ព្រឹត្តិការណ៍ - នយោបាយ នយោបាយ

30/10/2018 - 09:03

លោកឡេសឺនហាយ អនុរដ្ឋមន្រ្តី អនុប្រធានគណៈកម្មាធិការជនជាតិ៖

នឹងមានប្រព័ន្ធគោលនយោបាយជនជាតិថ្មី ជំរុញល្បឿនអភិវឌ្ឍកាន់តែមានភាពទម្លុះទម្លាយ

ជំរុញការអនុវត្តបទបញ្ជាលេខ១៩-CT/TW ចុះថ្ងៃទី១០ ខែមករា ឆ្នាំ២០១៨ របស់គណៈលេខា ស្តីពីបង្កើនការងារនៅតំបន់ជនរួមជាតិខ្មែរក្នុងស្ថានភាពថ្មី រដ្ឋាភិបាលបានប្រគល់ឲ្យគណៈកម្មាធិការជនជាតិទទួលរ៉ាប់រងម្ចាស់ការសហការជាមួយក្រសួង ផ្នែកពាក់ ព័ន្ធរៀបចំពិនិត្យឡើងវិញនូវប្រព័ន្ធគោលនយោបាយជនជាតិបាននិងកំពុងផ្សព្វផ្សាយ។ លទ្ធផលដំបូងនៃការពិនិត្យខាងលើ ដោះដូរជាមួយកាសែតកឹងធើភាសាខ្មែរ លោកឡេសឺនហាយ អនុរដ្ឋមន្រ្តី អនុប្រធានគណៈកម្មាធិការជនជាតិ ឲ្យដឹង៖

កម្មាភិបាលគណៈជនជាតិតំបន់ណាមបូ ចូលរួមសន្និបាតហ្វឹកហ្វឺន ការងាររបាយការណ៍និងអនុវត្តបច្ចេកវិជ្ជាព័ត៌មាន

លើសេចក្តីបូកសរុបទិន្នន័យនៃកម្មវិធី១៣៥។

- ឆ្លងតាមការត្រួតពិនិត្យ បច្ចុប្បន្ន មានគោលនយោបាយនិងលិខិតបទដ្ឋានប្រមាណ ១០០ ស្តីពីជនជាតិ បាននិងកំពុងផ្សាព្វផ្សាយ អនុវត្តនៅតំបន់វាលរាបទន្លេគឺវឡុង។ ដូច្នេះ ប្រព័ន្ធគោលនយោបាយទាំងនេះ ប្រមូលផ្តុំទៅលើការអប់រំ និងបណ្តុះបណ្តាលសុខាភិបាល គមនាគមន៍ ធារាសាស្រ្តនិងប្រព័ន្ធហេដ្ឋារចនាសម័្ពន្ធជាចាំបាច់ អភិវឌ្ឍការ បង្កបង្កើនផលនិងលុបបំបាត់ភាពអត់ឃ្លាន កាត់បន្ថយភាពក្រីក្រ រក្សាអត្តសញ្ញាណវប្បធម៌ប្រវេណីរបស់បណ្តាជនជាតិ។ល។ ក្រៅពីនេះ ភូមិភាគនីមួយៗនៅតំបន់វាលរាបទន្លេគឺវឡុង ក៏បានដាក់ឲ្យប្រើប្រាស់លិខិតបទដ្ឋានចំនួន៣៤ ដើម្បីអនុវត្តនូវគោលនយោបាយជាក់ស្តែងសម្រាប់ជនរួមជាតិខ្មែរលើភូមិសាស្រ្ត។

* មានគោលនយោបាយជនជាតិជាច្រើន ត្រូវបានអនុវត្តនាំមកនូវប្រសិទ្ធភាពជាវិជ្ជមាន។ ថ្វីត្បិតដូច្នោះក្តី បច្ចុប្បន្ន អត្រាគ្រួសារក្រីក្រក្នុងតំបន់ជនរួមជាតិខ្មែរណាមបូ នៅមានជីវភាពក្រ លំបាកចំនួនច្រើន។ តើមកពីមូលហេតុអ្វីខ្លះ? ជម្រាបប្រសាសន៍លោក !

