សុខភាព - អប់រំ សុខភាព

26/02/2019 - 09:05

លើកកម្ពស់ការងារថែទាំសុខភាពបឋមជូនប្រជាជន

ជាឃុំស្ថិតក្នុងកម្មវិធី១៣៥ (ដំណាក់កាល៣) ឃុំទ្រឿង-ថ ស្រុកកូវង៉ាង ខេត្តត្រាវិញ មានជនរួមជាតិខ្មែររស់នៅជាង៧៣%។ ប៉ុន្មានឆ្នាំកន្លង ការងារផ្សព្វផ្សាយ ថែទាំសុខភាពបឋមជូនប្រជាជន ពិសេសគឺក្នុងតំបន់ជនរួមជាតិខ្មែរ បាននាំមកនូវប្រសិទ្ធភាពជាក់ស្ដែង ។

ប្រជាជននាំកុមារទៅដំណាក់សុខាភិបាល ដើម្បីចាក់ថ្នាំបង្ការតាមពេលកំណត់។

លោកត្រឹងវ៉ឹងសឺន លេខាគណៈកម្មាធិការបក្សឃុំទ្រឿង-ថ ឲ្យដឹង៖ “កងជួរកម្មាភិបាលពេទ្យរបស់ដំណាក់សុខាភិបាល ត្រូវបានផ្តោតការយកចិត្តទុកដាក់ គុណភាពពិនិត្យ ព្យាបាលជំងឺជាសន្សឹមៗត្រូវបានកើនឡើង ។ កម្មវិធីសុខាភិបាលជាតិ ត្រូវបានផ្សព្វផ្សាយអនុវត្តល្អការងារបង្ការបង្រ្កាបរោគរាលដាល បានម្ចាស់ការចាប់ពីដើមឆ្នាំមកម៉្លេះ។ល។ អាស្រ័យហេតុនោះ រោគរាលដាលកាត់បន្ថយ បើប្រៀបធៀបនឹងឆ្នាំទៅមិញ ការងារពិនិត្យព្យាបាលជំងឺជូនមុខសញ្ញាឋិតក្នុងក្របខ័ណ្ឌគោលនយោបាយ អ្នកក្រ ម្តាយនិងកុមារត្រូវបានយកចិត្តទុកដាក់អនុវត្ត បង្កើនការថែទាំសុខភាពកុមារ។ ដូច្នេះ ឃុំតែងរក្សាខ្ជាប់ការសម្រេចបទដ្ឋានជាតិអំពីសុខាភិបាល”។

ពូថាច់បាង នៅភូមិកាន់ស្នម ឲ្យដឹង៖ “ក្រុមគ្រូពេទ្យ វេជ្ជបណ្ឌិតនៅដំណាក់សុខាភិបាល តែងអស់ពីចិត្តពីថ្លើមពេលប្រជាជនទៅពិនិត្យជំងឺម្តងៗ។ ខ្ញុំបាននាំចៅអាយុ១ឆ្នាំទៅដំណាក់សុខាភិបាលដើម្បីចាក់ថ្នាំបង្ការតាមការកំណត់ មិនត្រឹមតែអនុវត្តការចាក់ថ្នាំបង្ការប៉ុណ្ណោះទេ គ្រូពេទ្យនៅដំណាក់សុខាភិបាល ថែមទាំងណែនាំយ៉ាងហ្មត់ចត់ពីការតាមដានជំងឺ ថែទាំកុមារក្រោយពេលចាក់ថ្នាំបង្ការ ក៏ដូចជារបៀបបង្ការបង្ក្រាបជំងឺឆ្លង ដូច៖ ជំងឺគ្រុនឈាម ជំងឺពងដៃ-ជើង-មាត់ និងអនាម័យបរិស្ថាន ព្រមទាំងកម្ចាត់ដង្កូវទឹកជុំវិញផ្ទះ។ល។”។

បងស្រីកៀងធីថាញ់ធ្វី នៅភូមិកោះស្វាយ ឲ្យដឹង៖ “ដំណាក់សុខាភិបាលស្អាតបាត គ្រូពេទ្យនៅទីនេះរួសរាយរាក់ទាក់ ហើយណែនាំអ្នកជំងឺអស់ពីចិត្តរបៀបលេបថ្នាំ តាមដានជំងឺ។ល។”។

បច្ចុប្បន្ន លើភូមិសាស្រ្តឃុំមាន៧/៧ ភូមិសុទ្ធសឹងមានសហការីសុខាភិបាល ឆ្លងតាមរយៈនោះ ក៏បានសហការយ៉ាងជិតដិតជាមួយដំណាក់សុខាភិបាល និងបុគ្គលិកទទួលបន្ទុកសុខាភិបាលនៅឃុំ ក្នុងការគ្រប់គ្រង ក្តាប់ហេតុការណ៍ព្រមទាំងចលនា ផ្សព្វផ្សាយដើម្បីលើកកម្ពស់ស្មារតីភ្ញាក់រលឹករបស់ប្រជាជន ក្នុងការអនុវត្តបង្ការបង្ក្រាបជំងឺប្រសព្វរដូវ ឬក៏រោគរាលដាលជាដើម។ វេជ្ជបណ្ឌិត តូមិញចូវ ប្រធានដំណាក់សុខាភិបាលឃុំទ្រឿង-ថ ឲ្យដឹង៖ “ចាប់ពីឆ្នាំ២០១៧ ខណៈពេលមានសេចក្តីកំណត់ពីការអនុវត្តចំហប្រព័ន្ធពិនិត្យព្យាបាលជំងឺ មានអ្នកជំងឺជាង៨០% បានទៅមន្ទីរពេទ្យថ្នាក់ស្រុកដើម្បីពិនិត្យជំងឺ។ ទោះបីសម្ពាធពិនិត្យជំងឺមានការថយចុះក៏ពិតមែន ប៉ុន្តែកងជួរគ្រូពេទ្យដំណាក់សុខាភិបាលនៅតែបន្តការគ្រប់គ្រងរាល់កម្មវិធីទិសដៅជាតិខាងសុខាភិបាល ដូច៖ ចាក់ថ្នាំបង្ការបើកទូលាយ ថែទាំសុខភាពបន្តពូជ-ផែនការគ្រួសារគ្រប់គ្រងនិងតាមដានរាល់សកម្មភាពជំងឺរបេង ឃ្លង់ សរសៃប្រាសាទសហគមន៍ និងបង្ការបង្ក្រាបជំងឺគ្រុនឈាម គ្រុនចាញ់ HIV/អេដស៍ លើសឈាម និងជំងឺទឹកនោមផ្អែម ។ល។ ដោយស្មារតីទទួលបន្ទុករបស់គ្រូពេទ្យ “គ្រូពេទ្យ ដូចវិសុទ្ធមាតា” ក៏បានជំរុញទឹកចិត្តសមូហភាពកម្មាភិបាល គ្រូពេទ្យនៅដំណាក់សុខាភិបាលឃុំអនុវត្តល្អនូវភារកិច្ច”៕

សើុងម៉ាល័យ-លីសៀ

ចែករំលែកអត្ថបទ

ពាក្យគន្លឹះ