គោលនយោបាយ -ការរស់នៅ គោលនយោបាយ

06/11/2018 - 09:23

សន្និបាតការងារបណ្ដុះបណ្ដាលជម្រើសកម្មាភិបាលនិងផ្សព្វផ្សាយអប់រំច្បាប់ជូនអ្នកមានប្រជាប្រិយភាព

ក្នុងរយៈពេល២ថ្ងៃ ២៥-២៦ ខែតុលា គណៈកម្មាធិការជនជាតិរួមជាមួយគណៈជនជាតិខេត្តសុកត្រាំង រៀបចំសន្និបាតហ្វឹកហាត់ផ្ដល់ព័ត៌មាននិងផ្សព្វផ្សាយ អនុវត្តសេចក្ដីសម្រេចចិត្ត ១២/២០១៨/QĐ-TTg របស់នាយករដ្ឋមន្រ្តីនៃរដ្ឋាភិបាល ស្ដីពីលក្ខខណ្ឌជម្រើស ទទួលស្គាល់អ្នកមានប្រជាប្រិយភាព និងគោលនយោបាយចំពោះ អ្នកមានប្រជាប្រិយភាពក្នុងជនរួមជាតិភាគតិចជូនអ្នកមានប្រជាប្រិយភាពនៅខេត្តទាំង៣ គឺ៖សុកត្រាំង ត្រាវិញ និងបាកលីវ។

អ្នកតំណាងទាំងឡាយចូលរួមអង្គសន្និបាតនៅសុកត្រាំង។

ក្នុងអង្គសន្និបាត អ្នករាយការណ៍បានឧទ្ទេសនាមនូវបធានបទជំនាញ៖ ពិនិត្យជាទូទៅស្ដីពីអ្នកមានប្រជាប្រិយភាព និងគោលនយោបាយចំពោះអ្នកមានប្រជាប្រិយភាព ក្នុងជនរួមជាតិភាគតិច; ស្ថានភាពអភិវឌ្ឍសេដ្ឋកិច្ច-សង្គម និងលទ្ធផលអនុវត្តកម្ម វិធីគោលនយោបាយជនជាតិនៅលើភូមិសាស្រ្តខេត្ត; ការងារសន្តិសុខការការពារប្រទេស និងស្ថានភាពសន្តិសុខជនជាតិតំបន់ជនជាតិភាគតិច និងតំបន់ភ្នំនាបច្ចុប្បន្ន; ជាក់ស្ដែងការងារផ្សព្វផ្សាយ ចលនាមហាជន និងទិសដៅការងារក្នុងស្ថានការណ៍បច្ចុប្បន្ន។ ឆ្លងតាមរយៈនោះ ជួយអ្នកមានប្រជាប្រិយភាពទទួលបានព័ត៌មាន ចំណេះដឹងបន្ថែមដើម្បីអនុវត្តល្អការងារផ្សព្វផ្សាយ ចលនាជនរួមជាតិខ្មែរអនុវត្តនូវគោលការណ៍ គោល នយោបាយច្បាប់របស់បក្សនិងរដ្ឋ។

*ថ្ងៃទី២៥ ខែតុលា ឆ្នាំ២០១៨ នៅខេត្តកាម៉ាវ គណៈកម្មាធិការជនជាតិ រៀបចំសន្និបាតស្ដី ពីសេចក្ដីពង្រាងគម្រោង៖ “ បណ្ដុះបណ្ដាល បំប៉នកម្មាភិបាល អ្នករដ្ឋការថ្នាក់ឃុំ តំបន់ជនជាតិភាគតិច និងតំបន់ភ្នំដំណាក់កាល ២០១៩-២០២៥”; “បណ្ដុះបណ្ដាលថ្នាក់បណ្ឌិត អនុបណ្ឌិតជូនជនជាតិភាគតិច ដោយប្រភពថវិការដ្ឋ ដំណាក់កាល២០១៩-២០២៥” “យន្តការពិសេសដោយឡែកក្នុងការជម្រើស អ្នករដ្ឋការបុគ្គលិកជនជាតិភាគតិចបម្រើការងារនៅតំបន់ជនជាតិភាគតិចនិងតំបន់ភ្នំ” ជូនកម្មាភិបាលបំពេញការងារជនជាតិ។