-ប្រព័ន្ធគោលនយោបាយជនជាតិផ្សព្វផ្សាយរយៈពេលកន្លង បានរួមចំណែកយ៉ាង ធំធេងក្នុងការអភិវឌ្ឍសេដ្ឋកិច្ច-សង្គម តំបន់ជនរួមជាតិខ្មែរណាមបូ។ ទោះបីដូច្នោះក្តី មានគោលនយោបាយខ្លះអស់សុពលភាពឬគ្រាន់តែអនុវត្តពិសោធន៍។ មានគោលនយោបាយខ្លះទៀតពិបាក ឬក៏មិនអាចផ្សព្វផ្សាយអនុវត្តបាន ដោយសារខ្វះប្រភពកម្លាំងពិសេសគឺទុនវិនិយោគ។ល។ បើតាមការអះអាងពីអ្នកវិទ្យាសាស្រ្ត ក្រុមជនជាតិភាគតិច ក្នុងនោះ មានជនជាតិខ្មែរជាដើម គឺជាក្រុមជនជាតិដែលមានចំណុចរសើបបំផុត រង ផលប៉ះពាល់យ៉ាងធ្ងន់ធ្ងរពីភាពបម្រែបម្រួលអាកាសធាតុ ដែលនឹងកើតឡើងពីមួយថ្ងៃទៅមួយថ្ងៃកាន់តែខ្លាំងក្លា។ ម្យ៉ាងទៀត ដំណាក់កាលសមាហរណកម្ម ក៏រងផលប៉ះ ពាល់ជាអវិជ្ជមាន ផ្តើមចេញពីផលវិបាកនៃខឿនសេដ្ឋកិច្ចទីផ្សារ បានជះឥទ្ធិពលមក លើដំណើរជីវិតរបស់ជនរួមជាតិខ្មែរ។

បញ្ហាខាងលើនេះ បានជះឥទ្ធពលដ៏ធំមក លើជីវភាពរស់នៅប្រចាំថ្ងៃរបស់ប្រជាជនខ្មែរ ណាមបូ។ ប៉ុន្តែបើតាមគំនិតខ្ញុំ ហេតុផលដើម គឺផ្តើមចេញពីគុណភាពធនធានមនុស្សចាប់ពីអប់រំនិងបណ្តុះបណ្តាល ក៏ដូចជាកងជួរកម្មាភិបាលក្នុងជនរួមជាតិខ្មែរ មិនទាន់ឆ្លើយ តបទៅនឹងតម្រូវការនៅឡើយ។ អាស្រ័យហេតុនោះ ទោះបីបក្ស រដ្ឋាភិបាលយកចិត្តទុកដាក់ប្រកាសឲ្យប្រើនូវគោលនយោបាយ ច្រើនយ៉ាងណាក៏ដោយ ប៉ុន្តែអត្រាគ្រួសារក្រីក្រក្នុងតំបន់ជនរួមជាតិខ្មែរនៅវាលរាបទន្លេគឺវឡុងនៅតែមានចំនួនច្រើន ជីវភាពគ្រួសារមានការលំបាកជាដដែល។

*តើប្រព័ន្ធគោលនយោបាយថ្មីដូចម្តេចខ្លះ ធ្វើយ៉ាងណាដើម្បីគោលនយោបាយទាំងនោះ ខណៈពេលប្រកាសឲ្យប្រើ ផ្សព្វផ្សាយអនុវត្តនឹងមានប្រសិទ្ធភាពក្នុងជីវភាពជាក់ស្តែង ជម្រាបប្រសាសន៍លោក?

- យើងខ្ញុំនឹងធ្វើការបូកសរុប រួចលើកជូនរដ្ឋាភិបាល នាយករដ្ឋមន្រ្តីនៃរដ្ឋាភិបាល នៅពេលខាងមុខ ដើម្បីប្រកាសឲ្យប្រើនូវគោលនយោបាយណាដែលបង្រួម; សង្ខេបខ្លី ដូច្នេះ រាល់វិធានការអនុវត្តត្រូវធ្វើព្រមៗគ្នា ដើម្បីរៀបចំការងារផ្សព្វផ្សាយប្រកបដោយប្រសិទ្ធភាព ដោះស្រាយដាច់ស្រឡះអ្វីដែលជាប់ជំពាក់ជំពិន។ ជាមួយលទ្ធផលសម្រេច បានពីប្រព័ន្ធគោលនយោបាយជនជាតិ ការយកចិត្តទុកដាក់ ការប្តូរផ្តាច់របស់រដ្ឋាភិបាល នាយករដ្ឋមន្រ្តីនៃរដ្ឋាភិបាល រដ្ឋសភាពិសេសគឺជំរុញការផ្សព្វផ្សាយអនុវត្តបទបញ្ជាលេខ១៩ ខ្ញុំសង្ឃឹមថារយៈពេលខាងមុខ នឹងមានប្រព័ន្ធគោលនយោបាយជនជាតិថ្មី ជំរុញល្បឿនអភិវឌ្ឍកាន់តែមានភាពទម្លុះទម្លាយជាងទៀតក្នុងការអភិវឌ្ឍន៍សម្រាប់ជនរួមជាតិជាជនជាតិខ្មែរណាមបូជាមិនខាន៕

*សូមថ្លែងអំណរគុណលោក !

ថាញ់ឡុង-លីសៀ

ចែករំលែកអត្ថបទ

ពាក្យគន្លឹះ