គោលនយោបាយ -ការរស់នៅ ការរស់នៅ

05/09/2018 - 10:54

ប្រសិទ្ធភាពពីគោលនយោបាយពិសេសដោយឡែក

អនុវត្តគោលនយោបាយអនុគ្រោះពិសេសដោយឡែករបស់រដ្ឋ សម្រាប់ជនរួមជាតិភាគតិច នៅឃុំវីធ្វី ស្រុកវីធ្វី ខេត្តហូវយ៉ាង បានឧបត្ថម្ភគ្រួសារប្រជាជនជិត៣០គ្រួសារ លោះដីផលិតកម្មឡើងវិញ ព្រមទាំងសាងសង់ផ្ទះមហាសាមគ្គីជូនគ្រួសារក្រីក្រជាង១០០ខ្នង។ល។

ដងផ្លូវគមនាគមន៍ទៅកាន់ឃុំវីធ្វីនាបច្ចុប្បន្ន។

លោកង្វៀនសឺលឹង អនុប្រធានគណៈកម្មាធិការប្រជាជនឃុំវីធ្វី ឲ្យដឹង៖ អាស្រ័យការឧបត្ថម្ភដូចពោលមករបស់រដ្ឋ ម្ល៉ោះហើយគ្រួសារជនរួមជាតិភាគតិចជាច្រើនមានលក្ខណសម្បត្តិធ្វើការរកស៊ី ឈានឡើងចាកផុតពីភាពក្រីក្រ។ នៅឆ្នាំ២០១០ អត្រាគ្រួសារក្រីក្រក្នុងជនរួមជាតិខ្មែរ ស្រូបអត្រាជាង២០% បច្ចុប្បន្នថយចុះនៅ១៣%។ មូលហេតុគឺដោយសារភូមិភាគអនុវត្តល្អនូវគោលការណ៍ គោលនយោបាយរបស់បក្សនិងរដ្ឋ អំពីការឧបត្ថម្ភបណ្តុះបណ្តាលវិជ្ជាជីវៈ បុលទុនពង្រីកផលិតកម្ម។ ក្រៅពីនោះ ឃុំនៅទាំងម្ចាស់ការពង្រីកនូវទម្រង់រកស៊ីមួយចំនួនប្រកបដោយប្រសិទ្ធភាព។ ទន្ទឹមនឹងនោះ ឃុំក៏បានបង្កើតក្រុមឧបត្ថម្ភគ្នាពង្រីកសេដ្ឋកិច្ចគ្រួសារ ព្រមទាំងចាត់ឲ្យគណៈ ផ្នែក អង្គការមហាជននានាក្នុងឃុំទទួលភារកិច្ចជួយគ្រួសារក្រីក្រលំនឹងជីវភាពឈានឡើងធ្វើមានស្របច្បាប់។ តាមប្រសាសន៍របស់លោកង្វៀនសឺលឹង គន្លឹះសំខាន់របស់ឃុំវីធ្វី គឺផ្តុំកម្លាំងចលនាប្រជាជនបង្វែររចនាសម្ព័ន្ធពូជដំណាំ សត្វចិញ្ចឹម សមស្របនឹងលក្ខណៈនៃការប្រែប្រួលអាកាសធាតុនិងដីធ្លីនៅភូមិភាគ ដូច៖ ទម្រង់ចិញ្ចឹមកន្ធាយបណ្តុះផ្សិត ដាំដំណាំរួមផ្សំជាដើម។

ស្របនឹងទស្សនៈដូចពោលខាងលើ លោកយ័ញឡឹង ប្រធានភូមិ៥ ឲ្យដឹង៖ ឃុំបានម្ចាស់ការអនុវត្តឆាប់រហ័ស ប្រកបដោយប្រសិទ្ធភាពនូវគោលនយោបាយឧបត្ថម្ភរបស់រដ្ឋ ជួយឲ្យគ្រួសារប្រជាជនជាច្រើនមានលក្ខណសម្បត្តិធ្វើការរកស៊ី។ តួយ៉ាងដូចគ្រួសារលោកយ័ញហឿង អាស្រ័យបានរដ្ឋឧបត្ថម្ភបុលទុន លោះដីផលិតកម្ម ទើបឈានឡើងចាកផុតពីភាពក្រីក្រ។ គ្រួសារលោកហឿង ទើបសង់ផ្ទះ១ខ្នងយ៉ាងសមរម្យ ដោយតម្លៃ២០០លានដុង។ តាមស្ថិតិរបស់គណៈកម្មាធិការប្រជាជនឃុំវីធ្វី គ្រួសារជនជាតិភាគតិចជាង២០០គ្រួសារ បានឃុំដាក់ប្រព័ន្ធទឹកស្អាតចូលដល់ ផ្ទះសម្រាប់ប្រើប្រាស់។ បងស្រីធីគឹមញ៉ែន នៅភូមិ៦ ឲ្យដឹង៖ “រដ្ឋដាក់ប្រព័ន្ធទឹកស្អាតចូលដល់ផ្ទះឲ្យប្រើប្រាស់ ម៉្លោះហើយ ខ្ញុំត្រេកអរណាស់។ ពីមុននេះ រដូវសាបព្រោះ មាមីងតែងបង្ហូតទឹកចុះប្រឡាយ ម៉្លោះហើយប្រើប្រាស់ទឹកប្រឡាយប៉ះពាល់ដល់សុខភាព”។

លោកង្វៀនវ៉ាន់ថាញ់ អនុប្រធានការិយាល័យជនជាតិស្រុកវីធ្វី ផ្តល់ព័ត៌មានបន្ថែម៖ ផ្តើមពីលទ្ធផលដែលឃុំវីធ្វីសម្រេចបានការិយាល័យជនជាតិនឹងសហការជាមួយភូមិភាគ បន្តការបង្កើនការងារបណ្តុះបណ្តាល វិជ្ជាជីវៈ ដោះស្រាយការងារធ្វើដើម្បីលើកស្ទួយជីវភាពរបស់ជនរួមជាតិភាគតិចឲ្យកាន់តែមានភាពប្រសើរឡើង៕

ហាថាញ់-មុនី

ចែករំលែកអត្ថបទ

ពាក្យគន្លឹះ