លូវរូងក្រោមដីគូជី គឺជាប្រព័ន្ធការពារនៅក្រោមដី រួមមាន៖ ដំណាក់ពេទ្យ កន្លែងស្នាក់នៅរោងបាយឃ្លាំង ប្រព័ន្ធផ្លូវក្រោមដី។ល។ មានប្រវែងប្រមាណ២៥០គីឡូម៉ែត្រ។ សព្វថ្ងៃ ផ្លូវមាត់រូងត្រូវបានពង្រីកធំសម្រាប់ភ្ញៀវទេសចរចុះទៅទស្សនា។

ចែករំលែកអត្ថបទ

ពាក្យគន្លឹះ