ព្រឹត្តិការណ៍ - នយោបាយ ព្រឹត្តិការណ៍

26/10/2026 - 13:53

អាទិភាពឥណទានគោលនយោបាយសម្រាប់កម្មវិធីដែលមានតម្រូវការចាំបាច់ បម្រើការអភិវឌ្ឍសេដ្ឋកិច្ច-សង្គម កាត់បន្ថយភាពក្រីក្រដោយចីរភាព

លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ ប្រធានគណៈតំណាងក្រុមប្រឹក្សាភិបាលធនាគារគោលនយោបាយសង្គម សាខាទីក្រុងកឹងធើ បានដឹកនាំកិច្ចប្រជុំត្រីមាសទី ៣ ឆ្នាំ២០២៦ របស់គណៈតំណាងក្រុមប្រឹក្សាភិបាលធនាគារគោលនយោបាយសង្គម សាខាទីក្រុងកឹងធើ។

ថ្លែងចង្អុលការក្នុងកិច្ចប្រជុំ លោកស្រី ង្វៀងធីង៉ុកឌេប បានស្នើបណ្តាសមាជិកគណៈតំណាង សាខាធនាគារគោលនយោបាយសង្គមទីក្រុងផ្អែកតាមមុខងារ ភារកិច្ចដែលបានប្រគល់ជូន បន្តធ្វើសេនាធិការជូនគណៈកម្មាធិការបក្ស រដ្ឋអំណាចភូមិភាគបង្កើនការដឹកនាំ ចង្អុលការអនុវត្តឱ្យមានប្រសិទ្ធភាពនូវគោលការណ៍ គោលនយោបាយស្តីពីឥណទានគោលនយោបាយសង្គម។ ពិសេស ត្រូវយកចិត្តទុកដាក់លើការថ្លឹងថ្លែង រៀបចំប្រភពថវិកាភូមិភាគដែលប្រគល់សិទ្ធិទៅឱ្យធនាគារគោលនយោបាយសង្គម ដើម្បីបើកទូលាយលទ្ធភាពទទួលបានឥណទានអនុគ្រោះសម្រាប់ប្រជាជន ឆ្លើយតបនឹងតម្រូវការបុលទុនអនុវត្តកម្មវិធីឥណទានគោលនយោបាយ ពិសេសគឺឱ្យបុលសង់លំនៅឋានសង្គម បណ្តាកម្មវិធីទិសដៅជាតិ ដោះស្រាយការងារធ្វើ សិស្ស និស្សិត និងកម្មវិធីដែលមានតម្រូវការទុនធំ ជាចាំបាច់ បែងចែកទុនឱ្យចំមុខសញ្ញា និងចំគោលដៅ កាត់បន្ថយស្ថានភាពកន្លែងខ្លះខ្វះទុន កន្លែងខ្លះទុនមិនទាន់រំសាយបាន។ល។

លោកស្រី ង្វៀងធីង៉ុកឌេប អនុប្រធានគណៈកម្មាធិការប្រជាជនទីក្រុងកឹងធើ ប្រធានគណៈតំណាងក្រុមប្រឹក្សាភិបាលធនាគារគោលនយោបាយសង្គម សាខាទីក្រុងកឹងធើ ថ្លែងចង្អុលការក្នុងកិច្ចប្រជុំ។

លោកស្រី ង្វៀងធីង៉ុកឌេប បានប្រគល់សាខាធនាគារគោលនយោបាយសង្គមទីក្រុង សហការជាមួយមន្ទីរហិរញ្ញវត្ថុ និងបណ្តាមន្ទីរ ផ្នែក ពិនិត្យឡើងវិញនូវតម្រូវការ សមត្ថភាពថ្លឹងថ្លែងប្រភពធនធានធ្វើសេនាធិការជូនគណៈកម្មាធិការប្រជាជនទីក្រុង រាយការណ៍ជូនដែនសមត្ថកិច្ចពិនិត្យបំពេញបន្ថែមប្រភពថវិកាភូមិភាគដែលបានប្រគល់សិទ្ធិទៅឱ្យធនាគារគោលនយោបាយសង្គម ក្នុងខែដែលនៅសល់នៃឆ្នាំ ២០២៦ ឱ្យស្របតាមបទប្បញ្ញត្តិជាធរមាន។ ទន្ទឹមនឹងនោះ ម្ចាស់ការកសាងគម្រោងរៀបចំប្រភពថវិកាភូមិភាគដែលប្រគល់សិទ្ធិទៅឱ្យធនាគារគោលនយោបាយសង្គមឆ្នាំ ២០២៧ យ៉ាងហោចណាស់ ៦០០ ពាន់លានដុង (មជ្ឈិមប្រគល់ជូន ៥០០ ពាន់លានដុង)។

គិតត្រឹមចុងខែកញ្ញា ឆ្នាំ ២០២៦ ប្រភពទុនសរុបរបស់ធនាគារគោលនយោបាយសង្គម សាខាទីក្រុងកឹងធើ សម្រេចបាន ១៩.៤៥៥ ពាន់លានដុង កើន ១០,៦៤% បើធៀបនឹងឆ្នាំ ២០២៥។ បំណុលសរុបសម្រេចបាន ១៩.៣៩១ ពាន់លានដុង ដោយមានអតិថិជនជំពាក់បំណុលសរុបចំនួន ៣៥៩.៨៩៣ នាក់ កើន ១០,៤៧% បើធៀបនឹងឆ្នាំ ២០២៥ សម្រេចបាន ៩៨,៥៣% នៃភាគកម្រិតផែនការកំណើនឥណទានដែលបានប្រគល់ជូន។ រយៈពេល ៩ ខែកន្លង ប្រភពទុនឥណទានគោលនយោបាយបានជួយគ្រួសារក្រីក្រ និងមុខសញ្ញាគោលនយោបាយផ្សេងទៀតចំនួន ៦៤.៦០៧ នាក់ ឱ្យបុលទុនដើម្បីផលិត ធ្វើអាជីវកម្ម កែលម្អជីវភាព។ល។ សាខាទទួលបានចំណាត់ថ្នាក់ល្អអំពីគុណភាពក្នុងសកម្មភាពឥណទានគោលនយោបាយ (សម្រេច ៩៥,៧៣ ពិន្ទុ) កើន ៧,៨៧ ពិន្ទុ បើធៀបនឹងឆ្នាំ ២០២៥; មាន ២៥/២៨ អង្គភាពទទួលបានចំណាត់ថ្នាក់ល្អ កើន ៦ អង្គភាព បើធៀបនឹងឆ្នាំ ២០២៥។

មិញហ្វៀង - លីសៀ

ចែករំលែកអត្ថបទ

ពាក្យគន្លឹះ