គោលនយោបាយ -ការរស់នៅ ការរស់នៅ

23/06/2015 - 10:12

ភាពរីករាលដាលនៃការចលនាមួយ

ប្រសិទ្ធភាពនៃការចលនា "ទូទាំងប្រជាជនសាមគ្គីកសាងជីវភាពវប្បធម៌" នៅស្រុកឡុងភូ ខេត្តសុកត្រាំង បានរីកសាយភាយយ៉ាងខ្លាំងក្លា ទាក់ទាញប្រជាជនគ្រប់ជាន់ស្រទាប់ចូលរួមយ៉ាងច្រើនកុះករ។

អាគារវប្បធម៌នៅភូមិខ្វានតាងទីប្រជុំជនឡុងភូ បានកសាងសមរម្យ។

ការចលនា "ទូទាំងប្រជាជនសាមគ្គីកសាងជីវភាពវប្បធម៌" ត្រូវបានស្រុកឡុងភូ ផ្សព្វផ្សាយលើគ្រប់វិស័យ មានដូចៈ៖ កសាងសតិអារម្មណ៍ សីលធម៌ ផ្នត់រស់នៅល្អនិងកសាងជីវភាពវប្បធម៌សម្បូរបែបត្រឹមត្រូវ រុញបន្ថយនូវបាបគ្រោះសង្គមផ្សេងៗ។ល។ ព្រមជាមួយនោះ ការចលនាមនុស្សល្អការងារល្អ ការចលនារៀនសូត្រ ពលកម្ម ច្នៃប្រតិដ្ឋនិងកសាងគ្រួសារវប្បធម៌ ភូមិឃុំវប្បធម៌។ល។ ត្រូវបានផ្សព្វផ្សាយអនុវត្តនិងនាំមកនូវប្រសិទ្ធភាពជាក់ស្តែង។ ឆ្លងតាមរយៈនោះ ប្រពៃណីវប្បធម៌ដ៏ល្អប្រសើររបស់ជនជាតិបានអភិរក្សនិងពង្រីក។ មកដល់ពេលនេះ ទូទាំងស្រុក មានឃុំវប្បធម៌មួយមណ្ឌលតាំងទីលំនៅវប្បធម៌៥១/៦១ សម្រេចអត្រាជាង៨៣%។ មានស្ថាប័ន៦៤ អង្គភាព៦៦និងអាជីវកម្ម២ បានទទួលស្គាល់សម្រេចបទដ្ឋានវប្បធម៌សម្រេចអត្រា១០០%។ មានគ្រួសារ៣៨២បានទទួលស្គាល់សម្រេចបទដ្ឋានវប្បធម៌ បង្កើនចំនួនគ្រួសារសម្រេចបទដ្ឋានវប្បធម៌របស់ស្រុកសរុប២៤.០៥២គ្រួសារ សម្រេចអត្រាជាង៨៦%។

លោកហ្វិញណេ នៅភូមិតឹងវីA ឃុំតឹងហឹងមានប្រសាសន៍៖ "ផ្តើមពីការចលនាទូទាំងប្រជាជនសាមគ្គីកសាងជីវភាពវប្បធម៌ ខ្ញុំបានកសាងផ្នត់រស់នៅថ្មីគ្រួសារចេះគោរពស្រឡាញ់គ្នានិងជួយគ្នាទៅវិញទៅមកក្នុងគ្រាក្រលំបាកចិញ្ចឹម ទូន្មានកូនចៅមានចរិយាសុភាពរាបសា អនុវត្តបានល្អនូវគោលនយោបាយច្បាប់របស់រដ្ឋ និងរក្សាប្រពៃណីវប្បធម៌ដ៏ល្អប្រសើររបស់ជនជាតិ។ល។ ផ្តើមពីនោះ សមាជិកក្នុងគ្រួសាររស់នៅស្រុះស្រួលគ្នា ប្រឹងប្រែងធ្វើការរកស៊ី កូនខ្ញុំទាំង៤នាក់បានរៀនបញ្ចប់កម្រិតមហាវិទ្យាល័យ។ គ្រួសារខ្ញុំបានទទួលស្គាល់ជាគ្រួសារវប្បធម៌ថ្នាក់ខេត្តក្នុង៥ឆ្នាំបន្តបន្ទាប់"។

ព្រមជាមួយនោះ ស្ថាប័នវប្បធម៌នានាត្រូវបានស្រុកយកចិត្តទុកដាក់វិនិយោគកសាង។ មកដល់បច្ចុប្បន្ន ស្រុកឡុងភូមានមជ្ឈមណ្ឌលវប្បធម៌ អគារប្រពៃណី បណ្ណាល័យអគារវប្បធម៌ពហុមុខងារឃុំចំនួន៦ អាគារវប្បធម៌មួយនៅភូមិខ្វានតាង (ជាភូមិដែលមានជនរួមជាតិខ្មែររស់នៅកុះករ) និងផ្ទះប្រជុំវប្បធម៌សហគមន៍១៧ មណ្ឌលវប្បធម៌គឺវត្តខ្មែរ៥ ។ល។ ជាពិសេស ឆ្នាំ២០១៤ គណៈចង្អុលការនៃចលនានេះ បានចលនាសប្បុរសជនរួមវិភាគទានជាង៥,៣ពាន់លានដុង សម្រាប់កសាងផ្ទះជូនគ្រួសារក្រីក្រ កសាងស្ពានជនបទ ផ្លូវគមនាគមន៍ ឧបត្ថម្ភអាហារូបករណ៍ដល់សិស្សក្រីក្រ។ល។ ក្រៅពីនោះ រណសិរ្សរាល់ភូមិនៅទាំងឧបត្ថម្ភដើមទុនដោះស្រាយការងារធ្វើជំនួយបង់ប្រាក់ប្រើប្រាស់អគ្គិសនី។ល។ ជូនគ្រួសារក្រីក្រ អភិវឌ្ឍសេដ្ឋកិច្ច។ ផ្តើមពីនោះ រួមចំណែកញុាំងឲ្យគ្រួសារ១.១៣១បានចាកផុតពីភាពក្រីក្រ កាត់បន្ថយអត្រាគ្រួសារក្រីក្ររបស់ស្រុកថយចុះនៅតែ១១,៤៣%។

លោកស្រីង្វៀងធីធូត្រាង ប្រធានគណៈកម្មាធិការរណសិរ្សមាតុភូមិវៀតណាមស្រុកឡុងភូ បានបញ្ជាក់៖ "ការចលនាទូទាំងប្រជាជនសាមគ្គីកសាងជីវភាពវប្បធម៌នៅស្រុកឡុងភូ មិនត្រឹមតែលើកកម្ពស់គុណភាពនៃការរស់នៅរបស់ប្រជាជនប៉ុណ្ណោះទេ ថែមទាំងបង្កបាននូវសាមគ្គីភាពក្នុងសហគមន៍ ជួយគ្នាលុបបំបាត់ភាពអត់ឃ្លានកាត់បន្ថយភាពក្រីក្រ រួមចំណែកអភិវឌ្ឍសេដ្ឋកិច្ច-សង្គមកិច្ចរបស់ស្រុក"៕

យ្វីអាញ់ - សុផល

ចែករំលែកអត្ថបទ

ពាក្យគន្លឹះ