កីឡា - ទេសចរណ៍ ទេសចរណ៍

11/12/2018 - 15:17

ខ្សែក្រវាត់បៃតងផុងដៀង

ស្រុកផុងដៀង កំពុងផ្តុំកម្លាំងអភិវឌ្ឍអេកូទេសចរណ៍ ដើម្បីក្លាយជាដំបន់បៃតងរបស់ក្រុងកឹងធើ។

ភ្ញៀវទេសចរ ចូលរួមលេងល្បែងកម្សាន្តនៅមណ្ឌលទេសចរណ៍អ៊ុងដេ។

ជាមួយនឹងឧត្តមភាពដីមានជីជាតិ ផុងដៀងអាច ដាំបានឈើហូបផ្លែពិសេសៗជាច្រើនមុខនៅតំបន់វាលរាបទន្លេគឺវឡុង។ នេះក៏ជាលក្ខណៈដើម្បីស្រុកផុងដៀង រៀបចំគម្រោងប្លង់ឡើងវិញនូវផ្ទៃដីដាំដំណាំឈើហូបផ្លែចំនួន៨.៥០០ហិកតា តាមទិសដៅជំនាញ នៅភូមិសាស្រ្តនីមួយៗ ដូច៖ ផ្លែផ្ញៀវហាចូវនៅឃុំញើុនអាយផ្លែទឹកដោះនៅឃុំយ៉ៃស្វឹង តំបន់ដាំមៀននៅឃុំញើុនង៉ៀ ទូរេនគ្រប់មុខនៅឃុំតឹងថើយ។ល។

បើប្រៀបនឹងឆ្នាំ២០០៤ ទូទាំងស្រុកបានកែប្រែចម្ការ ចាស់ដាំឡើងវិញឈើហូបផ្លែបានចំនួន៣.៧២៧ហិកតា។ ការកែប្រែលើកនេះ ខុសប្លែកជាងលើកមុនៗ អ្នកចម្ការជាច្រើនបានឆ្លៀតយកឧត្តមភាព ដើម្បីគួបផ្សំនឹងធ្វើសេវាកម្មអេកូទេសចរណ៍។ កាលពីឆ្នាំ២០០៤ ស្រុកមានកន្លែងទេសចរណ៍តែ៧កន្លែងប៉ុណ្ណោះ ប៉ុន្តែបច្ចុប្បន្ន កើនឡើងដល់ទៅ៥៩កន្លែង ក្នុងនោះ មានកន្លែងអេកូទេសចរណ៍ជាង៣២កន្លែង។ គិតដោយឡែកចាប់ពីឆ្នាំ២០១៧មកទល់បច្ចុប្បន្ន មានកន្លែងទេសចរណ៍ចំនួន១៣ទៀត។ ផ្តើមពីនោះ បង្កើនបរិមាណភ្ញៀវមកទស្សនាឡើងជិត១,៤លានលើកនាក់ កើន១៣ដងបើប្រៀបនឹងឆ្នាំ២០០៤។ បច្ចុប្បន្ន មានកន្លែងទេសចរណ៍ថ្មីមួយចំនួនកំពុងទាក់ទាញភ្ញៀវទេសចរ ដូច៖ មណ្ឌលអេកូទេសចរណ៍លុងត្រាម ចម្ការផ្លែឈើបាហ៊ីប នៅឃុំ ញើុនង៉ៀ មណ្ឌលទេសចរណ៍អ៊ុងដេ ចម្ការផ្លែឈើចិញហុង នៅឃុំមីខាញ់។ល។

តាមប្រសាសន៍លោកវ៉ថាញ់យុប នាយកមជ្ឈមណ្ឌល ជំរុញដំណើរការពាណិជ្ជកម្មទេសចរណ៍ស្រុកផុងដៀង ឲ្យដឹង៖ ពេលមានសេចក្តីសម្រេចលេខ០៣ ស្តីពីការអភិវឌ្ឍ ទេសចរសេចក្តីសម្រេចលេខ០៧ ស្តីពីការអភិវឌ្ឍស្រុកផុងដៀងក្លាយជាក្រុងបៃតង របស់គណៈកម្មាធិការបក្ស ក្រុង គណៈកម្មាធិការប្រជាជនក្រុងកឹងធើ ស្រុកផុងដៀង បានបង្កលក្ខណសម្បត្តិងាយស្រួលឲ្យប្រជាជនធ្វើសេវាកម្មទេសចរណ៍ ដោយមានគោលនយោបាយឧបត្ថម្ភសមស្របជាច្រើន។ អាស្រ័យការគាំពាររបស់ភូមិភាគ ប្រជាជនមានទំនុកចិត្តក្នុងការបង្វែរពីការដាំឈើហូបផ្លែតែម៉្យាង មកគួបផ្សំនឹងធ្វើសេវាកម្មទេសចរណ៍។ ការមោះមុតប្រកបដោយគំនិតច្នៃប្រឌិត ឈ្លាសវៃ ម៉្លោះហើយមានអ្នកចម្ការជាច្រើន បានម្ចាស់ការកសាងផលិតផលសេវាកម្មសមស្របនឹងលក្ខណៈសម្បត្តិរបស់ខ្លួន សំដៅទាក់ទាញភ្ញៀវទេសចរ។

បងស្រីង្វៀនធីធូហ៊ុង ផ្ទះនៅវិថីង្វៀនដែ ខណ្ឌប៊ិញធ្វី ក្រុងកឹងធើ រៀបរាប់៖ “កាលពីថ្ងៃអាទិត្យកន្លង ខ្ញុំនឹងគ្រួសារទៅទេសចរណ៍នៅមណ្ឌលទេសចរណ៍អ៊ុងដេ ឃុំមីខាញ់ ជួលផ្ទះស្លឹកមួយល្វែងដើម្បីក្រុមគ្រួសារស្នាក់នៅកម្សាន្ត។ ក្មេងៗបន្ទាប់ពីលេងល្បែងប្រជាប្រិយ មានកន្លែងងូតទឹក កន្លែងសម្រាកថ្ងៃត្រង់។ តម្លៃសមល្មម ម្ហូបអាហារក៏ឆ្ងាញ់ ក្រុមគ្រួសារលេងកម្សាន្តប្រកបដោយផាសុកភាព។ ជាពិសេសយើងអាចនឹងអប់រំពីបំណិននៃការរស់នៅដល់ក្មេងៗ ដូចជា៖ ហែលទឹក ដើរឆ្លងស្ពានយោល ជាដើម...”៕

ហាថាញ់-មុនី

ចែករំលែកអត្ថបទ

ពាក្យគន្លឹះ