វប្បធម៌-សិល្បៈ វប្បធម៌

10/03/2015 - 10:21

ភាពអ៊ូអរនៅផ្សារអណ្តែតង៉ាណាំ

ជារៀងរាល់ថ្ងៃ អាជីវករនៅផ្សារអណ្តែតង៉ាណាំ ខេត្តសុកត្រាំង មមាញឹកត្រៀមបម្រុងបណ្តាមុខទំនិញ ដើម្បីបម្រើការទិញដូររបស់ប្រជាជន ។

ផ្សារអណែ្តតងា៉ណាំ ទិញដូរយា៉ងអូ៊អរ។

គ្រួសារបងគឹមវាំុងបេន ខេត្តវិញឡុង បានដឹកជ្រក់ស្ពៃជាង២០តោន មកដល់ផ្សារង៉ាណាំ ដើម្បីចូលរួមជួញដូរ។ បងបេន ឲ្យដឹង៖ "បច្ចុប្បន្ន មាមីងកំពុងចូលចិត្តជ្រក់ស្ពៃម៉្លោះហើយខ្ញុំបានដាក់ពាក្យទិញជ្រក់ពីខេត្តវិញឡុង មកផ្សារអណ្តែតង៉ាណាំលក់ដើម្បីរកប្រាក់ចំណេញ"។ ក្រៅពីបន្លែផ្លែឈើផ្សារអណ្តែតង៉ាណាំ មានមុខទំនិញយ៉ាងសម្បូរបែប មានដូច៖ ឪឡឹក ក្រូចឃ្វិចក្រហមនិងក្រូចថ្លុង។ល។ បងស្រី ប៊ូយគឹម វ៉ាន់អាជីវកម្មនៅខេត្តហូវយ៉ាង ឲ្យដឹង៖ "ដើម្បីចៀសវាងស្ថានភាពខ្វះ មុខទំនិញសម្រាប់លក់ក្នុងរដូវក្តៅ នាងខ្ញុំបានវិនិយោគទុនចាប់ពីដើមរដូវមេ្លះ។ លុះដល់ពេលក្រូចពោធិ៍សាត់ ក្រូចឃ្វិច ក្រូចថ្លុងជិតប្រមូលផល នាងខ្ញុំចុះទៅដល់ចម្ការកក់ប្រាក់ម៉ៅទិញជាមុន។ អាស្រ័យហេតុនោះ ខាងមុខនេះ មុខទំនិញមានស្រាប់គ្រាន់តែយកទៅបោះឲ្យម៉ូយ តាមផ្សារនានា"។

ផ្សារអណ្តែតង៉ាណាំ ត្រូវបានវិនិយោគទុនកសាងហេដ្ឋារចនាសម្ព័ន្ធរឹងមាំ ក្នុងនោះមានទាំងប្រព័ន្ធគមនាគមន៍ ធារាសាស្រ្ត ផ្លូវគោកត្រូវបានកសាងជិតនឹងសម្រេចជាស្ថាពរ ម្ល៉ោះហើយការដឹកជញ្ជូនមុខទំនិញ យកមកពីតំបន់ជិតខាងនានា ឬក៏ពីផ្សារង៉ាណាំ ទៅកន្លែងផ្សេងៗ តែងមានភាពងាយស្រួលនិងឆាប់រហ័ស។ អាស្រ័យហេតុនោះ បានជាតម្លៃទីផ្សារនៃមុខទំនិញផ្សេងៗ ក្នុងឱកាសបុណ្យចូលឆ្នាំតេតឆ្នាំនេះ ត្រូវបានព្យាករណ៍ថា មានភាពលំនឹង ហើយមិនមានករណីខ្វះមុខទំនិញ បណ្តាលឲ្យតម្លៃឡើងខ្ពស់នោះទេ។ បងឡេវាំុងក្វៀង អាជីវករនៅក្រុងង៉ាណាំ ខេត្តសុកត្រាំង ឲ្យដឹង៖ "ផ្លូវទឹកផ្លូវគោកត្រូវបានវិនិយោគទុន កសាងរឹងមាំ ម្ល៉ោះហើយគ្រាន់តែទូរសព្ទហៅគឺមានគេដឹកទំនិញមកដល់កន្លែងតែម្តង។ ព្រោះហេតុនោះ ឆ្នាំនេះគ្មានស្ថានភាពតម្លៃមុខទំនិញមួយចំនួនកើនឡើងដូចប៉ុន្មានឆ្នាំមុនៗទៀតទេ"។ ជាមធ្យមភាគ រៀងរាល់ថ្ងៃផ្សារអណ្តែតង៉ាណាំ មានអាជីវករជួញដូរជិត៥០០នាក់។ លោកវ៉ក្វឹកហាយ អនុប្រធានគណៈកម្មការគ្រប់គ្រងផ្សារង៉ាណាំ ឲ្យដឹង៖ "ដើម្បីធានាសណ្តាប់ធ្នាប់ក្នុងការជួញដូរ គណៈកម្មការគ្រប់គ្រងផ្សារ បានបង្កើនការត្រួតពិនិត្យនិងរៀបចំសណ្តាប់ធ្នាប់ទូកកប៉ាល់ចូលចតត្រូវតាមកន្លែងកំណត់តាមល្វែងទំនិញ ដើម្បីធានាសុវត្ថិភាពចរាចរផងមាមីងជួញដូរមានភាពងាយស្រួលផង"៕

យ្វីអាញ់-លីសៀ

ចែករំលែកអត្ថបទ

ពាក្យគន្លឹះ