គោលនយោបាយ -ការរស់នៅ គោលនយោបាយ

10/06/2014 - 09:36

តាំងចិត្តរៀនសូត្រតាមគំរូអ៊ំហូ

វត្តវង្សាសួស្តី ស្រុកអាងបៀង (គៀងយ៉ាង) ជាមណ្ឌលវត្តមួយមានផ្ទៃដីជាង១៣.០០០ម២ ដែលឋិតនៅកណ្តាលវាល អមដោយព្រែកប្រឡាយខ្វាត់ខ្វែង។ រៀងរាល់ថ្ងៃ ក្រៅពីរៀនសូត្រធម៌អាថ៌វិន័យ ព្រះតេជគុណយ័ញណឹងជាព្រះចៅអធិការវត្ត ជាមួយនឹងព្រះសង្ឃក្នុងវត្តស្រាវជ្រាវព្យាយាមអានកាសែត និងឯកសាររៀនសូត្រតាមគំរូសីលធម៌ហូជី មិញជាដើម។ ការព្យាយាមដូច្នេះ មិនត្រឹមតែគ្រាន់នឹងបំពេញចំណេះ ដឹងសម្រាប់ព្រះអង្គប៉ុណ្ណោះទេ ប៉ុន្តែចំណេះដឹងទាំងនោះថែមទាំងបានយកទៅផ្សព្វផ្សាយដល់សហគមន៍ទាំងមូលទៀតផង។

ព្រះតេជព្រះគុណយ័ញណឺង ព្រះចៅអធិការវត្តវង្សាសួស្តី។

កាលពីកំពុងរៀនថ្នាក់ទី៩ ដោយសារផ្លូវពិបាកធ្វើដំណើរខ្លាំងពេក ទើបយ័ញណឹងមិនអាចបន្តការរៀនសូត្របាតាំងចិត្តរៀនសូត្រតាមគំរូអ៊ំហូ ក្រោយមកនៅឆ្នាំ១៩៩២ទើបយ័ញណឹង សូមចូលបួសដើម្បីរៀនសូត្រធម៌អាថ៌វិន័យនិងសងគុណឪពុកម្តាយតាមទំនៀមទម្លាប់អ្នកកាន់ព្រះពុទ្ធសាសនា។ ពេលពីបានចូលបួសក្នុងវត្ត ក្រៅពីរៀនសូត្រធម៌អាថ៌វិន័យ ព្រះតេជព្រះគុណយ័ញណឹង នៅទាំងមានបំណងបន្តការរៀនសូត្រវិជ្ជាសកលទៅមុខទៀត។ ដឹងច្បាស់អំពីទឹកព្រះទ័យ និងការសង្វាតរៀនសូត្ររបស់ព្រះតេជព្រះគុណ យ័ញណឹងព្រះចៅអធិការវត្តបានបង្កលក្ខណៈសម្បត្តិ ដើម្បីព្រះអង្គនិមន្តទៅបន្តការសិក្សានៅសាលាសកលជនជាតិអន្តេវាសិកខេត្ត។ ក្រោយពីប្រឡងជាប់សញ្ញាបត្រមធ្យមសិក្សាចំណេះទូទៅ ព្រះតេជព្រះ គុណយ័ញណឹងបានចុះឈ្មោះចូលរៀនមហាវិទ្យាល័យបម្រុង នៅក្រុងហូជីមិញ ហើយមួយឆ្នាំបន្ទាប់មកព្រះអង្គបានចូលរៀនមហាវិទ្យាល័យច្បាប់។ ក្រោយរយៈពេល៤ឆ្នាំរៀនសូត្ររហូតដល់ឆ្នាំ២០០៣ ព្រះអង្គបានប្រឡងជាប់បរិញ្ញាបត្រច្បាប់ហើយវិលត្រឡប់មកវត្តទទួលតំណែងជាព្រះចៅអធិការវត្តវង្សាសួស្តីរហូតដល់សព្វថ្ងៃ។

