គោលនយោបាយ -ការរស់នៅ ការរស់នៅ

04/10/2016 - 08:20

ភាពផ្លាស់ថ្មីនៅវ៉ីថាញ់

ជីវភាពរបស់មាមីងខ្មែរនៅក្រុងវ៉ីថាញ់ (ខេត្តហូវយ៉ាង) មានការរីកចម្រើនយ៉ាងខ្លាំង អាស្រ័យគោលនយោបាយវិនិយោគដោយឡែករបស់រដ្ឋកំពុងមានប្រសិទ្ធភាព។

យន្តូបនីយកម្មសម្រាប់ផលិតកម្មនៅវាលស្រែវ៉ីថាញ់។

តាមប្រសាសន៍របស់អ្នកស្រីង្វៀនធីកេវនឿង អនុប្រធានការិយាល័យជនជាតិក្រុងវ៉ីថាញ់ ឲ្យដឹង ជនរួមជាតិខ្មែររស់នៅប្រមូលផ្តុំច្រើនបំផុតនៅសង្កាត់៣ ឃុំវីតឹង ឃុំហ្វាលូវ។ រយៈកាលកន្លង ក្រុងបានយកចិត្តទុកដាក់វិនិយោគ កសាងហេដ្ឋារចនាសម្ព័ន្ធនៅទីនេះ។ ក្រៅពីកម្មវិធីវិនិយោគទុនរួម កន្លែងដែលមានជនរួមជាតិខ្មែររស់នៅកុះករនៃតំបន់នេះ នៅទាំងបានរដ្ឋយកចិត្តទុកដាក់វិនិយោគកសាងស្ពានវត្តនៅមណ្ឌល៤ សង្កាត់៣ និងវិនិយោគកសាងផ្លូវ កៅស៊ូពីផ្លូវចូលវត្តសម្រាប់យានយន្ត បើកបរបានងាយស្រួល។ ផ្លូវចូលទៅកាន់ភូមិ៧ ឃុំវីតឹងក៏បានចាក់បេតុង ក្រាលកៅស៊ូតាំងពីក្បាលភូមិរហូតដល់ចុងភូមិ ដងផ្លូវនៅឃុំហ្វាលូវ ក៏បានវិនិយោគកសាងតាមកម្មវិធី១៣៥ ហើយបានក្រាលដានចូលទៅដល់ខ្លោងទ្វារវត្ត។ ពូយ័ញសឺង នៅភូមិ៧ ឃុំវ៉ីតឹង ឲ្យដឹង៖ "ពីមុនមាមីងធ្វើដំណើរដោយទូក។ សព្វថ្ងៃ នរណាក៏ទិញបានម៉ូតូ ពីព្រោះទៅផ្សារដោយម៉ូតូមានភាពងាយស្រួលណាស់។ ហើយឌុបកូនទៅរៀនក៏បានឆាប់រហ័សដែរ ពីព្រោះផ្លូវស្ពានធ្វើដោយបេតុង ម៉្លោះហើយម៉ូតូរត់បានយ៉ាងឆាប់រហ័ស"។ ក្រៅពីនោះ មាមីងនៅទាំងយកកំណាត់ឈើចងពីក្រោយម៉ូតូ ដើម្បីងាយស្រួលក្នុងការដឹកផ្លែឈើ និងផលិតផលយកទៅផ្សារលក់ទៀតផង។ល។ បងគឹមទ្រុងយុង អនុលេខាប្រចាំការនៃ គណៈកម្មាធិការបក្សឃុំហ្វាលូវ អំណួត៖ "ហ្វាលូវកំពុងជំរុញខ្លាំងក្លាការកសាងជនបទថ្មី ដូច្នេះហេដ្ឋារចនាសម្ព័ន្ធគមនាគមន៍តែងបានផ្តុំកម្លាំងកសាង។ ក្នុងនោះ អាទិភាពកសាងផ្លូវចូលភូមិដែលមានជនរួមជាតិខ្មែរស់នៅកុះករ។ មកដល់នឹងបច្ចុប្បន្ន ផ្លូវបានក្រាលកៅស៊ូចាក់បេតុង ហើយមានទឹកស្អាត អគ្គិសនីប្រើប្រាស់សម្រាប់រាល់គ្រួសារខ្មែរ"។

តាមប្រសាសន៍របស់អ្នកស្រីនឿង ការិយាល័យជនជាតិក្រុង ទើបតែសហការជាមួយនឹងអង្គភាពពាក់ព័ន្ធរៀបចំអនុវត្តផែនការលេខ១០៩ /KH-UBND របស់គណៈកម្មាធិការប្រជាជនខេត្តហូវយ៉ាង ស្តីពីការជំនួយទុនអភិវឌ្ឍផលិតកម្មតាមសេចក្តីសម្រេចចិត្តលេខ ៥៤/QĐTTg របស់នាយករដ្ឋមន្រ្តីនៃរដ្ឋាភិបាលចំពោះគ្រួសារជនជាតិភាគតិចកំពុងជួបការលំបាក។ ទន្ទឹមនឹងនោះ នៅទាំងបន្តការអនុវត្តន៍ជំនួយដោយផ្ទាល់ជូនដល់គ្រួសារចំនួន២៦៧ តាមសេចក្តីសម្រេចចិត្តលេខ១០២របស់នាយករដ្ឋមន្រ្តីនៃរដ្ឋាភិបាល។ ក្រៅពីនោះ ការិយាល័យជនជាតិនៅទាំងសហការជាមួយនឹងគណៈកម្មាធិការប្រជាជនសង្កាត់៣ គណៈកម្មាធិការប្រ ជាជនឃុំហ្វាលូវ និងវីតឹងឧទ្ទេសនាមពលករជាជនជាតិភាគតិចចូលធ្វើការនៅក្រុមហ៊ុនភាគហ៊ុនបេតុងលីតឹមហូវយ៉ាង។ ដើម្បីលើកកម្ពស់គុណភាពធនធានមនុស្សក្នុងជនរួមជាតិភាគតិច ការិយាល័យជនជាតិនៅទាំងសហការជាមួយនឹងសាលាមធ្យមសិក្សាច្បាប់ហូវយ៉ាង រៀបចំជម្រើសសិស្សនៅតាមសាលាសកល ព្រះសង្ឃខ្មែរនៅលើភូមិសាស្រ្តក្រុងវ៉ីថាញ់ទៀតផង៕

ហាថាញ់ -សុផល

ចែករំលែកអត្ថបទ

ពាក្យគន្លឹះ