យោងតាមនាយកដ្ឋានរៀបចំកម្មាភិបាលនៃគណៈកម្មាធិការជនជាតិ បច្ចុប្បន្ន កម្មាភិបាលជនជាតិភាគតិចតំបន់ណាមបូ មាន២៣.៥២០នាក់ ស្រូបអត្រា១៥,៤៦% ក្នុងនោះ អ្នករដ្ឋការជាជនជាតិភាគតិចស្រូបអត្រា១៨,២៦%; ចំនួនកម្មាភិបាល មិនទាន់ឆ្លងកាត់បណ្ដុះបណ្ដាលមុខជំនាញ ស្រូបអត្រា០,០៥%; និងមានកម្មាភិបាលចំនួន២៣,១៧% មិនទាន់ឆ្លងកាត់វគ្គបណ្ដុះបណ្ដាលទ្រឹស្ដីនយោបាយ; កម្មាភិបាល អ្នករដ្ឋការថ្នាក់ឃុំ តំបន់ជនជាតិភាគតិចមានកម្រិតវិជ្ជាអនុបណ្ឌិត ស្រូបអត្រា០,០០៨%។ ទន្ទឹមនឹងនោះ កម្មាភិបាល អ្នករដ្ឋការ បុគ្គលិក តំបន់ជនជាតិភាគតិច ភាគច្រើនមិនទាន់ឆ្លើយតបតាមតម្រូវការដាក់ចេញ។ ការងារបណ្ដុះបណ្ដាល បំប៉នកម្មាភិបាល អ្នករដ្ឋការ បុគ្គលិកតំបន់ជនជាតិភាគតិច និងតំបន់ភ្នំ មិនទាន់ផ្សារភ្ជាប់ជាមួយនឹងគម្រោងផែនការ សម្ពាធសុក្រឹត ការកម្មាភិបាល គឺបណ្ដុះបណ្ដាលនៅកន្លែងធ្វើការនៅមានចំនួនច្រើន មិនទាន់ចាប់ អារម្មណ៍បំប៉នសមត្ថភាពមុខជំនាញ។

នៅក្នុងសន្និបាត អ្នកតំណាងទាំងឡាយ សំណូមពរ៖ ត្រូវមានគោលនយោបាយ សម្រាំងយកចំពោះអ្នករដ្ឋការ បុគ្គលិកជនជាតិភាគតិច មិនទាន់ឆ្លើយតបតាមតម្រូវការការងារ; ត្រូវមានយន្តការជាក់ស្ដែងក្នុងការជម្រើសកម្មាភិបាល អ្នករដ្ឋការបុគ្គលិកជាជនជាតិភាគតិចសមស្របជាមួយនឹងខេត្តតំបន់។ បង្កើនកម្រិតថវិកាឧបត្ថម្ភបណ្ដុះបណ្ដាលថ្នាក់បណ្ឌិត អនុបណ្ឌិតជូនជនជាតិភាគតិចខ្ពស់ជាងបើប្រៀបជាមួយនឹងគោលនយោបាយបណ្ដុះបណ្ដាលរួម។ ក្រៅពីនោះ ត្រូវញែកដោយឡែកនូវគោលនយោបាយ បណ្ដុះបណ្ដាលនិងបំប៉នកម្មាភិបាល អ្នករដ្ឋការថ្នាក់ឃុំតំបន់ជនជាតិភាគតិច និងតំបន់ភ្នំ៕

យ៉ីអាញ-ទីទុយ

ចែករំលែកអត្ថបទ

ពាក្យគន្លឹះ