ព្រះតេជព្រះគុណយ័ញណឹងមានថេរដីកា៖"បន្ទាប់ពីបានទទួលតួនា ទីជាព្រះចៅអធិការវត្ត ពិនិត្យឃើញក្នុងវត្តនៅឱនថយច្រើន ទើបអាត្មាភាពបានចាប់ផ្តើមចាត់ចែងការងារឡើងវិញ មានដូចការបង្កើតគណៈកម្មការថ្មីដើម្បីរួបរួមកសាងវត្តឲ្យបានល្អ។ មួយផ្នែកទៀតដោយសារអាត្មាភាពបានបវារពុទ្ធបរិស័ទនៅក្រុងហូជីមិញ ដែលមានទំនាក់ទំនងល្អ កាលពីនៅរៀន ផ្សំជាមួយនឹងពុទ្ធបរិស័ទក្នុងចំណុះជើងវត្ត ដែលមានសទ្ធាជ្រះថ្លាចូលរួមវិភាគទាន និងប្រាក់ចំណូលពីដីស្រែរបស់វត្តឲ្យជួលរៀងរាល់ឆ្នាំ ម្ល៉ោះហើយវត្តវស្សាសួស្តីបានកសាងនិងកែលម្អឡើងវិញសមរម្យដូច្នេះ។

ព្រះតេជគុណយ័ញណឹងមានព្រះថេរដីកា៖ ពេលបានបញ្រ្ជាបនូវគោលគំនិត គោលនយោបាយថ្មីរបស់បក្សនិងរដ្ឋ ឬក៏បណ្តាអត្ថបទថ្មីស្តីពីបន្តការរៀនសូត្រនិងធ្វើតាមគំរូសីលធម៌ហូជីមិញម្តងៗ ព្រះអង្គតែងគួបផ្សំជាមួយនឹងពេលសំដែងធម៌ទេសនាដើម្បីផ្សព្វផ្សាយជូនពុទ្ធបរិស័ទ។ ប្រសិនបើទេសនាត្រង់ខ្លឹមសារធម៌អាថ៌ណា ដែលមានអត្ថន័យប្រហាក់ ប្រហែល ព្រះអង្គក៏លើកយកខ្លឹមសារនៃបធានបទរៀនសូត្រតាមអ៊ំហូ បញ្ចូលជាមួយគ្នាតែម្តង។ ផ្តើមពីការភ្ញាក់រលឹកយ៉ាងជ្រាលជ្រៅអំពីអ៊ំហូ ជាគំរូដ៏មហិមា ម្ល៉ោះហើយជាសន្សឹមៗគំរូទាំងនោះក៏បានស៊ីជម្រៅក្នុងស្មារតីពុទ្ធបរិស័ទហើយអនុវត្តតាមដោយមិនសង្ឃឹម និងរង់ចាំតែជំនួយរស់នៅចេះចាយវាយប្រាក់កាសប្រិតសំចៃ ដើម្បីគិតគូរឲ្យកូនចៅរៀនសូត្រនិងជួយអ្នកក្រជាដើម។ ចំពោះព្រះតេជព្រះគុណយ័ញណឹងវិញ សព្វថ្ងៃក៏កំពុងបន្តការសិក្សា ហើយត្រៀមបម្រុងសរសេរនិក្ខេបបទ មហាបរិញ្ញាវប្បធម៌ខ្មែរណាមបូនៅមហាវិទ្យាលយត្រាវិញទៀតផង។ អាស្រ័យហេតុដូច្នោះ ពេលនិយាយដល់ការរៀនសូត្រឬចាយវាយប្រិតសំចៃតាមគំរូអ៊ំហូ ឃើញថាព្រះសង្ឃនិងពុទ្ធបរិស័ទតែងមានការជឿជាក់ និងអនុវត្តតាមដោយស្មគ្រចិត្ត។ ព្រោះហេតុដូច្នោះ កាលបើមានផែនការអ្វីមួយដែលព្រះអង្គផ្តើមគំនិត ហើយដាក់ជូនដល់គណៈកម្មការវត្តគឺសុទ្ធតែទទួលបាននូវការឯកភាពគ្នាទាំងស្រុង។ ព្រមជាមួយនោះ រៀងរាល់ខែព្រះតេជព្រះគុណយ័ញណឹង បានដាក់ចេញផែនការសកម្ម ភាពសប្បុរសធម៌ ដោយមានការចូលរួមយ៉ាងអស់ពីចិត្តពីបណ្តាសមាជិកជិត១០០នាក់។ តួយ៉ាងដូចជាខណៈពេលបុណ្យចូលឆ្នាំតេតជូនអំណោយដល់ពុទ្ធបរិស័ទនូវប្រាក់អង្ករ នំ។ ជិតដល់ថ្ងៃចូលរៀនដំបូងរបស់ប្អូនៗ ជំនួយសៀវភៅពុម្ព សៀវភៅសរសេរនិងសំលៀកបំពាក់។ ជំនួយប្រាក់កាសដល់អ្នកក្រីក្រ ឈឺថ្កាត់ ផ្តល់ជំនួយក្តារមឈូសដល់ បុគ្គលស្លាប់។ សង់ផ្ទះមេត្តាធម៌កសាងស្ពានជនបទ។ល។ មួយឆ្នាំៗរាប់រយលានដុង។

ក្នុងឱកាសវិស្សមកាលរៀងរាល់ឆ្នាំ វត្តបើកបង្រៀនអក្សរខ្មែរចំនួន៤ ថ្នាក់ជូនកូនចៅពុទ្ធបរិស័ទក្នុងចំណុះជើងវត្តមករៀនជាង១០០រូប ដើម្បីរក្សាអក្សរសាស្រ្តខ្មែរ។ ទន្ទឹមនឹងនោះ វត្តនៅទាំងបង្កលក្ខណៈងាយស្រួល និងលើកទឹកចិត្តព្រះសង្ឃចុះឈ្មោះរៀនសូត្របង្កើនចំណេះដឹង ដើម្បីអនាគតជួយជាប្រយោជន៍ដល់សង្គម។ ព្រះតេជព្រះគុណយ័ញណឹង ទទួលបានប័ណ្ណសរសើរ លិខិតសរសើរជាច្រើនរបស់មជ្ឃិម ខេត្តស្រុកអំពីស្នាព្រះហស្តរបស់ព្រះអង្គ ក្នុងនោះរួមមានបណ្ណសរសើររបស់គណៈកម្មាធិការបក្សខេត្តគៀងយ៉ាងអំពី" រៀនសូត្រនិងធ្វើតាមគំរូសីលធម៌ហូជីមិញ"ទៀតផង។ បច្ចុប្បន្ន ក្រៅពីតួនាទីជាព្រះចៅអធិការវត្តព្រះតេជព្រះគុណយ័ញណឹង នៅទាំងជាព្រះចៅអធិការវត្តសិរីវង្សា (ស្រុកអូមិញថឿង) អនុប្រធានប្រចាំការសមាគមសាមគ្គីព្រះសង្ឃស្នេហាជាតិ អន្តរស្រុកអាងបៀង ស្រុកអូមិញថឿង លេខាធិការនៃសមាគមសាមគ្គី ព្រះសង្ឃស្នេហាជាតិខេត្តគៀងយ៉ាង អនុលេខាធិការគណៈអភិបាលសមាគមពុទ្ធសាសនាខេត្ត សមាជិកបម្រុងក្រុមប្រឹក្សាអភិបាលមជ្ឈិមសមាគមពុទ្ធសាសនាវៀតណាម៕

ឡេស៊ាង-សេរី

ចែករំលែកអត្ថបទ

ពាក្យគន្លឹះ